2 Timoti 2:19 - Tataroha Diana

¹⁹ Taꞌe maꞌalana ngaeta mo iini ko neꞌisae rue-ruaꞌa urine, soihaadaꞌinge e saꞌa rongo ike hunire aena aana soihaadaꞌinge e toꞌo aana taane poo-pootana nge e kaꞌa sai esuleꞌi ike. Na a God e uusue mo wala i sulie soihaadaꞌinge ingeie uuri, “A Aalaha e manataꞌinie taane mo iini ingeie,” na loꞌu uuri, “Ahutana mo iini ko unue uri kire hiiwalaimoli aana a Aalaha, kire ke mani toliꞌaasie oto mo tolahai ola aaela ikire.”

2 Timoti 2:19 Referans Kwoze

Tataroha Diana I Sulie A Jisas Kraes Nge A Jon E Uusue 10:14

“Ineu oto a kakalihe diana. Mala oto a Mamaꞌa e saieu na ineu nou saie a Mamaꞌa, e urine noꞌone mola mala ineu, nou saie mo sipu ineu, na ikire, kire saieu. Na nou mwaꞌe-mwaꞌe oto ni mae honotani.

1 Korinit 8:3

Taꞌe mala nga iini ko manata diana, nge e tohungei sai ola oto.

Tataroha Diana I Sulie A Jisas Kraes Nge A Luk E Uusue 13:27

Taꞌe a mwaena ke si heꞌi teꞌuri loꞌu mola huniꞌomu, ‘Nou kaꞌa tohungei saiꞌomu ike wa ne ke saie mo henue iꞌomu. Omu ke tahi mwaanieu, iꞌomu mo iinoni aaela.’

Kalesia 4:9

Taꞌe maholo ienini, omu sai diana aana oto a God, na nga taa nge e diana loꞌu liutaa, nge a God e sai diana aamiu oto. ?Oto e ue? ?Uri omu ko sare ooli loꞌu i mamalutana mo haꞌatolanga aana mo liꞌoa ni welumalau, nge hule aana kire mamaelaꞌa mola na kire neꞌie mola mei ola mwaakule? ?Wa saemiu omu ke neꞌi koni-konihe loꞌu mola nada mala holaꞌinaꞌo?

Haataꞌinge 3:8

“Nou saie taane nga taa omu esuie na nou saie taane mola uri maꞌalana iꞌomu nga mo mwane paine haꞌike, taꞌe omu hele i sulie mo haꞌa-uusulinge ineu, na omu kaꞌa taateingeꞌinieu. Aena urine nou tahanie oto maa talamiu nge nga iini e saꞌa honoa ike loꞌu.

Haataꞌinge 22:4

Kire kei leesie maana, na uusulana satana kei lae i naꞌona darada.

Epesas 4:30

Omu ke suꞌuri haꞌasaehuuꞌaa Liꞌoa Maaꞌi a God, iini nge a God e niie namiu domana uri nga haꞌa-ara huni haataꞌinie uri ingeie e toꞌo aamiu, na uri aana Dinge Ooreta kei luhesiꞌomu taꞌingelu mwaanie oorahaꞌaa.

1 Korinit 1:2

Mere ko uusu-uusu oto wau ienini huniꞌomu aana soihaadaꞌinge a God wau i Korinit. Iꞌomu oto a God e soiꞌomu uri omu ke neꞌi iinoni maaꞌi ingeie aani iiꞌo-rurunge peꞌie a Jisas Kraes, mala ahutana mo iini ko palo-paloa satana aalaha ikie aana taꞌena nga leu.

2 Pita 3:14

Maeni eesiku maaꞌi, aena aana omu ko iiꞌo peꞌi maaꞌoohilana mone walu ola urine kei reu, nge omu ke tohungei esu waaꞌiniꞌini hunie omu ke toꞌo aana hanuelamanga toꞌohuu peꞌie a God. Mau-meuringe iꞌomu ke diana, na omu ke iiꞌo oodotaꞌi oto i maana.

2 Korinit 7:1

Maeni iinoni maaꞌi, ahutana mo heiholotaꞌinge ngeena a God e niiꞌi oto hunikie. Aena urine kie ke kinetaꞌinikie maraaka mwaanie walutana nga ola madaꞌa nge e sai haꞌamadaꞌaa maurihaꞌaka, na mwaanie kie asuie taꞌena nga ola aaela wa kie neꞌisae aaela hunie nga iini. Na aena aana kie haꞌamaꞌu aana God, kie ke lulu i sulie oto tolahana e maaꞌi.

Haataꞌinge 2:13

“Nou saie taane uri omu iiꞌo aana leu nge naunekume a Pwelu Eero-eero e iiꞌo aana, taꞌe maꞌalana e urine omu hele paipesi toꞌohuu aana sataku. I Pegamam nge leu kire horo maesie a Antipas aana, iini e tohungei sai houleꞌinieu. Taꞌe maꞌalana aana maholo aaela urine, na omu kaꞌa toliꞌaasie ike hiiwalaimolinge iꞌomu eeku i matolana mwala aana hanue a Pwelu Eero-eero ngeena.

