2 Timoti 4:20 - Tataroha Diana

²⁰ Mwane oamu a Erastas e kaꞌa lae ike mai peꞌieu, taꞌe e oore mola wau aana huilume i Korinit. Na ngaeta mwane oamu loꞌu, a Tropimas, nou lae mwaanie mola wau aana huilume i Maelitas aana mweitaꞌaa ko mataꞌi hiitoꞌo.

2 Timoti 4:20 Referans Kwoze

Palonga 20:4

Na ngaeta mo iini nge kire hakusie a Pol aana maholona, nga mwane ni Berea a Sopata, kalena a Piras, na e ro mwane ni Tesalonaeka, a Aristakas na a Sekandas, na e ro mwane ni Debe, a Gaeas na a Timoti, na e ro mwane aana poꞌo ni henue i Esia, a Tikikas na a Tropimas.

Palonga 21:29

Kire ko ere urine aena aana kire leesie kaꞌu a Tropimas, mwane aana mo Aapoloa Aaopa mwaanie huilume i Epesas, e lae-lae noꞌone peꞌie a Pol i laona huilume paine i Jerusalem. Oto kire ko loꞌongaꞌi takalo uri a Pol e toolea oto noꞌone mai a Tropimas i laona Nume Maaꞌi Peine.

Palonga 19:22

Oto ko uusungeꞌinie a Timoti na Erastas, e ro mwane ko euꞌesu peꞌie hunie i Masedonia, na a Pol e kele iiꞌo loꞌu huni haꞌamangoa ngaeta mo ola aana poꞌo ni henue i Esia.

Uusu-uusu A Pol Hurula'aa Hunie Mo Rom 16:23

A Gaeas noꞌone ko niie wau mei wala ni saediananga huniꞌomu. Ingeie oto e tola konieu a Pol i nume ingeie aana maholo ienini, na e toliꞌaasie noꞌone nume ingeie hunie mwala aana soihaadaꞌinge ke loko aana. A Erastas iini lio-lio i suli toꞌoha aana huilume ienini, na aasikaelu a Kuotas kirerue ko niie noꞌone mei wala ni saediananga huniꞌomu.

Palonga 20:15

Melu lae mwaanie huilume ngeena, nge melu si lai hule aana mala-malau karaꞌinie i Kios aana e dangi hoꞌowa. Oto aana dinge loꞌu i puri nge melu lae loꞌu hunie mala-malau i Samos, na aana ngaeta dinge loꞌu i puri nge melu si lai hule aana huilume i Maelitas.

Palonga 20:17

Oto a Pol e haꞌatolaa mei wala uure i Maelitas hunie mo naꞌohai mwane aana soihaadaꞌinge i Epesas uri kire ke lae kaꞌu mei saana.

Palonga 18:1

Oto purihaꞌana a Pol e uure mwaanie i Atens, e si lae loꞌu hunie huilume i Korinit.

Palonga 18:8

Ahutana asunge ingeie peꞌie mo Jiu e kaꞌa waetaꞌi ike, aana naꞌohai mwane haahie nume ni palo-palo ngeena satana a Krispas na uluhe ni iinoni ingeie kire ko meni hiiwalaimoli oto aana a Aalaha. Na mo iini hunge loꞌu i Korinit kire ko loto maaꞌi oto, aana kire rongoa Tataroha Diana, na kire hiiwalaimoli oto aana.