2 Pita 2:4 - Tataroha Diana

⁴ Na kie mani saie oto uri maholo mo ensel kire oorahaꞌaa kaꞌu waite, a God e haꞌaloire aana e pwasure aani iieliheu, na e oohe aasire i laona leu ni haꞌamotaahinge nge e tohungei rodohono oto hiitoꞌo. Na kire kei iiꞌo i leune lae-lae hule aana Dinge Ni Leinge aana maholo ooreta.

2 Pita 2:4 Referans Kwoze

Jiud 1:6

Na omu ke aamasitoꞌo noꞌone aana mo ensel nge kire toli puri mola aana mo lio i sulinge ikire, na kire lae mola mwaanie mo iiꞌo-iiꞌoha ikire. A God e hoꞌosie mo ensel ngeena aani iieliheu oto huu, na e aasire i laona rodohono oto loosie hai dinge ni lei mae aada.

Matiu 25:41

“Oto ne ke si unue loꞌu hunie mo iini i meu-meuliku uuri, ‘Omu ke tahi mwaanieu, mo iini nge omu iiꞌo oto loosie haꞌamotaahinge a God. Omu ke tahi i laona dunge nge ko weru tarau mola, na e saꞌa mwaꞌa loꞌu. Dunge ngeena dau aakaulana e lae oto hunie a Satan na mo liꞌoa aaela ingeie.

Uusu-uusu A Pol Hurula'aa Hunie Mo Rom 8:32

A God e kaꞌa saenie ike nga mei ola mwaanikie, kaꞌu hule aana e toliꞌaasie a Kalena hunie ke mae huni haꞌa-uurikie. Oto leune ko haataꞌinie uri a God kei tohungei nii mwaakule mola aana ahutana mo ola diana ingeie hunikie.

Haataꞌinge 20:10

Oto a Satan nge e eero-eeroa mwala ngeena, kire aasie i laona dunge ni haꞌamotaahinge aana mo heu eeso-eeso, leu nge ola loo-looꞌa ngeena na propet eero-eero ingeie kire iiꞌo aana. Na i leune kire kei iiꞌo i laona haꞌamotaahinge susue aatowaa na rodo na oto huu.

Tataroha Diana I Sulie A Jisas Kraes Nge A Luk E Uusue 10:18

Oto a Jisas e aalamire ko teꞌuri, “Nou leesie taane a Satan e domu uure mwaanie i Lengi mala waꞌariri.

1 Jon 3:8

Taꞌe iini nge ko oora-oorahaꞌaa oto mola, iini a Pwelu Eero-eero eena, aena aana a Pwelu Eero-eero ingeie e uure ni oorahaꞌaala oto mai aehotalana. Na Kalena God e lae oto mai huni oho aasie mola mo esunge a Pwelu Eero-eero ngeena.

2 Pita 2:11

Taꞌe maꞌalana mo ensel kire paine liutaa na kire toꞌo aana nanamanga liutaa aana mo haꞌa-uusuli eero-eero ngeena, kire kaꞌa sai ere aaelasie ike nga iini i maana Aalaha.

2 Pita 2:5

Oto wau i naꞌo noꞌone, a Noa e ere-ere i sulie tolahana oodotaꞌinge nana mwala. Na maholo mwala ngeena kire kaꞌa sai rongo hunie a God, oto a God e haꞌaloire. E uusungeꞌinie wai uri ke kone paine huni horo mae aada. Taꞌe a Noa na e hiu iinoni peꞌie mola a God e si haꞌa-uurire.

Tataroha Diana I Sulie A Jisas Kraes Nge A Luk E Uusue 8:31

Na mo liꞌoa aaela ngeena kire aitanaie a Jisas uri ke suꞌuri uusungeꞌi aasire i laona kalinge ni haꞌamotaahinge nge e kaꞌa toꞌo kaona.

Tataroha Diana I Sulie A Jisas Kraes Nge A Jon E Uusue 8:44

Iꞌomu oto mo kalena a Pwelu Eero-eero, na saemiu uri omu ke lae mola i sulie mo neꞌisaenga ingeie. Oto tarau, ingeie iini e talei horo mola, na e leledie walaimolinge, aena aana walaimolinge haꞌike noꞌone aana. Maholo ko ere aani eeronga, nge ko ere-ere oto aana tohungana erenga ni henue ingeie eena, aena aana ingeie iinoni eero-eero, na ingeie aamana oto mo eeronga.

Tataroha Diana I Sulie A Jisas Kraes Nge A Mak E Uusue 5:7

Oto a Jisas ko teꞌuri hunie, “!Iꞌoe, liꞌoa aaela, o ke iisitaa mai mwaanie mwane ngeena!” Oto a mwaena ko soi oto paine uuri, “!Ai Jisas, Kalena a God, iini e paine liutaa! ?Nga taa oto o kei esuie aaku? No ko eitanaiꞌo aana satana God, o ke suꞌuri haꞌaletehieu.”

Matiu 8:29

Oto kire ko uulo oto paine uuri, “?Kalena a God, o ko kotahiꞌemi huni taa? ?Uri o lae mola mai huni haꞌaloiꞌemi, na e kaꞌa hule ue aana maholo hunie?”

Jiud 1:13

Mwala urine kire kaꞌa sai masa ike haahie mo tataꞌalanga ikire, na kie sai leesiꞌi mola mala rama-rama nge aahe ko aasiꞌi i oone. Kire urihana mola mo tatahorade, aana haꞌamangolani oto i laona rodohono pupulu, na e urine noꞌone hunie mwala ngeena aana a God e koni aakau oto aana nga leu loosire i laona rodohono pupulu oto di.

2 Pita 2:9

Oto urine kie sai leesie uri mo iini kire ko esu nana a God maꞌalana ko aasa uri taa, taꞌe a God e sai haꞌa-uurire mola mwaanie mo siꞌohaꞌanga ikire. Na a God e sai hele aakau aana haꞌaloinge hunie mo iini tataꞌala loosie Dinge Ni Leinge.

Uusu-uusu A Pol Hurula'aa Hunie Mo Rom 11:21

Loꞌongaꞌi keꞌu i sulie mo tohungei sasarai ola aana ai diana ngeena. Maholo kire dau huꞌisie oalaꞌinge a God, nge a God e kaꞌa toliꞌaasie ike uri kire ke iiꞌo mola aana ai diana ngeena, taꞌe e hali aasiꞌi mola. ?Oto mala uri omu kaꞌa lulu i sulie oto a Kraes, uri omu ko loꞌo-loꞌongaꞌi a God kei toliꞌaasie mola omu ke iiꞌo aana ai diana ngeena? !Haꞌike oto ooꞌoo!