2 Timoti 2:15 - Tataroha Diana

¹⁵ O ke ariꞌapasie o ke neꞌi iinoni auꞌesu diana, hunie a God ke saemango haahie asunge iꞌoe. O ke haꞌa-uusuli toꞌohuu aana walana God, hunie o ke suꞌuri hii masanga i maana.

2 Timoti 2:15 Referans Kwoze

1 Tesalonaeka 2:4

!Haꞌike! A God e lio hilisiꞌemeelu oto na e norutoꞌo oto aameelu uri melu melisine oto tarohaꞌinilana Tataroha Diana. Oto maholo melu ko ere, melu kaꞌa ere ike mola i sulie saena mwala, taꞌe oto i sulie saena God, iini e saenanau uri melu ke asu toꞌohuu nana, na e lio hilisiꞌemeelu huni esu nana.

2 Pita 1:10

Oto e lae otoi diana, maeni eesiku maaꞌi, uri hunie omu ke asu aꞌailaꞌa loꞌu hunie omu ke haataꞌinie uri a God e tohungei lio hilisiꞌomu oto nana maraana. Omu ke haataꞌinie uri e soiꞌomu mei i saana toꞌohuu aana mo tolahai ola diana aana mau-meuringe iꞌomu. Na mala uri omu kei esu urine, omu saꞌa heꞌi lae takalo loꞌu mwaanie tala oodo, wa omu ke tataro aana laenga i sulie.

1 Timoti 4:6

Nou saie kaleku, uri o peine poi peꞌie rongolana mo haꞌananaunge i sulie hiiwalaimolinge na uri o ko totola ue i sulie mo haꞌa-uusulinge diana ngeena hule siꞌiri. Oto o ke unue loꞌu mo ola ienini hunie mo mwaasine wau i Epesas, hunie o ke neꞌi koni-konihe diana oto nana a Kraes Jisas.

2 Korinit 10:18

Aana iinoni nge a Aalaha e neꞌisae paine aana haꞌalaa a God ko saetoꞌo aana, e kaꞌa ike iinoni nge e neꞌisae paine aana mola maraana.

2 Korinit 5:9

Taꞌa-taꞌa mei eehuꞌi ola kie saetoꞌo aana, maꞌalana kie ke iiꞌo aana sapeka mai aano i leu wa kie ke oopa mwaanie na kie ke iiꞌo oto taꞌau i Lengi, taꞌe kie saetoꞌo aana mola uri a Aalaha ke ilenimwaꞌe haahikie.

2 Korinit 4:2

Melu ko tarohaꞌinie a Kraes mola aana mo tolahai ola diana, na melu toliꞌaasie oto taꞌena nga tolahai ola aaela huni tarohaꞌinie. Melu kaꞌa tarohaꞌinie ike a Kraes aana mo tolahai ola e kaꞌa malisi, wa aana mo tolahai ola mumuni, wa aana mo tolahai ola nge ko esuie masanga. Melu kaꞌa haꞌa-olaa ike nga mo iini aani eeronga, na melu kaꞌa sai huꞌisie ike walana God. !Haꞌike oto ooꞌoo! Taꞌe melu ko lae peꞌi unu tahangaꞌinie mola walaimolinge haliꞌite i maana God, hunie ahutana mwala kire ke lio saie uri melu ko ere toꞌohuu.

2 Pita 3:14

Maeni eesiku maaꞌi, aena aana omu ko iiꞌo peꞌi maaꞌoohilana mone walu ola urine kei reu, nge omu ke tohungei esu waaꞌiniꞌini hunie omu ke toꞌo aana hanuelamanga toꞌohuu peꞌie a God. Mau-meuringe iꞌomu ke diana, na omu ke iiꞌo oodotaꞌi oto i maana.

Kalesia 1:10

?Uri no ko ere urine aana no ko sare da mola mwala ke saetoꞌo aaku? ?Wa ohe omu loꞌongaꞌinie uri no ko sare haꞌasaedianaꞌaa mola mo iinoni? !Haꞌike oto ooꞌoo! Mala uri no ko sare haꞌasaedianaꞌaa mola mo iinoni, nge e tohungei aasa hunie ne kei neꞌi mwane auꞌesu nana a Kraes. Taꞌe ineu, no ko sare haꞌasaedianaꞌaa mola a God.

2 Pita 1:15

Oto ne kei eriꞌapasie uri omu ke suꞌuri pulongosie walu ola ngeena i puriku aana ne kei mae mwaaniꞌomu.

Epesas 1:13

Oto iꞌomu mo Aapoloa Aaopa noꞌone, omu neꞌi iinoni a God aana maholo omu rongoa mei wala toꞌohuu aana Tataroha Diana uri a God ko sare haꞌa-uuriꞌomu. Omu hiiwalaimoli oto aana Kraes ni ngeena, na huni haataꞌinie uri a God oto e toꞌo aamiu, e niie Liꞌoa Maaꞌi nge e haiholotaꞌinie oto huniꞌomu.

1 Tesalonaeka 5:14

Na melu ko eitanaiꞌomu, maeni eesiku, uri omu ke ere aana mo iini ko lalawasie asunge. Omu ke peꞌie mo iini nge kire sai meꞌu hunie saeda ke susu. Omu ke peꞌie mo iini nge loꞌongaꞌinge ikire e mamaelaꞌa, na omu ke haro kele ere hunie ahutana mwala. Na mwaanie saewasunge iꞌomu e lau-leu hunie taꞌena nga iini.