Matiu 7:23

Oto aana maholona ne ke si unue mola hunire uuri, ‘Nou kaꞌa manataꞌiniꞌomu ike. !Tahi mwaanieu, iꞌomu mo iinoni ni oorahaꞌaa!’ ” Sam 6:8

Epesas 3:15

nge e niie mauringe hunie taꞌena nga ola taꞌau i Lengi na mai aano i leu.

Uusu-uusu A Pol Hurula'aa Hunie Mo Rom 15:20

Na oto tarau no ko sare laeliwala aana Tataroha Diana mola aana mo henue nge mwala kaꞌa saie wa kire ke rongoa ue a Kraes, mwaanie uri nou lae peꞌi esu loꞌu mola aana hanue ngaeta iinoni e aehotaa oto soihaadaꞌinge aana.

Palonga 15:17

Oto aena aana mei ola ienini, ngaeta mwala loꞌu aana walumalau kire kei loꞌohieu, na mo Aapoloa Aaopa nge nou lio hilisire oto, ikire noꞌone kire ke neꞌie mwala ineu. Walana Aalaha oto ienini.

Matiu 7:25

Oto lae-lae maholo kei talei nemosie, na kei kone ahuie, na ooru peine kei halolo aana nume ngeena, taꞌe e saꞌa aaꞌoho ike, aena aana poo-pootana e iiꞌo i lengine hau.

1 Jon 2:19

Mwala ngeena kire kaꞌa hiiwalaimoli ike mala ikie, na ikire nga mo tohungei iinoni ikie haꞌike. Kire auꞌesu tararuru taane peꞌikie, taꞌe kire oopa oto mwaanikie. Ikire nga mwala haꞌike loꞌu aaka. Mala uri kire ke neꞌie nga mwala aaka, haꞌalaa kire iiꞌo oto peꞌikie taraꞌasi. Taꞌe aana kire oopa oto mwaanikie urine, e haataꞌinie oto uri nga taꞌa-taꞌa iini aada e kaꞌa neꞌie loꞌu iinoni a Kraes mala ikie.

Uusu-uusu A Pol Hurula'aa Hunie Mo Rom 12:9

Mwaanie omu lupweꞌi deu-deu aani manata-diananga, taꞌe omu ke manata diana toꞌohuu. Omu ke leledie aaelanga, na omu ke hele maꞌutaꞌa aana nga taa e diana.

Tataroha Diana I Sulie A Jisas Kraes Nge A Mak E Uusue 13:22

Aena aana mo kraes eero-eero na mo propet eero-eero hunge kire kei lae mai. Na mala ko mwadaꞌu, kire kei haꞌatakaloa mo iini nge a God e lio hilisire oto. Kire kei haataꞌinie mo tolimaa na mo huꞌi-huꞌite aana mwala, taꞌe mwaanie omu hiiwalaimoli aada.

Uusu-uusu A Pol Hurula'aa Hunie Mo Rom 9:11

Maholo na kirerue kaꞌa hute ue, taꞌe a God e lae oto mola i sulie oalaꞌinge ingeie, na e lio hilisie taꞌa-taꞌa iini aana ro mwelana. Aana maholona, na nga iini aadarue e kaꞌa da ue nga mei ola diana, wa ke dau huꞌisie nga mei ola.

1 Timoti 6:19

aena urine kire kei durue toꞌo-toꞌonga oto paine nada maraada taꞌau i Lengi nge domana nga poo-pootana nume hunie maholo ue mai. Na aana kire kei esu diana urine, nge kire ke si lio saie maurihe toꞌohuu e uri taa.

Uusu-uusu A Pol Hurula'aa Hunie Mo Rom 8:28

Na kie saie loꞌu uri a God ko esu i lalo aana ahutana walu ola ko reu-reu hunie ke haꞌadianaꞌakie, mo iini e soikie oto i sulie oalaꞌinge ingeie na kie ko manata diana hunie.

Palonga 9:14

Na maholo ienini e toolea nanamanga mo naꞌohai pris huni tapolie taꞌena nga iini ko haꞌapainaꞌaꞌo.”

Tataroha Diana I Sulie A Jisas Kraes Nge A Jon E Uusue 13:18

Oto a Jisas e heꞌi unue loꞌu uuri, “Taꞌe nou kaꞌa ere ike i sulie ahutemiu eena, aana nou saie mola mo iini nou lio hilisire. Taꞌe Uusu-uusu Maaꞌi nge e unue uuri, Iini ko ngeu tararuru peꞌieu nge kei pweloau oto, Sam 41:9 ko karaꞌi oa oto ienini.

Matiu 24:24

Aena aana mo kraes eero-eero na mo propet eero-eero hunge kire kei lae mai. Na mala ko mwadaꞌu, kire kei haꞌatakaloa mo iini nge a God e lio hilisire oto. Kire kei haataꞌinie mo tolimaa na mo huꞌi-huꞌite aana mwala, taꞌe mwaanie omu hiiwalaimoli aada.

