2 Timoti 2:14 - Tataroha Diana

¹⁴ O ke lae peꞌi haꞌa-haꞌa-aamasitoꞌoa kira hiiwalaimoli aana mo ola ngeena. O ke ere hiitoꞌo hunire aana nanamanga a God uri kire ke suꞌuri ere haitelili aana mo ola kire kaꞌa roroꞌa ike. Aana tala urine e tohungei aaela oto hiitoꞌo, na e sai waelie mola mo iini ko pwaarongoa mo erenga haitelili urine.

2 Timoti 2:14 Referans Kwoze

2 Timoti 2:23

O ke kinetaꞌiniꞌo mwaanie taꞌena nga haꞌa-erenga takalo na mo erenga taꞌewau. Aana o saie oto uri mo erenga urine kire sai esuie mola haꞌa-erenga ke paine i matolana mwala,

2 Timoti 4:1

Maholo a Jisas Kraes kei ooli loꞌu mei mala inemauri, nge ke si leie ahutana mo iinoni, mo iini e mauri ue na mo iini e mae oto. Oto no ko unu tahangaꞌinie oto huniꞌo i maana a God na a Jisas Kraes

Uusu-uusu A Pol Hurula'aa Hunie Mo Rom 14:1

Omu ke takuhie taꞌena nga iinoni ko hiiwalaimoli aana Jisas, maꞌalana hiiwalaimolinge ingeie e kaꞌa susu ue. Na omu ke suꞌuri ere haitelili loꞌu peꞌie haahie mo ola ko neꞌisae rue-ruaꞌa aani uri kire aapu wa kire kohi taane mola.

Hibru 13:9

Oto omu ke kinetaꞌiniꞌomu mwaanie taꞌena nga taungei haꞌa-uusulinge aaopa e haꞌatakaloꞌomu mwaanie tohungana tala oodo. Aana tohungei ola nge ko haꞌasusue saeka nge hahuꞌana manata-diananga a God hunikie, na e kaꞌa ike mola mo ngeulaa nge kire unue uri e maaꞌi. Aana tola i sulilana mola mo haꞌatolanga i sulie ngaulaa na walu ola ngeena, kire saꞌa tohungei peꞌie ike mo iini ko lulu i suliꞌi.

1 Timoti 5:21

Oto i naꞌona God na Kraes Jisas na mo ensel maaꞌi, no ko unue huniꞌo uri o ke tola i sulie mo ola ngeena, na mwaanie o rara haahie mola nga iini.

Palonga 15:24

Melu rongoa uri ngaeta mwala aana pulitaa iꞌemeelu kire lai hule wau i seemiu, na kire kotahiꞌomu oto aani wala na ko hurosie saemiu. Taꞌe walu ola ngeena melu kaꞌa unuꞌi ike hunire hunie kire ke lae wau i unuꞌi huniꞌomu.

2 Pita 1:13

Aana no ko loꞌongaꞌi uri e lae oto i diana hunie ne ke haꞌa-haꞌa-aamasitoꞌoꞌomu aana walu ola ngeena maholo no ko meu-meuri ue, mwaanie omu pulongosiꞌi mola.

1 Timoti 6:13

Oto saeku hunie o ke haiholotaꞌi hunieu, na uri o ke asuie leune i naꞌona God nge e niie mauringe hunie ahutana mo ola, na loꞌu i naꞌona a Kraes Jisas nge e unu tahangaꞌinie walaimolinge maholo e uure i naꞌona a Pontis Paelat.

2 Tesalonaeka 3:6

Maeni eesiku maaꞌi, melu ko eitanaiꞌomu aana satana a Jisas Kraes Aalaha ikie, uri omu ke suꞌuri hikusie mo eesike nge kire ko lalawa huni esu, na kire kaꞌa tola i sulie ike mo ola melu ko unu-unuꞌi huniꞌomu.

2 Timoti 2:16

O ke neꞌi aasie taꞌena nga erenga aaela na mo wala mwaakule i purimu, aena aana mwala ko ere-ere urine, kire ko si oohea oto mwala haꞌataulie a God ni ngeena.

