2 Timoti 4:14 - Tataroha Diana

^14-15 O ke lio talamu mwaanie ngaeta mwane satana a Aleksanda. Ingeie ngaeta mwane nge e sai esuie taꞌena nga ola oto mola aani aean. E tohungei waelieu aana e tohungei sereꞌinie haꞌa-uusulinge ikolu. A Aalaha ke si haꞌaletehie taane haahie nga taa e asuie ngeena.

2 Timoti 4:14 Referans Kwoze

1 Timoti 1:20

A Haemeneas na a Aleksanda ikirerue e ro iini aana mwala urine nge hiiwalaimolinge ikire e aaela taꞌingelu mala haka e aape. Oto nou toliꞌaasirerue oto hunie a Pwelu Eero-eero, uri hunie kirerue ke lio saie nga taa kei reu aana mo iini kire ko sare ere mwakataꞌinie a God.

2 Tesalonaeka 1:6

Na aana leinge a God mone e oodo, nge kei haro haꞌaloie taane mwala nge kire ko teungeꞌiniꞌomu siꞌiri ngeena.

Haataꞌinge 18:6

“Mala e asu aaelasie kaꞌu mo iinoni maaꞌi ineu, nge ne kei suꞌue loꞌu taꞌa-taꞌa taungei aaelanga ngeena hunie, taꞌe kei aaela haꞌarue loꞌu hunie. E haꞌa-inuhie kaꞌu mo iinoni maaꞌi ineu aani wei ahaꞌi, na ingeie kei inu haꞌarue loꞌu aana wai ahaꞌi ngeena.

Uusu-uusu A Pol Hurula'aa Hunie Mo Rom 12:19

Maeni eesiku, maholo nga mwala ko deu huꞌisiꞌomu, mwaanie omu suꞌu eelihoꞌi aana loꞌu hunire, taꞌe toliꞌaasie mola a God ke si haꞌaloire. Aana a Aalaha e unue i laona mo Uusu-uusu Maaꞌi uuri, Leu oto i sapeku hunie suꞌu-olanga. Ineu ni ne ke si oolisie mo aaelanga mwala ko deu huꞌisiꞌomu eeni. Diutronomi 32:35

Haataꞌinge 18:20

Oto ngaeta mei wala e teꞌuri loꞌu, “Iꞌomu mwala taꞌau i Lengi, omu ke mani ilenimwaꞌe haahie haꞌaloinge e hule oto aana hanuena. Omu ke ilenimwaꞌe, iꞌomu mwala a Kraes, na iꞌomu mo hurulaꞌaa, na iꞌomu mo propet. Aana a God ko haꞌaletehie oto a keine haahie nga taa e dau aaelasie huniꞌomu.”

Haataꞌinge 6:10

Oto mo maurihaꞌai ola ngeena kire ko soi aana mei wala paine uuri, “Hahuꞌana Aalaha iꞌemi, iꞌoe o maaꞌi na o toꞌohuu. ?Maholo uri taa nge o ke si leie mo iinoni hai aano na o kei suꞌue mei epu iꞌemi?”

1 Jon 5:16

Oto maholo kie ko leesie ngaeta aasike aani hiiwalaimolinge ko esuie nga mei oorahaꞌaa, e malisine kie ke aarengaꞌi talana. Oto a God ke si hoda rereꞌa aana saena hunie ke mauri. Taꞌe nou kaꞌa ere ike i sulie mo iini kire ko aatopuri aana God na ko iiꞌo mola hunie aaelanga. Oorahaꞌaa urine e adona maenga huu taane, na nou kaꞌa unue ike uri kie ke aarengaꞌi talana mo iini kire ko oorahaꞌaa urine.

Uusu-uusu A Pol Hurula'aa Hunie Mo Rom 2:6

Aana a God kei waaie taꞌena nga iinoni oto i sulie helelana aana nga moi taa e asuiꞌi. Sam 62:12