2 Tesalonaeka 1:3 - Tataroha Diana

³ Maeni eesiku maaꞌi, melu ko paalahea God mola tarau haahiꞌomu. Na e diana hunie melu ke asuie urine, aana hiiwalaimolinge iꞌomu ko peine aꞌailaꞌa mola i suli maholo, na manata-diananga nge omu toꞌo aana huniꞌomu heiliu ko lae peꞌi peine noꞌone loꞌu tarau.

2 Tesalonaeka 1:3 Referans Kwoze

2 Pita 3:18

Taꞌe omu ke pai-peine taraꞌasi mola i lalo aana manata-diananga na sai-olanga hunie Aalaha ikie na a Haꞌa-uuritaka, a Jisas Kraes. Nge manikuluꞌanga ingeie e saꞌa mango oto ooꞌoo. Ke urine oto.

2 Tesalonaeka 2:13

Maeni eesiku maaꞌi, e malisine melu ke paalahea God mola tarau haahiꞌomu, aana iꞌomu mo iini a Aalaha e manata diana huniꞌomu. A God e lio hilisiꞌomu uure oto wau i naꞌo huni haꞌa-uuriꞌomu, na e haꞌa-uuriꞌomu aana omu hiiwalaimoli aana mo wala toꞌohuu, na a Liꞌoa Maaꞌi e da omu neꞌi iinoni maaꞌi.

1 Tesalonaeka 4:1

Oto leu ooreta, maeni eesiku maaꞌi, melu haꞌananauꞌomu oto aana tala omu kei lulu i sulie hunie uri a God ke saemango haahiꞌomu, na omu ko lulu i sulie taane oto tala ngeena. Taꞌe aana satana Aalaha ikie a Jisas, melu ko eitanaiꞌomu loꞌu uri hunie omu ke tohungei lulu i suli diana aana loꞌu liutaa.

Pilipae 1:9

Na no ko eitanaie a God talamiu hunie manata-diananga iꞌomu ke paine loꞌu liutaa, na omu ke honu eeni saenanaunge hunie lio sai-olanga diana.

1 Tesalonaeka 3:12

Saemeelu uri a Aalaha ke da manata-diananga iꞌomu ngeena ke aꞌailaꞌa huniꞌomu heiliu na hunie taꞌena nga iinoni loꞌu, mala manata-diananga iꞌemeelu huniꞌomu e paine loꞌu liutaa.

Tataroha Diana I Sulie A Jisas Kraes Nge A Jon E Uusue 15:2

Ingeie oto ko taꞌaasie taꞌena nga sasarai ola aaku nge e kaꞌa hungu ike aani hue-huei ola. Na aana ko lio i suli diana aana hohola ingeie, nge mo sasarai ola kire ko hungu eeni hue-huei ola diana, ingeie ko si olo aasie taꞌena nga aaelanga mwaaniꞌi hunie kire ke rereꞌa na ke hungu oto loꞌu hiitoꞌo.

1 Pita 1:22

Oto i tehulaꞌana omu tola i sulie mo wala toꞌohuu aana Tataroha Diana ngeena, omu da oto maurihaꞌamiu e rereꞌa mwaanie oorahaꞌaa eena, na omu sai manata diana oto hunie mo eesimiu maaꞌi. Aena urine, omu ke mana-manata diana oto huniꞌomu heiliu aana ahutana saemiu.

1 Tesalonaeka 3:9

Melu ko tohungei ilenimwaꞌe na melu ko paalahea God oto liutaa haahiꞌomu. Na paalahenga iꞌemeelu ngeena hule aana e kaꞌa malisine ike noꞌone ahutana ilenimwaꞌenga nge melu toꞌo aana i tehulaꞌamiu.

Uusu-uusu A Pol Hurula'aa Hunie Mo Rom 1:8

No ko sare holaꞌi paalahea God haahiꞌomu aana ahutana walumalau ko rongoa oto hiiwalaimolinge iꞌomu. Na i tehulaꞌana a Jisas Kraes mone, nou saie uri a God ko rongo hunie paalahenga ineu ngeena.

2 Pita 1:13

Aana no ko loꞌongaꞌi uri e lae oto i diana hunie ne ke haꞌa-haꞌa-aamasitoꞌoꞌomu aana walu ola ngeena maholo no ko meu-meuri ue, mwaanie omu pulongosiꞌi mola.

1 Tesalonaeka 3:6

Taꞌe oto ie a Timoti e uure wau i seemiu na e hule aalihoꞌi oto loꞌu mei saameelu peꞌie mei tataroha e diana i sulie hiiwalaimolinge na manata-diananga iꞌomu uri e susu oto ue. E unue oodoiꞌemeelu uri omu sai aamasitoꞌo aameelu noꞌone aana ilenimwaꞌenga mala iꞌemeelu noꞌone, melu ko loꞌongaꞌiniꞌomu na melu ko sasare leesiꞌomu.

Pilipae 1:7

Loꞌongaꞌinge ineu eemiu e paine liutaa. Na e malisine oto noꞌone ne ke hii urine aamiu, aena aana omu ko peꞌieu aana asunge nge a God e niie hunieu. Asunge ngeena huni haataꞌinie Tataroha Diana uri mei ola toꞌohuu hunie mwala ke CAF - hiiwalaimoli aana. Na omu ko peꞌieu suli maholo, uure oto mai na nou kaꞌa lae ue i nume ni hoꞌo, lai hule aana ineu oto i nume ni hoꞌo siꞌiri ie.

Epesas 5:20

Na omu ke paalahea God Mamaꞌa tarau haahie taꞌena nga ola aana satana Aalaha ikie a Jisas Kraes.

1 Korinit 1:4

Suli maholo no ko paalahea God ineu aana e aamasiꞌomu na e niie mo niinge diana namiu i tehulaꞌana a Jisas Kraes.

Tataroha Diana I Sulie A Jisas Kraes Nge A Luk E Uusue 17:5

Mo hurulaꞌaa kire teꞌuri hunie, “O ke sapeie hiiwalaimolinge iꞌemi hunie ke paine.”

Tataroha Diana I Sulie A Jisas Kraes Nge A Luk E Uusue 15:32

Taꞌe ie, e malisine oto kolu ke ngau ni ilenimwaꞌenga peꞌie aasimu. Aana e mae oto kaꞌu, taꞌe ie e mauri oto loꞌu. E aiꞌaa kaꞌu, na lio oodoilana e lae loꞌu.’ ”

2 Korinit 10:15

Na melu kaꞌa ere toohaꞌiniꞌemeelu ike haahie mei esunge nge ngaeta mwala kire asuie. Taꞌe saemeelu hunie uri hiiwalaimolinge iꞌomu ke paine, na asunge iꞌemeelu i matolamiu ke paine loꞌu na ke hungu diana.

2 Tesalonaeka 2:1

Maeni eesiku maaꞌi, no ko sare ere loꞌu peꞌiꞌomu i sulie maholo a Jisas Kraes Aalaha ikie kei ooli loꞌu mei huni lokokie i saana.