2 Timoti 1:3 - Tataroha Diana

³ No ko aarengaꞌi talamu susue rodo na aatowaa, na no ko tohungei sae-saemango haahiꞌo suli maholo no ko aarea God ineu nge no ko esu nana peꞌie mei manatanga rereꞌa oto noꞌone mala mo weuweku kire auꞌesuie.

2 Timoti 1:3 Referans Kwoze

Hibru 13:8

Tolahana a Jisas Kraes e kaꞌa sai hei-oolisi ike, taꞌe e sada mola mala waite, na siꞌiri, na oto di.

Palonga 23:1

A Pol e toꞌomaaie pulitaa ni lei-lei oto ko teꞌuri, “Maeni eesiku ni Israel, manataku e tahanie taane mola iiꞌonga ineu i naꞌona God lae mai hule siꞌiri.”

Palonga 24:14

Taꞌe no ko unu oodo-oodo oto aana huniꞌo, uri e toꞌohuu no ko palo-paloa a God mo weuwe iꞌemi, aana ineu no ko lulu i sulie Tala Ni Meurihe. Ikire, kire unue mei hiiwalaimolinge ngeena e kaꞌa diana ike, maꞌalana ineu noꞌone nou hiiwalaimoli aana ahutana walu ola i laona mo Haꞌatolanga a Mosis na mo ola i laona mo Uusu-uusu Maaꞌi mo Propet.

1 Timoti 1:19

O ke hele susuleꞌi mola aana hiiwalaimolinge iꞌoe aana a Kraes, na o ke asuie mola tarau nga taa nge o manataꞌinie uri e oodotaꞌi. Ngaeta mwala kire ko talei deu huꞌisie mola nga taa nge manatada e unue hunire uri e oodotaꞌi, oto kire urihana mola haka e aape aana mwalo, na urine nge kire si tohungei waelie oto hiiwalaimolinge ikire.

1 Timoti 1:5

Aena aana nga taa no ko sare haꞌa-uusulire aana ngeena, nge mola hunie kire ke mana-manata diana hunire hailiu aani sae manola, na aani manatanga rereꞌa, na aani hiiwalaimolinge toꞌohuu.

Palonga 24:16

Na no ko deu aahonga tarau hunie manataku ke rereꞌa i naꞌona God na i naꞌona mo iinoni.

Palonga 22:3

“Ineu mwane ni Jiu ni ie. Nou hute aana huilume i Tasas aana poꞌo ni henue i Silisia, taꞌe nou peine oto mola i leu i Jerusalem. Haꞌa-haꞌa-uusuli ineu kaꞌu a Kamaliel nge kie ko meni haꞌa-haꞌamaꞌu aana, na e haꞌa-uusulieu hunie ne ke dau i sulie mo haꞌatolanga mo weuwaka. Na nou aꞌailaꞌa ni esu nana God, mala oto omu ko esuie siꞌiri.

2 Timoti 3:15

O sai diana aana kaꞌu oto mo Uusu-uusu Maaꞌi na hule aana o neꞌi mwela ue. Na mo haꞌa-uusulinge aana kire sai peꞌikie aani loꞌongaꞌinge diana na aani hiiwalaimolinge aana a Jisas Kraes hunie uri a God ke haꞌa-uurikie.

2 Timoti 1:5

No ko aamasitoꞌo noꞌone aana mei hiiwalaimolinge toꞌohuu nge a nikemu a Iunis na a pwaa-pwaamu a Lois kire mani toꞌo aana, na nou saie uri iꞌoe noꞌone o toꞌo aana.

1 Tesalonaeka 3:10

Melu ko tohungei aarengaꞌi susue rodo na aatowaa uri hunie melu ke leesiꞌomu keꞌu loꞌu, na uri melu sai peꞌiꞌomu aana taꞌena nga mei ola omu saetoꞌo aana ue hunie hiiwalaimolinge iꞌomu ke ahu.

Epesas 1:16

nou kaꞌa pupulongo ike huni paalahea God haahiꞌomu. Nou sai loꞌongaꞌiniꞌomu mola tarau i laona mo aarengaꞌinge ineu.

Kalesia 1:14

Nou esu aꞌailaꞌa oto hiitoꞌo noꞌone aani lulu i sulilana tolahana mo weuwameelu mo Jiu oto i naꞌo, oto hule aana nou esu diana loꞌu mola liutaa aana mo iini aana pwaunge ineu.

2 Korinit 1:12

Maeni eesiku, manataku e taha mola aana nou saie uri melu kaꞌa eeroa ike nga iini aana nga maholo, taꞌe melu ko lulu i sulie mola oodo-oodonga nge a God e saetoꞌo aana. Walu ola melu ko euꞌesuiꞌi e uure mola aana hahuꞌana manata-diananga a God, na melu kaꞌa asuie ike nga mei ola i sulie saenanaunge ni iinoni. Tolahameelu e diana oto urine tarau peꞌie ahutana mo iinoni, na oto liutaa maholo melu oꞌoꞌo peꞌiꞌomu.

Uusu-uusu A Pol Hurula'aa Hunie Mo Rom 9:1

Taꞌe ngaeta mei ola ko da uri no ko tohungei saehuu loꞌu liutaa, aana mwala ineu mo Jiu kire iiꞌo oto loosie maenga huu. Ineu iinoni a Kraes na a Liꞌoa Maaꞌi ko ere haꞌa-oaie uri manataku e taha mola. Oto no ko ere toꞌohuu ni ie, na nou kaꞌa eero ike aana no ko unue uri salunge ineu ngeena kaꞌa mou-mou ike mwaanieu. Na hule aana saeku uri haꞌaloileku ke lae oolisire hunie kire ke lae mai meuri huu oolisieu, haꞌalaa ke diana. Maꞌalana ne ke oopa mwaanie a Kraes oolisire, nge e diana mola aaku aana no ko tohungei aamasire, aana ikire oto mo tohungei iinoni ineu, na mwala oto aana uluhe ineu.

Palonga 27:23

Aana nga rodo, ensel a God ineu nge no ko palo-paloa e hule aaku,

Palonga 26:4

“Ahutana mo Jiu kire mani saie tolahai ola nge nou oꞌoꞌo aana i naꞌo, aehota oto aana maholo nou neꞌi mwela ue peꞌie mwala ineu, lai hule aana maholo nou hoꞌalaꞌi hunie i Jerusalem.

Tataroha Diana I Sulie A Jisas Kraes Nge A Luk E Uusue 2:37

na poro ingeie ko mae oto mwaanie, oto e si iiꞌo mola maraana. A keine e walu-aawalai helisi mwana hai e mango oto aana, na e talei oꞌoꞌo mola i Nume Maaꞌi na e palo-paloa mola a God susue aatowaa na rodo aani oolongaunge na aani aarengaꞌinge.

1 Timoti 5:5

Mala nga nao keni e iiꞌo mola maraana na nga iini peꞌie haꞌike, taꞌe e norutoꞌo mola aana a God na ko aarea susue rodo na aatowaa hunie ke peꞌie, nge ingeie nao keni toꞌohuu eena.