2 Timoti 1:14 - Tataroha Diana

¹⁴ Aana a God e niie oto walaimolinge diana i sulie a Jisas ngeena namue. Oto o ke lio i suli diana aana, na a Liꞌoa Maaꞌi i lalo aaka kei peꞌiꞌo.

2 Timoti 1:14 Referans Kwoze

Tataroha Diana I Sulie A Jisas Kraes Nge A Jon E Uusue 14:17

Na ingeie Liꞌoa aani walaimolinge otona. Mo iinoni aana walumalau saꞌa takuhie ike, aena aana kire saꞌa lio saie ike wa kire ke manataꞌinie. Taꞌe iꞌomu, omu manataꞌinie oto, aena aana e iiꞌo oto peꞌiꞌomu na kei iiꞌo i lalo aamiu.

Uusu-uusu A Pol Hurula'aa Hunie Mo Rom 8:13

Mala uri omu kei iiꞌo oto i sulie mo tolahai ola aaela urine, nge omu kei mae mola. Taꞌe mala uri omu kei iiꞌo oto i sulie tolahana Liꞌoa Maaꞌi na uri omu kei toliꞌaasie oto toꞌohuu mo tolahai ola aaela iꞌomu, nge omu ke si helesie maurihe huu.

1 Timoti 6:20

E Timoti, o ke lio i suli diana aana nga taa nge a God e norutoꞌo aamu hunie o ke asuie. O ke suꞌuri aapwasu aana mo ere-erenga honosie a God, na o ke iiꞌo mwaanie ere haitelilinge aana nga taa nge kire haaraꞌi eero-eero aana uuri, “sai-olanga.”

2 Timoti 1:12

Aena urinena nge no ko sapesalu siꞌiri ie. Taꞌe nou saꞌa roroꞌa ni masa ike, aena aana nou manataꞌinie a Jisas, iini nge nou norutoꞌo aana. Na nou saie uri ingeie e sai kinetaꞌinie walu ola nou neꞌiꞌi i nimana huni lio i suliꞌi, na kei kinetaꞌi diana aani lai hule aana dinge ooreta.

1 Korinit 3:16

!Haꞌike eena! ?Uri omu kaꞌa saie ike uri soihaadaꞌinge iꞌomu e neꞌi nume maaꞌi a God? !Iau, e toꞌohuu oto aana Liꞌoa Maaꞌi e iiꞌo i lalo aamiu!

Uusu-uusu A Pol Hurula'aa Hunie Mo Rom 8:9

Taꞌe iꞌomu, omu kaꞌa iiꞌo ike loꞌu aana mo tolahai iinoni aaela urine. !Haꞌike oto! Omu iiꞌo oto i sulie tolahana a Liꞌoa Maaꞌi, aana Liꞌoa Maaꞌi a God e iiꞌo oto i lalo aamiu. Na mala uri nga iinoni e kaꞌa toꞌo aana ike Liꞌoa a Kraes i lalo aana, ingeie nga iinoni a Kraes haꞌike oto eena.

1 Pita 1:22

Oto i tehulaꞌana omu tola i sulie mo wala toꞌohuu aana Tataroha Diana ngeena, omu da oto maurihaꞌamiu e rereꞌa mwaanie oorahaꞌaa eena, na omu sai manata diana oto hunie mo eesimiu maaꞌi. Aena urine, omu ke mana-manata diana oto huniꞌomu heiliu aana ahutana saemiu.

1 Tesalonaeka 5:19

Omu ke suꞌuri deu honosie Liꞌoa Maaꞌi mwaanie maurihaꞌamiu, taꞌe omu ke tola i sulie nga taa e unue huniꞌomu.

2 Timoti 2:2

O rorongoa oto mo haꞌa-uusulinge ineu hunie mwala. Oto saeku uri taꞌa-taꞌa taungei olana loꞌu mola nge iꞌoe noꞌone o ke haꞌa-uusulie mwala aani. Na oto liutaa, o ke haꞌa-uusuli aana mo ola ngeena hunie mo mwane ni nou-norue nge o saie uri ikire noꞌone kire sai haꞌa-uusulie ngaeta mwala loꞌu eeni.