1 Timoti 4:8

Aana e toꞌohuu taane mala kire unue uri e diana uri hunie kie ke haꞌa-haꞌa-aꞌailaꞌaa sapeka, taꞌe e lae oto i diana loꞌu liutaa uri hunie kie ke haꞌa-haꞌa-aꞌailaꞌaa mau-meuringe ikie aani hiiwalaimolinge. Aana hiiwalaimolinge e sai peꞌikie aana mauringe siꞌirini, na oto loꞌu aana maurihe oto huu. Iau, kei diana oto liutaa hunie mwala ke rongo hunie mo wala ngeena peꞌi tola i sulileni.

Epesas 4:17

Aana satana Aalaha, no ko unue oto huniꞌomu uri omu ke suꞌuri iiꞌo loꞌu mala mwala nge kire kaꞌa hiiwalaimoli ike aana God. Mo loꞌongaꞌinge ikire mo ola mwaakule mola.

Kalesia 1:7

Taꞌe tataroha diana aaopa ngeena, nge pweai ola mola ni ngeena. Nou saie mola uri nga mwala ni mola kire ko sare huꞌisie Tataroha Diana a Kraes, na kire ko haꞌataipuꞌo-poꞌuꞌomu mola aana haꞌa-uusulinge takalo ikire.

Palonga 13:10

na ko teꞌuri “!Mwae, iꞌoe kalena a Pwelu Eero-eero oto toꞌohuu! Ahutana walu ola oodo o meni lelediꞌi mango mola, na o tohungei honu mola aana eeronga na pwelu-walanga. ?Aana e ue o ko deu aahonga huni huꞌisie walana God nge e walaimoli hunie ke rongo mala eeronga?

Matiu 16:26

?Haꞌalaa nga mei taa diana nge iinoni kei terie aana kei toꞌo aana oto ahutana mo toꞌo-toꞌonga aana walumalau ie, na ko deu tekelaꞌinie mola maurihaꞌana oto i tehulaꞌani? ?Oto uri toꞌo-toꞌolana kei peꞌie aana maholona? !Haꞌike oto ooꞌoo! Nga mei ola hunie ke niie huni tola aalihoꞌi aana maurihaꞌana, haꞌike loꞌu.

2 Timoti 1:6

Oto no ko eitanaiꞌo uri o ke tohungei esu diana peꞌie mei nanamanga nge a God e niie huniꞌo aana maholo nou hele i pweumu. O ke asu diana aana mala o ko terehie dunge hunie ke waru diana, na mwaanie o toliꞌaasie e mwaꞌa mola.

1 Timoti 1:6

Ngaeta mwala kire dau talahie mo ola ienini, oto kire ko lae mola i sulie mo ere-erenga mwaakule.

1 Timoti 1:4

O ke unue hunire uri kire ke mamalo oto mwaanie tolahai ola nge ko waetaꞌinie maholo ikire mola aana mo laladonga kaꞌa toꞌohuu na aana uusulana mo satai ola oto hunge i sulie mo weuwada. Aena aana mo ola ngeena kire sai da haꞌa-erenga hunie mo iinoni, na kire saꞌa peꞌie ike asunge a God nge e saetoꞌo aana mwala ke asuie. Aana tolaha ni hiiwalaimolinge mola haꞌalaa ko peꞌikie huni lulu i sulie oalaꞌinge a God.

1 Tesalonaeka 4:1

Oto leu ooreta, maeni eesiku maaꞌi, melu haꞌananauꞌomu oto aana tala omu kei lulu i sulie hunie uri a God ke saemango haahiꞌomu, na omu ko lulu i sulie taane oto tala ngeena. Taꞌe aana satana Aalaha ikie a Jisas, melu ko eitanaiꞌomu loꞌu uri hunie omu ke tohungei lulu i suli diana aana loꞌu liutaa.

Taetas 3:1

O ke haꞌa-aamasitoꞌora hunie kire ke haꞌamaꞌu aana mo aalaha na mo rato ni mwane aana kahamani. Kire ke tola i sulire, na kire ke iiꞌo aakau mola huni esuie mo ola diana.