2 Tesalonaeka 1:11 - Tataroha Diana

¹¹ Oto aena mo olana nge melu ko aare-aarengaꞌi mola talamiu tarau. Melu ko eitanaie a God ikie hunie ke da omu ke malisine mau-meuringe diana nge e soiꞌomu hunie uri omu ke iiꞌo aana. Na melu ko eitanaie a God hunie ke haꞌa-oaie mo neꞌisaenga diana iꞌomu aana nanamanga ingeie, na hunie ke peꞌiꞌomu huni haꞌamangoa mo esunge diana nge omu ko esuiꞌi i tehulaꞌana hiiwalaimolinge iꞌomu aana.

2 Tesalonaeka 1:11 Referans Kwoze

Pilipae 2:13

Aena aana a God ni ko esu i lalo aamiu urine, huni haꞌamwaꞌe-mwaꞌeꞌomu, na hunie omu ke sai tola i sulie tolahana maraana.

1 Tesalonaeka 1:3

Oto tarau aana aarengaꞌinge iꞌemeelu hunie a God Aamaka, melu ko aamasitoꞌo aana mo tolahai iinoni diana nge omu ko lulu i suliꞌi i sulie hiiwalaimolinge iꞌomu aana a Jisas, na mo weonga iꞌomu i tehulaꞌana omu manata diana hunie a God. Na melu ko loꞌongaꞌinie noꞌone uuranga aꞌailaꞌa iꞌomu aani norutoꞌonga aana a Jisas Kraes Aalaha ikie.

2 Tesalonaeka 1:5

Aana omu ko sapesalu hiitoꞌo i tehulaꞌana a God oto ienini, nge a God ke si haataꞌinie uri omu tohungei melisine Aalahanga ingeie. Na aana nga maholo ue mai sapesalunge iꞌomu ngeena kei haataꞌinie noꞌone uri leinge a God e oodo taane mola.

Hibru 12:2

Kie ke lae peꞌi lio hahuroto aana a Jisas uri ingeie ni e aehotaa mei hiiwalaimolinge ikie, na ingeie oto ko lio i sulie hiiwalaimolinge ikie lai hule aana haꞌamangolana. Maꞌalana maenga i lengine poꞌu-poꞌu mei ola ni masanga oto paine, taꞌe ingeie e neꞌisae mwai-mweisie mola masanga ngeena na e lae peꞌi aꞌailaꞌa mola maꞌalana kire horoꞌie i lengine poꞌu-poꞌu urine. Ingeie oto e mwaꞌe-mwaꞌe ni mae urine aena aana e neꞌisae paine oto haahie ilenimwaꞌenga nge kei hele aana mai puri, na aana maholo ienini, e iiꞌo oto i pwalo-pwalona God huni aalaha peꞌie.

2 Tesalonaeka 2:14

Mo wala toꞌohuu nge a God e haaraiꞌomu mei eeni ngeena, nge oto Tataroha Diana nge melu lae peꞌi tarohaꞌinie huniꞌomu. Na e haaraiꞌomu urine ngeena aana e saetoꞌo aana uri omu ke toꞌo aana noꞌone manikuluhaꞌana a Jisas Kraes Aalaha ikie.

Epesas 1:5

Aana a God e manata diana hunikie na e lio hilisikie oto wau i naꞌo hunie kie ke neꞌi kalena i tehulaꞌana a Jisas Kraes. Na e tohungei toꞌohie oto saena a God huni esuie urine.

Uusu-uusu A Pol Hurula'aa Hunie Mo Rom 8:30

Na mwala nge a God e oalaꞌi urine hunire oto uure mai naꞌo, e mani soire oto loꞌu mai i saana. Na e da oto hunie kire ke mani neꞌi iinoni oodotaꞌi i maana, na e niie oto manikuluꞌanga ingeie hunie ahutada mango.

Tataroha Diana I Sulie A Jisas Kraes Nge A Luk E Uusue 12:32

“Maꞌalana omu kaꞌa hunge, taꞌe mwaanie omu meꞌu-meꞌu, maeni mwela, aena aana Aamamiu ko tohungei ilenimwaꞌe hunie omu kei aalaha peꞌie i laona Aalahanga ingeie.

