2 Pita 2:2 - Tataroha Diana

² Maꞌalana e urine, taꞌe mo iini hunge kei lulu i sulie mo tolahai ola aaela ikire ngeena, na mwala kei aehota ere aaelasie loꞌu mola Tataroha Diana toꞌohuu ngeena.

2 Pita 2:2 Referans Kwoze

Uusu-uusu A Pol Hurula'aa Hunie Mo Rom 2:24

Aena urine kaꞌu mo Uusu-uusu Maaꞌi e unue uuri, I tehulaꞌana roroꞌanga iꞌomu mo Jiu, nge mwala ikire nga mo Jiu haꞌike kire ko si ere aaelasie satana a God. Aesaea 52:5

Jiud 1:10

Taꞌe mwala ienini kire ko ere aaelasie oto mo ola hule aana kire kaꞌa sai diana aani. Saemangonga ikire e urihana mola mo poo wa mo usu nge kire kaꞌa sai loꞌongaꞌi ike. Kire ko lae-lae oto mola i sulie pwalusude aani nonowasunge hunie taꞌena nga ola, na mo ola urine nge ko waelire oto hiitoꞌo.

Haataꞌinge 13:14

A God e toliꞌaasie hunie ke asuie mo huꞌi-huꞌite aana maholo e iiꞌo peꞌie ola loo-looꞌa holaꞌinaꞌo ngeena, na aena aana mo huꞌi-huꞌite ngeena, nge e haꞌapweue ahutana mwala ni welumalau. Ruana nga ola loo-looꞌa ngeena e unue uri mwala ke asuie nga nunui ola huni haꞌapainaꞌaa iini holaꞌinaꞌo, iini nge e malakaꞌa kaꞌu taꞌe e kaꞌa maesie ike.

Jiud 1:15

huni leie ahutana mwala. Na ko lae mai huni lei mae aana ahutada kira oorahaꞌaala haahie mo oorahaꞌaa kire asuiꞌi aana kire kaꞌa lae ike i sulie tolahana God. Na kei haꞌaloie kira oorahaꞌaala haahie mo tohungei wala aaela nge kire unuꞌi honosie a God.”

2 Pita 2:15

Mo haꞌa-uusuli eero-eero ngeena kire ko lae mwaanie tala oodo na kire lae takalo oto mola, aana kire ko lae mola i sulie tolahana propet a Belam oto waite, mwane kalena a Beo. A Belam e oalaꞌi keꞌu ni esuie mei ola e kaꞌa oodo ike, aena aana saena e tohungei peinesie mola mei toꞌoha.

1 Pita 2:12

Oto omu ke lio-lio talamiu i matolana mo iinoni ni welumalau aana kire ko sare haꞌa-haꞌapeliꞌomu haahie mo ola hunge. Taꞌe omu ke iiꞌo oodotaꞌi mola tarau hunie kire ke leesie tolahamiu e oodotaꞌi. Omu ke teteꞌurine hunie maholo aasanga kei hite aada, ikire noꞌone kire ke si hiiwalaimoli, na kire ke soi haꞌamanikuluꞌaa a God haahiꞌomu.

Taetas 2:8

Haꞌa-uusulinge iꞌoe ke tohungei oodo na ke diana mwaanie nga iini e ere aaelasie. O kei haꞌa-uusuli urine, nge mo maelonga ikie kire kei masa aena aana kire kei deu aasaie nga mei ola hunie kire ke ere aaelasikie aana.

Palonga 24:14

Taꞌe no ko unu oodo-oodo oto aana huniꞌo, uri e toꞌohuu no ko palo-paloa a God mo weuwe iꞌemi, aana ineu no ko lulu i sulie Tala Ni Meurihe. Ikire, kire unue mei hiiwalaimolinge ngeena e kaꞌa diana ike, maꞌalana ineu noꞌone nou hiiwalaimoli aana ahutana walu ola i laona mo Haꞌatolanga a Mosis na mo ola i laona mo Uusu-uusu Maaꞌi mo Propet.

Palonga 16:17

A keine e lae i suliꞌemeelu a Pol oto mola peꞌie soinge oto paine na ko teꞌuri, “Mo mwane ngeena ikire mo mwane auꞌesu a God Hahuꞌana Nanama, na kire ko lae peꞌi unu-unue tala ni haꞌa-uuringe ingeie huniꞌomu.”

Matiu 24:24

Aena aana mo kraes eero-eero na mo propet eero-eero hunge kire kei lae mai. Na mala ko mwadaꞌu, kire kei haꞌatakaloa mo iini nge a God e lio hilisire oto. Kire kei haataꞌinie mo tolimaa na mo huꞌi-huꞌite aana mwala, taꞌe mwaanie omu hiiwalaimoli aada.

