2 Timoti 2:24 - Tataroha Diana

²⁴ na iinoni euꞌesu a God ke suꞌuri neꞌi iinoni haꞌa-haꞌa-ere. Urine haꞌike, taꞌe ke toli rako mola peꞌie mwala, na ke saenanau diana aana tolaha ni haꞌa-uusulinge, na ke suꞌuri sae-saewasu lau-leu.

2 Timoti 2:24 Referans Kwoze

Taetas 3:2

Mwaanie kire ere aaelasie nga iini wa kire ke haꞌa-erea nga iini, taꞌe kire ke iiꞌo maneko na kire ke manata diana mola hunire hailiu.

Taetas 1:7

Mo naꞌohai mwane i laona soihaadaꞌinge kire ko lio i sulie mo esunge a God, na aena urinena, nge kire ke iiꞌo oodotaꞌi tarau. Mwaanie kire loꞌo-loꞌongaꞌinire mola maraada, na mwaanie kire sae-saewasu lau-leu, na mwaanie kire inu-inu wei ni mehiri, na mwaanie kire haꞌa-haꞌa-ere, na mwaanie kire sae-sae haahie toꞌoha.

1 Tesalonaeka 2:7

E toꞌohuu oto. Iꞌemeelu, melu neꞌie oto mo hurulaꞌaa a Kraes, mo iini peine oto liutaa haahie soihaadaꞌinge. Oto iꞌemeelu mo hurulaꞌaa, melu sai haaraiꞌomu hunie taꞌena nga ola. !Taꞌe melu kaꞌa dau rarahiꞌomu ike! !Haꞌike oto ooꞌoo! Melu tohungei deu rako mola aamiu mala huꞌe ko lio i sulie kele wee-wee ingeie maholo ko haꞌasusuhie.

1 Timoti 6:11

Taꞌe iꞌoe, Timoti, o ke lio talamu oto mwaanie ahutana mo ola mala ngeena, aena aana iꞌoe oto mwane a God. Na o ke huru oto mola i sulie tolaha diana. O ke iiꞌo oodotaꞌi, na o ke iiꞌo maaꞌi, na o ke hiiwalaimoli, na o ke manata diana hunie mwala, na o ke asu taraꞌasi, na o ke maneko.

Kolosi 3:13

Omu ke iiꞌo diana peꞌiꞌomu heiliu, na maholo nga iini ko deu huꞌisie nga mei ola aamu, nge e diana oto liutaa uri o ke suꞌuri saewasu, taꞌe o ke saeꞌaasi mola hunie. A Aalaha e saeꞌaasie mo roroꞌanga iꞌoe, na iꞌoe noꞌone o ke saeꞌaasie urine mo roroꞌanga mo iini ko deu aaela huniꞌo.

Pilipae 2:14

Taꞌe-taꞌena nga ola omu ko euꞌesuie, omu ke auꞌesu oodo-oodo oto mola aana, mwaanie upwanga na haitelilinge haahiꞌi.

Pilipae 2:3

Na omu ke suꞌuri da nga mei ola huni haꞌapainaꞌaꞌomu na huni toohaꞌiniꞌomu haahie. Taꞌe omu ke haꞌamwai-mweiꞌaꞌomu, na omu ke loꞌongaꞌinie uri ngaeta mwala kire roroꞌa liutaa aamiu.

Epesas 4:2

Omu ke haꞌamwai-mweiꞌaꞌomu tarau, na omu ke toli rako peꞌie mwala. Omu ke saemamae mola, na omu ke haataꞌinie manata-diananga iꞌomu huniꞌomu heiliu aani saeꞌaasilana nga moi taa kire dau huꞌisiꞌomu eeni.

1 Pita 3:8

Leu ooreta no ko unue mola uri omu ke mani toꞌo aana mola taꞌa-taꞌa mei sae, na omu ke aama-aamasiꞌomu heiliu. Omu ke mana-manata diana huniꞌomu heiliu mala mo mwaasine. Omu ke sae-saediana huniꞌomu heiliu, na omu ke haꞌamwai-mweiꞌaꞌomu maraamiu.

Jemes 3:17

Taꞌe saenanaunge nge e lae mai mwaanie a God e uuri. E rereꞌa, na e honu aana hanuelamanga, na e mamae, na e sai tola i suli, na e sai hei-aamasi, na ko peꞌi. Saenanaunge urine e kaꞌa sai lupweꞌi deu-deu na e kaꞌa sai rara ike haahie nga iini.

Taetas 1:9

Na kire ke hele huu mola aana tolahai haꞌa-uusulinge toꞌohuu nge kire toolea oto. Urine nge mo naꞌohai mwane ngeena kire ke si melisine haꞌa-uusulilana mwala aana tolahai haꞌa-uusulinge toꞌohuu huni haꞌa-aꞌailaꞌaa hiiwalaimolinge mwala, na huni haꞌa-oodohie mo takalonga mo iini nge kire ko leledie haꞌa-uusulinge toꞌohuu ngeena.