Pilipae 1:6

Na nou norutoꞌo uri a God nge e aehotaa mei esunge diana i laona maurihaꞌamiu, kei lae peꞌi esu taraꞌasi oto urine i lalo aamiu, lai hule aana hai dinge a Jisas Kraes kei ooli loꞌu mei.

Haataꞌinge 5:10

Iꞌoe oto aalaha ikire, na o esuie uri kire mani neꞌi pris oto huni haꞌapainaꞌaa a God, na o haꞌa-aalahara hunie kire ke aalaha haahie walumalau.”

Haataꞌinge 3:4

“Taꞌe tootaꞌi iinoni eemiu mo Sadis, omu kinetaꞌi diana oto aana helelamiu mala iinoni ko kinetaꞌinie mo toꞌoni ingeie mwaanie kire madaꞌa. Mo iini urine ne kei haꞌahoꞌosiꞌomu aana mo toꞌoni rereꞌa na omu kei lae peꞌieu, aena aana omu melisine oto leune.

1 Pita 5:10

Maholo ienini, omu ko sapesalu mola hunie kele maholo oꞌoruꞌe, taꞌe a God e manata diana huniꞌomu oto liutaa. Ingeie ni oto e soiꞌomu huni lado peꞌie a Kraes na huni iiꞌo peꞌie aana manikuluhaꞌana nge e saꞌa mango ike loꞌu aana taꞌena nga maholo. Oto a God maraana kei haꞌasusue taane hiiwalaimolinge iꞌomu na kei niie nanamanga huniꞌomu hunie omu ke uure maꞌutaꞌa tarau mala iini e neꞌi rato oto aana oodo-oodonga.

Hibru 3:1

Oto maeni eesiku maaꞌi, a God e mani soikie oto i saana taꞌau i Lengi, oto omu ke lolodosae i sulie a Jisas, iini nge kie ko meni houleꞌinie uri ingeie oto naꞌohai Hurulaꞌaa nge ko tarohaꞌinie walana God hunikie, na ingeie oto Hahuꞌana Naꞌohai Pris ikie.

Pilipae 3:14

Oto no ko huru aꞌailaꞌa hunie uri ne ke hele aana waaite taꞌau i Lengi, nge a God e soieu hunie ne ke hele aana i tehulaꞌana a Jisas Kraes.

Epesas 1:16

nou kaꞌa pupulongo ike huni paalahea God haahiꞌomu. Nou sai loꞌongaꞌiniꞌomu mola tarau i laona mo aarengaꞌinge ineu.

Epesas 1:9

nge e haataꞌinie oalaꞌinge ingeie oto hunikie. Wau i naꞌo, oalaꞌinge ngeena e oꞌoꞌo mumuni mola, aana a God e loꞌongaꞌi aakau oto aana mai naꞌo hunie uri a Kraes ke si haꞌa-oaie.

Uusu-uusu A Pol Hurula'aa Hunie Mo Rom 1:9

No ko esu nana God aana ahutana saeku aani laeliwalanga aana Tataroha Diana i sulie a Kalena, na a God e leesie noꞌone uri nou kaꞌa mou-mou ike mwaanie aarengaꞌinge talamiu.

Tataroha Diana I Sulie A Jisas Kraes Nge A Mak E Uusue 4:28

Mei ola ngeena, mwakano ni mola ko da mo lite ngeena ko pwito urine na kire ke hungu. Kire kei holaꞌi ure, oto ko heꞌi taka loꞌu, na purine e taka mango kolu ko leesie oto ko toꞌo hue-huana eena.

1 Korinit 1:8

Na a Jisas oto kei haꞌasusuꞌomu hunie omu ke iiꞌo oodotaꞌi lai hule aana hai dinge nge Aalaha ikie a Jisas Kraes kei ooli loꞌu mei.

Uusu-uusu A Pol Hurula'aa Hunie Mo Rom 11:29

Aana maholo a God ko lio hilisie oto nga iini na ko niie haꞌadianaꞌanga oto hunie, e saꞌa heꞌi oolisie ike loꞌu saena.

Uusu-uusu A Pol Hurula'aa Hunie Mo Rom 15:14

Maeni eesiku maaꞌi, nou hiiwalaimoli uri omu honu makeato oto aana taꞌena nga tolahai ola diana, na uri omu tohungei saenanau oto aani, hule aana omu sai haꞌananauꞌomu heiliu oto aani.