Epesas 2:20

Iꞌomu, omu urihana oto noꞌone nume a God ko esuie. Nume ngeena, mo hurulaꞌaa na mo propet kire neꞌi poo-poota aana, na a Jisas Kraes oto tohungana haususu aana.

Uusu-uusu A Pol Hurula'aa Hunie Mo Rom 11:2

A God e saꞌa tohungei sereꞌinie ike mwala ingeie nge e lio hilisire oto uure wau i naꞌo. Omu saie kaꞌu oto laladonga i sulie a Elaeja i laona mo Uusu-uusu Maaꞌi, aana maholo e aarea God na e tohungei ere aaelasie mwala ni Israel uuri,

Tataroha Diana I Sulie A Jisas Kraes Nge A Luk E Uusue 6:48

e urihana iinoni saenanau e tohue nume ingeie aana e eli kokoro talana mo hunu, na e neꞌie mo heu i poo-pootana mo hunu aana nume ngeena. Oto lae-lae maholo wai kei kone na kei halolo aana nume ngeena, taꞌe hule aana e saꞌa asuleꞌi ike, aena aana e tohu diana aana.

Uusu-uusu A Pol Hurula'aa Hunie Mo Rom 15:9

Na leune e rau uri hunie mwala nge ikire nga mo Jiu haꞌike, kire ke haꞌamanikuluꞌaa noꞌone a God haahie aamasinge ingeie hunire. Leune oto neꞌisaenga aana mei wala unulana e lae i laona mo Uusu-uusu Maaꞌi uuri, Oto ne ke si haꞌapainaꞌaꞌo God peꞌire mo iinoni nge ikire nga mo Jiu haꞌike, na ne ke kana ni paalahea satamu. Sam 18:49

Haataꞌinge 21:14

Para ahuie hanuena asuilana e lae aana aawalai toliꞌae mwana rue aani heu, na uusulana satana aawalai hurulaꞌaa mwana rue a Kalei Sipu e lae oto aana mo heu ngeena.

Hibru 11:10

A Ebraham e oꞌoꞌo urine, aana e maa-maaꞌoohie mola kei lai hule aana huilume paine nge e sai iiꞌo huu. Huilume paine ngeena, a God maraana ni e alaaꞌinie na e asu mangoa oto.

Matiu 28:19

Aena urine, omu ke lae, na omu ke da hunie taꞌena nga iinoni ni welumalau ke neꞌi pwaarongoisuli oto ineu. Omu ke loto maaꞌi aada aana satana a Mamaꞌa na a Kale na Liꞌoa Maaꞌi.

Haataꞌinge 17:8

“Oto o ke saie uri ola loo-looꞌa ngeena, ingeie iini e mauri keꞌu waite, taꞌe ie e aiꞌaa oto. Kei maau taane poi mwaanie kalinge ni haꞌamotaahinge ngeena, taꞌe kei lae mola i sulie tala takoie haꞌamangolana. Mwala aana walumalau kei tohungei pangataꞌinie aana maholo kire kei leesie uri e mauri loꞌu, aena aana e mauri keꞌu waite, na e aiꞌaa oto ie, na kei heꞌi meuri loꞌu. Mwala nge kei pangataꞌinie mo iini mola nge uusulana satada e kaꞌa lae ike i laona uusu-uusu ni meurihe uure oto wau aana aehotalana walumalau.”

Palonga 11:26

Na maholo e lio oodoie, oto e toolea loꞌu mei hunie i Antiok. Na halisi leku nge a Banabas na a Sol kire iiꞌo peꞌie soihaadaꞌinge i leune na kirerue haꞌa-uusulie mwala hunge. Na i Antiok nge eetana nga leu nge kire aehota haaraꞌinie mo pwaarongoisuli aana satai ola “Kristian.”

Tataroha Diana I Sulie A Jisas Kraes Nge A Jon E Uusue 3:33

Taꞌe mo iini nge kire ko hiiwalaimoli aana walana, kire haataꞌinie uri kire hiiwalaimoli aana nga taa a God e unue e tohungei toꞌohuu.

1 Timoti 3:15

mwaanie nga mei ola e uure honosieu. Oto uusu-uusu ie ke haataꞌinie huniꞌo tolahai iinoni diana aana uluhe iinoni a God. Na uluhe ngeena oto soihaadaꞌinge a God Mau-meuriꞌe, na ikie oto soihaadaꞌinge ngeena. Ikie oto kie ko kakalie walaimolinge i sulie a God, hunie walaimolinge ngeena ke uure maꞌutaꞌa mala poo-pootana nume.

Tataroha Diana I Sulie A Jisas Kraes Nge A Mak E Uusue 12:16

Oto kire toolea mai ngaeta seleni ni Rom hunie, oto ko dolosi aada uuri, “?A tei ni nunune na satana aana seleni ienini?” Oto kire ko aalamie uuri, “Inemauri ni Rom ni ngeena.”