Haataꞌinge 12:9

taꞌe kire aasire mango oto mai aano i laona walumalau. Painehaꞌana mwaa ala-ala ngeena ola e uure oto mai i naꞌo. Na ingeie kaꞌu kie ko haa-haaraꞌinie a Pwelu Eero-eero wa a Satan. Na ingeie oto iini nge ko eeroa ahutana mwala aana walumalau huni lae i sulie mo tala aaela.

2 Pita 2:21

E lae oto i diana uri kire ke suꞌuri lio saie tolahai ola diana ngeena, aana urine haꞌalaa haꞌaloinge ikire e saꞌa tohungei peine ike. Taꞌe mo iini nge kire saie oto tala diana a God na kire ko aatopuri mola aana, ikire oto a God kei tohungei lei aaelasire oto liutaa.

Taetas 2:5

Na kire ke haꞌa-uusulie mo huꞌe haalu ngeena noꞌone hunie uri kire ke nihisie saeda mwaanie aaelanga, na uri kire ke iiꞌo rereꞌa, na uri kire ke saemamae hunie mwala, na uri kire ke lio i suli diana aana mo uluhe ikire peꞌi haꞌamaꞌunge aana mo poro ikire. Aana kire ko haataꞌinie tolahai iinoni diana urine, nge nga iini poꞌoi sinaha saꞌa ere aaelasie ike mo haꞌa-uusulinge aana soihaadaꞌinge.

1 Timoti 5:14

Oto nou saetoꞌo aana mo nao keni haalu uri kire ke toꞌo poro, na kire ke toꞌo mwela, na kire ke lio i suli diana aana mo nume ikire, na mwaanie kire niie nga matahaa hunie taꞌena nga maelonga ikie huni ere aaelasikie.

Palonga 19:9

Taꞌe ngaeta mo iini aada kaꞌa sare hiiwalaimoli ike aana mei wala ienini. Na kire ko aehota ere aaelasie oto Tala Ni Meurihe i naꞌona mwala. Oto a Pol e lae mwaanire na ko toolea noꞌone mo pwaarongoisuli peꞌie. Na ko lai haꞌa-uusulire i sulie tolahana a Jisas mola susue dinge wau i laona nume ni sukulu a Tiranas.

Palonga 18:26

A Apolos e lae wau i laona nume ni palo-palo mo Jiu ko tohungei ere hiitoꞌo hunire. Oto maholo a Prisila na Akuila kire rongoa ere-erenga ingeie, kire si toolea wau i nume ikirerue ni haꞌa-uusulie loꞌu aana tolahana God.

Palonga 14:2

Oto e ro hurulaꞌaa kirerue kele iiꞌo tewa i Aekoniam na kire aꞌailaꞌa mola ni houleꞌinie walana Aalaha. Na a Aalaha e niie nanamanga na mo tolimaa hunirerue huni haataꞌinie aana mwala uri mei wala i sulie manata-diananga a Aalaha e toꞌohuu. Taꞌe mo Jiu nge kire kaꞌa hiiwalaimoli kire ko haꞌa-olaa ngaeta mo Aapoloa Aaopa uri kire ke leledie mo iini nge kire hiiwalaimoli.

Palonga 13:10

na ko teꞌuri “!Mwae, iꞌoe kalena a Pwelu Eero-eero oto toꞌohuu! Ahutana walu ola oodo o meni lelediꞌi mango mola, na o tohungei honu mola aana eeronga na pwelu-walanga. ?Aana e ue o ko deu aahonga huni huꞌisie walana God nge e walaimoli hunie ke rongo mala eeronga?

Tataroha Diana I Sulie A Jisas Kraes Nge A Jon E Uusue 14:6

A Jisas e aalamie oto ko teꞌuri, “Ineu oto tala, na walaimolinge, na maurihe. Nga tala aaopa hunie nga iini ke lae loꞌu i sulie takoie a Mamaꞌa haꞌike, taꞌe ko liu i seeku haꞌalaa.

Tataroha Diana I Sulie A Jisas Kraes Nge A Mak E Uusue 13:22

Aena aana mo kraes eero-eero na mo propet eero-eero hunge kire kei lae mai. Na mala ko mwadaꞌu, kire kei haꞌatakaloa mo iini nge a God e lio hilisire oto. Kire kei haataꞌinie mo tolimaa na mo huꞌi-huꞌite aana mwala, taꞌe mwaanie omu hiiwalaimoli aada.

