2 Timoti 2:23 - Tataroha Diana

²³ O ke kinetaꞌiniꞌo mwaanie taꞌena nga haꞌa-erenga takalo na mo erenga taꞌewau. Aana o saie oto uri mo erenga urine kire sai esuie mola haꞌa-erenga ke paine i matolana mwala,

2 Timoti 2:23 Referans Kwoze

2 Timoti 2:14

O ke lae peꞌi haꞌa-haꞌa-aamasitoꞌoa kira hiiwalaimoli aana mo ola ngeena. O ke ere hiitoꞌo hunire aana nanamanga a God uri kire ke suꞌuri ere haitelili aana mo ola kire kaꞌa roroꞌa ike. Aana tala urine e tohungei aaela oto hiitoꞌo, na e sai waelie mola mo iini ko pwaarongoa mo erenga haitelili urine.

Taetas 3:9

Taꞌe o ke aaliꞌu mwaanie mo haꞌa-erenga mweꞌu-mweꞌule i sulie mo hute-hutanga. Na o ke suꞌuri haꞌa-ere wa o ke ere haitapali i sulie mo Haꞌatolanga a Mosis. Mo tolahai iinoni urine, mo ola kire saꞌa peꞌie ike nga iini ni ngeena.

2 Timoti 2:16

O ke neꞌi aasie taꞌena nga erenga aaela na mo wala mwaakule i purimu, aena aana mwala ko ere-ere urine, kire ko si oohea oto mwala haꞌataulie a God ni ngeena.

1 Timoti 4:7

Taꞌe o ke suꞌuri lae i sulie mo laladonga eero-eero, na o ke iiꞌo haꞌataulie mo ooni-ooninge mo repo keni nge kire kaꞌa sada ike aana walaimolinge a God. Mo ola urine suꞌuri, taꞌe o ke haꞌa-haꞌa-aꞌailaꞌaa mau-meuringe iꞌoe aani lulu i sulilana tolahana a God.

1 Timoti 1:4

O ke unue hunire uri kire ke mamalo oto mwaanie tolahai ola nge ko waetaꞌinie maholo ikire mola aana mo laladonga kaꞌa toꞌohuu na aana uusulana mo satai ola oto hunge i sulie mo weuwada. Aena aana mo ola ngeena kire sai da haꞌa-erenga hunie mo iinoni, na kire saꞌa peꞌie ike asunge a God nge e saetoꞌo aana mwala ke asuie. Aana tolaha ni hiiwalaimolinge mola haꞌalaa ko peꞌikie huni lulu i sulie oalaꞌinge a God.

Jemes 4:1

?Ohe omu saie taane nga taa nge ko da omu ko sare haꞌa-ere na haiseuni tarau? Walu ola ngeena kire uure mai mwaanie mo neꞌisaenga ni saehanalinge nge ko esuie oohotaa i laona manatamiu.