2 Timoti 4:19 - Tataroha Diana

¹⁹ O ke niie mei wala ni saediananga ineu hunie a Prisila na poro ingeie a Akuila, na noꞌone hunie uluhe ni iinoni a Onesiporas.

2 Timoti 4:19 Referans Kwoze

Palonga 18:2

Na aana huilume ngeena ko oodoie mwane satana a Akuila mwane ni Jiu nge e hute aana poꞌo ni henue i Pontas. A Akuila na huꞌe ingeie a Prisila kirerue oꞌoꞌo wau i naꞌo aana poꞌo ni henue i Itali, taꞌe kirerue si lae mwaanie maholo inemauri peine ni Rom a Klodias e oohea ahutana mo Jiu mwaanie huilume i Rom, nge e neꞌi naꞌohai huilume aana poꞌo ni henue i Itali. Oto a Akuila na Prisila ko si lae mai iiꞌo i Korinit maholo a Pol e oodoirerue.

1 Korinit 16:19

Mo soihaadaꞌinge i leu aana poꞌo ni henue i Esia, kire ko niie saediananga ikire huniꞌomu. A Akuila na Prisila oto peꞌie mo iini ko rururu peꞌire tarau wau i nume ikirerue, kire ko niie mei wala ni saediananga huniꞌomu i lalo aana satana Aalaha

Palonga 18:26

A Apolos e lae wau i laona nume ni palo-palo mo Jiu ko tohungei ere hiitoꞌo hunire. Oto maholo a Prisila na Akuila kire rongoa ere-erenga ingeie, kire si toolea wau i nume ikirerue ni haꞌa-uusulie loꞌu aana tolahana God.

Palonga 18:18

Oto a Pol e iiꞌo tewa oto loꞌu peꞌie mo mwaasine i lalo aana Kraes i Korinit. Lae-lae e si loꞌongaꞌi huni lae loꞌu hunie poꞌo ni henue i Siria. A Prisila na Akuila kirerue hakusie aana laenga ngeena, na maholo kire hule i Senggria, a Pol e si pala oꞌoruꞌe aana iihune pwaune aena aana mo dinge aana haiholotaꞌinge maaꞌi ingeie kire si mango. Oto kire taꞌe aana haka,

Matiu 5:47

Na mala uri mo malahumiu haꞌalaa omu ko ere takoire, e kaꞌa aaopa ike noꞌone mwaanie iinoni aaopa. I leune hule aana mo puꞌo na kire sai teꞌurine noꞌone mola.