1 Timoti 1:11

aana Tataroha Diana nge e tohungei menikuluꞌe. Tataroha Diana ngeena, niilana e lae hunieu mwaanie a God, iini e diana oto liutaa.

Epesas 5:18

Mwaanie omu haꞌapweuꞌomu aana wai ni pweunge, ola e sai waeliꞌomu, taꞌe omu ke honu mola aana Liꞌoa Maaꞌi.

Epesas 2:22

Aena aana omu iiꞌo ruru oto peꞌie a Kraes, a God e asuie oto hunie omu ke iiꞌo ruru peꞌie ahutana mo iinoni kire hiiwalaimoli aana a Kraes, na omu meni neꞌie ngaeta nume maaꞌi nge Liꞌoa Maaꞌi a God e iiꞌo aana.

1 Korinit 9:17

Na mala uri ineu maraaku ne ke lio hilisie mei esunge ienini, haꞌalaa waaiteku kei lae oto hunieu. Taꞌe aena aana nou kaꞌa lio hilisie ike, nge no ko esuie mola nga taa a God e dau rarahieu hunie.

Kolosi 4:11

A Josua nge kire ko haa-haaraꞌinie noꞌone aana a Jastas, ko niie noꞌone wau mei wala ni saediananga ingeie huniꞌomu. Mo mwane ngeena, taꞌe ikiraelu oto mola aana mo Jiu kire hiiwalaimoli nge kire ko esu peꞌieu i leu huni tarohaꞌinie Aalahanga a God. Na kire ko da no ko tohungei saemango oto hiitoꞌo.

Kalesia 2:7

Oto kire lio saie mola uri a God e niie oto Tataroha Diana hunieu uri huni tarohaꞌinie hunie mo Aapoloa Aaopa. A God e niie oto mei esunge ngeena hunieu mala e niie kaꞌu hunie a Pita mei esunge aani tarohaꞌinilana Tataroha Diana hunie mo Jiu.

2 Korinit 5:16

Oto maholo ienini neꞌisaenga ikie i sulie mwala e hai-oolisi oto, na kie kaꞌa loꞌongaꞌi ike i sulie nga iini i sulie tolahai iinoni ni welumalau. E toꞌohuu taane uri kie lio toli keꞌu aana a Kraes i sulie tolaha ni iinoni urine holaꞌinaꞌo, taꞌe maholo ienini kie kaꞌa sai teꞌurine ike loꞌu.

1 Korinit 6:19

?Uri omu kaꞌa saie ike uri sapemiu nge oto nume maaꞌi a Liꞌoa Maaꞌi? E iiꞌo oto i lalo aamiu, aana a God e niie huniꞌomu. Oto sapemiu kaꞌa toꞌo-toꞌolamiu ike loꞌu maraamiu,

Uusu-uusu A Pol Hurula'aa Hunie Mo Rom 8:11

Liꞌoa Maaꞌi a God nge e taꞌe aalihoꞌi aana Jisas Kraes loꞌu mwaanie maenga, na ingeie oto e iiꞌo i lalo aamiu. Na mala a God e taꞌelaꞌinie sapena Kraes, nge kei taꞌelaꞌinie loꞌu sapemiu nge e mamaelaꞌa, aana Liꞌoa Maaꞌi nge e iiꞌo i lalo aamiu.

Uusu-uusu A Pol Hurula'aa Hunie Mo Rom 3:2

Iiꞌonga mala iinoni ni Jiu e diana aana mo tala hunge. Eetana oto, a God e niie oto mai walana huniꞌemi mo Jiu uri emi ke lio i sulie.

Tataroha Diana I Sulie A Jisas Kraes Nge A Luk E Uusue 16:11

Oto mala uri omu kaꞌa sai lio i suli diana aana toꞌo-toꞌonga ni welumalau, nga iini e saꞌa roroꞌa toliꞌaasie ike hunie omu ke lio i sulie toꞌo-toꞌonga toꞌohuu ni Lengi.