2 Korinit 10:1

Oto ineu a Pol maraaku no ko eitanaiꞌomu hunie uri omu ke rongo hunieu. Nou rongoa uri ngaeta mo iini eemiu kire ko unue uri nou sai ere hiitoꞌo huniꞌomu mola aani uusu-uusu maholo nou iiꞌo haꞌatauliꞌomu, taꞌe no ko meꞌu ni ere urine maholo nou iiꞌo peꞌiꞌomu. !Haꞌike! Taꞌe no ko heimaanie tolahana a Kraes aana ingeie e saemamae na e lai maneko

Palonga 7:26

Oto aana dinge i puri, a Mosis ko leesie loꞌu e ro mwane ni Israel ko heiseuni. Oto ko sare oopararue, oto ko teꞌuri, ‘!Mwae! ?Iꞌomoreꞌi e ro mwane ni Israel mola ni ngeena, oto more ko heiseuni huni taa?’

Matiu 12:19

E saꞌa haꞌa-ere, wa ke tea, wa ke ere paine i sulie mo tala.

Jemes 4:2

Omu tohungei heri hunie mo ola hunge, taꞌe hunie omu ke toꞌo aani nge haꞌike. Oto omu ko sare horo mola. Omu ko heotaꞌinie ngaeta mo iinoni, taꞌe hunie omu ke toꞌo aana nga taa nge omu ko heri hunie, nge haꞌike. Oto omu ko haꞌa-ere na omu ko heiseuni mola. Omu kaꞌa toꞌo aana ike nga taa omu ko saetoꞌo aana, sulie aena omu kaꞌa suke ike aana God.

Jemes 1:1

Saediananga mwaanieu a Jemes, koni-konihe a God na a Jisas Kraes Aalaha ikie, huniꞌomu ahutemiu mwala a God nge omu oopa hailiu i laona walumalau.

Jiud 1:3

Maeni malahuku, nou tohungei saetoꞌo aana uri ne ke uusu-uusu oto huniꞌomu i sulie mei haꞌa-uuringe nge kolu meni toꞌo aana. Nou sare ere haꞌasusuꞌomu loꞌu uri hunie omu ke uure aꞌailaꞌa peꞌie mei wala toꞌohuu nge kie mani hiiwalaimoli oto aana. A God e niie oto mei wala ngeena hautaꞌai hunikie, ahutana mo iinoni ingeie, na e saꞌa roroꞌa oolisie ike oto ooꞌoo.

Palonga 23:9

Maholo erenga paine ko lae hailiu i matolana e ro pulitaa ngeena, oto ngaeta mo haꞌa-uusuli aana mo Haꞌatolanga a Mosis nge ikire peꞌie mo Parise kire uure i lengi, kire ko ere paine kire ko teꞌuri, “!Melu kaꞌa dau oodoie ike nga mei ola aana a mwane ie ke dau huꞌisie! !Nga liꞌoa wa nga ensel ohe nge ko ere-ere hunie ngeena!”

Taetas 1:1

Saediananga mwaanieu a Pol, huniꞌo Taetas. Ineu nga koni-konihe a God na hurulaꞌaa a Jisas Kraes. E uusungeꞌinieu huni peꞌie hiiwalaimolinge mo iini nge a God e lio hilisire hunie kire ke neꞌi iinoni ingeie, na huni haꞌa-uusulire i sulie walaimolinge nge kei peꞌire hunie kire ke iiꞌo maaꞌi.

Kalesia 5:22

Taꞌe hue-huei ola aana Liꞌoa Maaꞌi nge manata-diananga, na ilenimwaꞌenga, na hanuelamanga, na saemamae, na aamasinge, na diananga. A Liꞌoa Maaꞌi ko da kie ke neꞌi iinoni nou-norue,

2 Korinit 10:4

Mo reisinge nge melu ko ooho aani, kaꞌa mo ola ike aana walumalau, taꞌe mo reisinge kire honu aana nanamanga a God, na hule aana kire sai aꞌailaꞌasie mo maelonga a God maꞌalana kire nanama loꞌu uri taa.

Palonga 15:2

Taꞌe a Pol na Banabas kire kaꞌa neꞌisae tararuru ike peꞌire, oto kire ko tohungei ere haitelili oto peꞌie mo mwaena, na kire ko ere tewa honosire. Oto lae-lae kira hiiwalaimoli i Antiok kire unue a Pol na Banabas na ngaeta mo mwane kire ke lae taꞌau i Jerusalem ni ere peꞌie mo hurulaꞌaa na mo rato aana soihaadaꞌinge i sulie mei ola ienini.

Tataroha Diana I Sulie A Jisas Kraes Nge A Jon E Uusue 6:52

Oto mo Jiu kire ko tohungei saewasulie oto, na kire ko ere hailiu i matolada oto aani dolosinge uuri, “?A mwane ie kei niie hasiꞌona akaelu uri taa eena?”

2 Korinit 6:4

Taꞌe aana ahutana walu ola melu ko euꞌesuiꞌi, melu ko haa-haataꞌinie taane oto uri iꞌemeelu mo koni-konihe a God. Melu ko uure maꞌutaꞌa taane mola loosie taꞌena nga siꞌohaꞌanga na aasanga na sapesalunge ko lae mai takoiꞌemeelu.