2 Korinit 3:6

Aana ingeie oto e da melu ke adona mei esunge mala mo koni-konihe ingeie huni tarohaꞌinie haiholotaꞌinge haalu e asuie peꞌikie mo iinoni. Na haiholotaꞌinge haalu ngeena e kaꞌa ola ike mola aana lulu i sulilana mo Haꞌatolanga, taꞌe aana lulu i sulilana a Liꞌoa Maaꞌi. I tehulaꞌana mo Haꞌatolanga a Mosis, a God kei leie ahutana mo iinoni hunie maenga, taꞌe i tehulaꞌana Liꞌoa Maaꞌi, mwala e sai oodoie maurihe huu.

Uusu-uusu A Pol Hurula'aa Hunie Mo Rom 14:18

Na taꞌena nga iini ko esu nana Kraes aana tala diana urine, nge a God kei ilenimwaꞌe haahie na hule aana mwala noꞌone kire kei haꞌamaꞌu aana.

Hibru 4:11

Aena urine, kie ke mani esu aꞌailaꞌa oto hunie kie ke hule aana leu ni mamalo peꞌie a God ngeena, na mwaanie nga mo iini aaka kire lae takalo loꞌu mola aena aana kire haimaanie haitohenga mwala holaꞌinaꞌo ngeena.

Jemes 1:18

Uure oto aana hari-huninge ingeie, nge kolu neꞌi kalena. E haꞌahutekie aana mei wala toꞌohuu ingeie, hunie kie ke mani neꞌie oto naꞌohai ola aana ahutana mo ola nge e haꞌaholaꞌi.

1 Korinit 2:6

Taꞌe mo wala no ko tarohaꞌiniꞌi ienini, mo wala ni saenanaunge taane, mei saenanaunge nana mo iini nge kire paine oto peꞌie tolahai hiiwalaimolinge. E kaꞌa saenanaunge ike aana walumalau ienini. Mei saenanaunge ienini e tohungei aaopa oto liutaa mwaanie saenanaunge aana mo iini kire nanama haahie walumalau siꞌiri, mo iini nge kire kei eiꞌaa mola.

Palonga 2:22

“!Iꞌomu mo Israel, omu ke pwaarongo diana aana mo wala ienini! A Jisas ni Nasaret ngeena, a God e haataꞌi diana aana oto aamiu uri ingeie ni e uusungeꞌinie mai. Omu saie oto maraamiu uri a God ni e haataꞌinie mei olana aana mo huꞌi-huꞌite na mo tolimaa a Jisas e asuiꞌi i matolamiu.

Palonga 20:27

Aana maholo nou iiꞌo peꞌiꞌomu nou kaꞌa maꞌu ike huni unu tahangaꞌinie walu ola a God a saetoꞌo aana omu ke saiꞌi.

Matiu 13:52

Oto a Jisas ko si aalamire loꞌu uuri, “Nge ko urine ahutana mo haꞌa-uusuli aana mo Haꞌatolanga a Mosis nge kire lae mai neꞌi pwaarongoisuli i laona Aalahanga a God, kire urihana iinoni e toꞌo aana nume. Na nume ngeena e honu aana mo ola diana huni peꞌie mo iinoni, mo iini e lalahuꞌe, na nga mo iini mo ola haalu. Aana iinoni urine e sai haꞌa-uusuli aana mo tolahai ola lalahuꞌe, na mo ola haalu noꞌone.”

Uusu-uusu A Pol Hurula'aa Hunie Mo Rom 16:10

Mei wala ni saediananga ineu noꞌone hunie a Apelis, iini e haataꞌinie oto uri e lulu i sulie a Kraes toꞌohuu. Na mei wala ni saediananga ineu noꞌone hunie mwala aana uluhe a Aristobiulas.

Tataroha Diana I Sulie A Jisas Kraes Nge A Luk E Uusue 12:42

Oto a Jisas ko aalamie a Pita uuri, “No ko unue huniꞌomu na hunie taꞌena nga iini e saenanau. ?Aana a tei kaꞌu e saenanau na e neꞌi koni-konihe diana? Ingeie oto iini nge aalaha ingeie e neꞌie hunie ke lio i sulie ngaeta mwala auꞌesu aana maholo ko lae, na hunie ke nii-niie waaitada hunire i suli maholo.

Tataroha Diana I Sulie A Jisas Kraes Nge A Mak E Uusue 4:33

A Jisas e asuie mo laladonga hunge uurini huni haꞌa-uusulie mwala aani i sulie walana a God. E asuie mo laladonga maliside hunie kire ke saenanau aana ahutana mo neꞌisaenga nge kire sai rongo saiꞌi.

Uusu-uusu A Pol Hurula'aa Hunie Mo Rom 6:13

Na mwaanie omu toitoliꞌaasie nga leu aana sapemiu e asuie loꞌu nga mei ola aaela wa ke neꞌie loꞌu mei sape huni euꞌesuie oorahaꞌaa. Taꞌe omu ke toliꞌaasiꞌomu oto taꞌingelu mola hunie a God mala mwala e mae kaꞌu mwaanie tolahai ola aaela na kire heꞌi meuri loꞌu huni esu nana. Oto omu ke niie ahutana mo aapa aana sapemiu hunie a God ke asuie walu ola diana aani.

Jemes 1:12

Mala uri nga iini nge oohongilana ko lae na ko uure maꞌutaꞌa mola, nge ke ilenimwaꞌe mola. Aena aana i purine oohongilana hiiwalaimolinge ingeie ko lae urine, nge a God kei waaie aana rorodara ni meurihe huu, nge e haiholotaꞌinie hunie mo iini nge kire manata diana hunie.