2 Pita 2:7 - Tataroha Diana

⁷ Taꞌe a God e haꞌa-uurie mola a Lot mwaanie huilume i Sodom, aana ingeie e iiꞌo oodotaꞌi na e hii aaela i sulie mo tolahai ola tataꞌala ikire mwala oorahaꞌaala aana e ro huilume ngeena.

2 Pita 2:7 Referans Kwoze

2 Pita 3:17

Taꞌe iꞌomu, maeni eesiku maaꞌi, omu saie oto mo wala ngeena. Oto omu ke lio talamiu maraamiu, mwaanie omu lae takalo i sulie mo haꞌa-uusulinge mo iinoni tataꞌala. Nou sereꞌinie omu ke domu mwaanie leu diana omu uure puu oto aana karaꞌinie a God.

1 Korinit 10:13

Ahutana mo malaahonga nge ko hite-hite aamu ngeena, taungei ola oto e sai hite mola aana taꞌena nga iinoni ni ngeena. Taꞌe a God ko deu mola i sulie haiholotaꞌinge ingeie, na e saꞌa tohungei toliꞌaasie ike uri malaahongalamu ke lae liue nga taa o sai uure honosie. Aena urine, maholo malaahongalamu ko lae, nge a God kei haataꞌinie tala huniꞌo mwaanie takalonga ngeena, na kei peꞌiꞌo taane hunie o ke uure aꞌailaꞌa honosie oorahaꞌaa.

2 Pita 2:2

Maꞌalana e urine, taꞌe mo iini hunge kei lulu i sulie mo tolahai ola aaela ikire ngeena, na mwala kei aehota ere aaelasie loꞌu mola Tataroha Diana toꞌohuu ngeena.

2 Pita 2:18

Kire sai haꞌa-olaa mwala mola hunie aaelanga peꞌie mo wala mwaakule ni toohaꞌinge, aana kire ko unu-unue uri e diana mola huni deu i sulie mo heri-huninge aana sape. Na urine kire ko weꞌi eelihoꞌi mola aana mwala nge kire ko si aehota huni lae i sulie tala oodo mwaanie mo tolahai ola aaela ngeena.

Jiud 1:4

No ko ere urine, aena aana ngaeta mwala aaela kire ko sili mumuni mola mai i matolamiu. Mwala ngeena kire sereꞌi deu i sulie walana a God, oto kire oolisie mei wala i sulie manata-diananga ingeie hunikie. Kire ko unue uri aena aana a God e tohungei manata diana hunikie, nge e saꞌa haꞌaloikie ike na kie sai deu taꞌewau mola mala saeka. Oto urine kire ko heitohea taꞌa-taꞌa Poro Paine na Aalaha ikie, a Jisas Kraes. Mo propet kire uusu-uusu i sulie mwala ngeena oto mai waite, na kire unue uri leilada kei lae.