Tataroha Diana I Sulie A Jisas Kraes Nge A Mak E Uusue 12:14

Kire lae mai saana a Jisas, oto kire ko teꞌuri, “Haꞌa-uusuli melu saie uri walaimolinge ni oto o ko unu-unuena. Oto o kaꞌa aapwasu ike aana nga taa mwala aaopa ko loꞌo-loꞌongaꞌinie aena aana o kaꞌa lio ike hunie maana mo iinoni, taꞌe o ko haꞌa-uusuli mola i sulie hari-huninge a God hunie mo iinoni. Oto o ke unue oodoiꞌemeelu. ?Uri e adona taane huni niie takis hunie aalahanga ni Rom wa haꞌike?”

Matiu 22:16

Oto kire ere tararuru peꞌie pulitaa a Herod Inemauri, na kire ko uusungeꞌinie taꞌau mo pwaarongoisuli ikire i saana a Jisas peꞌie ngaeta mo mwane aana poꞌo ni mwane a Herod. Oto mo mwaena kire ko unue hunie a Jisas uuri, “Haꞌa-uusuli, melu saie uri walaimolinge ni oto o ko unu-unuena, aana o ko haꞌa-uusuli i sulie hari-huninge a God hunie mo iinoni. Oto o kaꞌa aapwasu ike aana nga taa mwala ko loꞌo-loꞌongaꞌinie, aena aana o kaꞌa lio ike hunie maana mo iinoni.

Matiu 7:14

Taꞌe maai para hunie maurihe huu e mwai-mwei na tala takoie e kokohisi, na tootaꞌi iini mola kire kei lio oodoie.”

Haataꞌinge 13:8

Ahutana mwala ni welumalau kire kei paloa ola loo-looꞌa ngeena, taꞌe mo iinoni a God haꞌike, aana Kalei Sipu nge horoꞌilana e lae e uusue satada oto i laona uusu-uusu ni meurihe ingeie oto wau i naꞌona haꞌaholalana walumalau.

2 Pita 2:12

Taꞌe mo haꞌa-uusuli eero-eero ngeena, kire urihana mola mo ola loo-looꞌa ni meꞌesu nge kire kaꞌa sai loꞌongaꞌinie ike nga mei ola, na e adona mola horo-aasileni ke lae. Kire sai ere aaelasie mola mo ola nge kire kaꞌa sai diana aani ike, taꞌe lae-lae mo ola aaela kire ko esuiꞌi ngeena kei eeliꞌu na kei heꞌi waelire loꞌu.

Palonga 22:4

Nou tohungei haꞌaloie mwala nge kire lae i sulie Tala Ni Meurihe hule aana nou horo maesire. Nou tapolie mo mwane na mo keni, na nou lai aasire i laona nume ni hoꞌo.

2 Pita 2:7

Taꞌe a God e haꞌa-uurie mola a Lot mwaanie huilume i Sodom, aana ingeie e iiꞌo oodotaꞌi na e hii aaela i sulie mo tolahai ola tataꞌala ikire mwala oorahaꞌaala aana e ro huilume ngeena.

2 Pita 2:18

Kire sai haꞌa-olaa mwala mola hunie aaelanga peꞌie mo wala mwaakule ni toohaꞌinge, aana kire ko unu-unue uri e diana mola huni deu i sulie mo heri-huninge aana sape. Na urine kire ko weꞌi eelihoꞌi mola aana mwala nge kire ko si aehota huni lae i sulie tala oodo mwaanie mo tolahai ola aaela ngeena.

Jiud 1:4

No ko ere urine, aena aana ngaeta mwala aaela kire ko sili mumuni mola mai i matolamiu. Mwala ngeena kire sereꞌi deu i sulie walana a God, oto kire oolisie mei wala i sulie manata-diananga ingeie hunikie. Kire ko unue uri aena aana a God e tohungei manata diana hunikie, nge e saꞌa haꞌaloikie ike na kie sai deu taꞌewau mola mala saeka. Oto urine kire ko heitohea taꞌa-taꞌa Poro Paine na Aalaha ikie, a Jisas Kraes. Mo propet kire uusu-uusu i sulie mwala ngeena oto mai waite, na kire unue uri leilada kei lae.

Jiud 1:7

Omu ke aama-aamasitoꞌo noꞌone aana e ro huilume i Sodom na i Komora na mo huilume loꞌu kali-kelirerue. Mala uri mo ensel ngeena kire lae aaopa mwaanie neꞌisaenga a God hunire, nge mwala aana mo henuena kire lae aaopa noꞌone aana kire toliꞌaasire oto mola hunie aeni-olanga, na hule aana aeni-olanga tataꞌala peꞌie mo mwane mala ikire. Oto kire sapesalu aana haꞌaloilada e lae aana dunge mala nga tolimaa hunie ahutaka kie ke mani lee-leesie.