2 Korinit 8:21 - Tataroha Diana

²¹ Aana saemeelu uri hunie melu ke asuie hunie ke oodo i maana Aalaha ikie, na noꞌone i maana mo iinoni.

2 Korinit 8:21 Referans Kwoze

Uusu-uusu A Pol Hurula'aa Hunie Mo Rom 12:17

Mala uri nga iini ko deu aaelasie nga mei ola takoiꞌomu, omu ke suꞌuri oolisie loꞌu eelihoꞌi hunie. Suli maholo omu ke asuie mola nga taa e oodo na e lio diana i maana ahutana mwala.

1 Pita 2:12

Oto omu ke lio-lio talamiu i matolana mo iinoni ni welumalau aana kire ko sare haꞌa-haꞌapeliꞌomu haahie mo ola hunge. Taꞌe omu ke iiꞌo oodotaꞌi mola tarau hunie kire ke leesie tolahamiu e oodotaꞌi. Omu ke teteꞌurine hunie maholo aasanga kei hite aada, ikire noꞌone kire ke si hiiwalaimoli, na kire ke soi haꞌamanikuluꞌaa a God haahiꞌomu.

Pilipae 4:8

Oto ie, maeni eesiku, mei wala ooreta ineu huniꞌomu, uri omu ke lolodoa mo ola toꞌohuu na mo ola diana i saemiu. Na omu ke loꞌo-loꞌongaꞌi mola i sulie mo ola oodo, na mo ola manola, na mo ola e lio diana, na mo ola mwala e sai haꞌamaꞌu eeni, na mo ola e malisine lahenga haahiꞌi, na taꞌena nga mei ola e diana loꞌu liutaa urine.

1 Tesalonaeka 5:22

na omu ke iiꞌo haꞌatau mwaanie taꞌena nga mei ola aaela.

2 Korinit 2:17

Mo iini oto hunge ko lupweꞌi tarohaꞌinie walana God, taꞌe kire kaꞌa asu toꞌohuu ike, aena aana saeda mola hunie kire ke tari toꞌoha aana. Taꞌe iꞌemeelu, melu aaopa oto mwaanire aana melu ko tarohaꞌinie walana God aani sae manola peꞌie nanamanga a Kraes. Na melu saie uri a God nge e uusungeꞌiniꞌemeelu mala mo koni-konihe ingeie, na ko toꞌo-toꞌomaaie taane nga taa melu ko euꞌesuie.

Uusu-uusu A Pol Hurula'aa Hunie Mo Rom 14:18

Na taꞌena nga iini ko esu nana Kraes aana tala diana urine, nge a God kei ilenimwaꞌe haahie na hule aana mwala noꞌone kire kei haꞌamaꞌu aana.

1 Timoti 5:14

Oto nou saetoꞌo aana mo nao keni haalu uri kire ke toꞌo poro, na kire ke toꞌo mwela, na kire ke lio i suli diana aana mo nume ikire, na mwaanie kire niie nga matahaa hunie taꞌena nga maelonga ikie huni ere aaelasikie.

Matiu 6:4

Hunie peꞌinge iꞌoe ke mumuni, na Aamamu nge ko lee-leesi ola mumuni ke si waaiꞌo taane haahie.”

Matiu 5:16

Oto iꞌomu, omu ke urine noꞌone. Raa-raa iꞌomu ke raangie ahutana mwala, hunie kire ke lio saie mo ola diana nge omu ko esuiꞌi na kire ke soi haꞌamanikuluꞌaa Aamamiu i Lengi i tehulaꞌani.”

Matiu 23:5

“Ahutana nga moi taa kire ko euꞌesuiꞌi, mo ola mola uri hunie mwala ke lee-leesire. E toꞌohuu, a God e unue taane uri kie ke hoꞌo-hoꞌosie mo toꞌoni lauleuniꞌe na ngaeta mo ola loꞌu huni aama-aamasitoꞌo aana mo haꞌatolanga ingeie. !Taꞌe lio kaꞌu! Ikire, kire ko esu peine loꞌu aana mo olana, hunie uri mwala ko leesiꞌi na kire ke unue uuri, ‘Ikire ni oto mwala maaꞌi.’

Matiu 6:1

Oto a Jisas ko heꞌi teꞌuri loꞌu, “Omu ke lio talamiu, mwaanie omu deu-deu haadaꞌi aana nga moi taa diana aana oodo-oodonga iꞌomu i maana mwala uri hunie kire ke leesiꞌi mola. Aena aana omu kei teꞌurine, omu saꞌa roroꞌa hele aana ike nga waaite mwaanie Aamamiu i Lengi.

2 Korinit 8:20

Na maholo melu ko toolea niinge ngeena, melu ko tohungei hei kinetaꞌi mwaanie uri nga mo iini e upwesiꞌemeelu haahie lio i sulilana toꞌoha oto paine nge niilana e lae ienini.

2 Korinit 8:22

Na melu ko uusungeꞌinie ngaeta aasikaelu loꞌu noꞌone hao peꞌirerue. Aana mo maholo oto hunge oolune nga aasikaelu ienini e haataꞌinie huniꞌemeelu uri e mwaꞌe-mwaꞌe toꞌohuu huni peꞌi-peꞌi aana taꞌena nga ola. Na oto ienini ko si mwaꞌe-mwaꞌe loꞌu liutaa huni peꞌi, aena aana e norutoꞌo oto aamiu uri iꞌomu noꞌone omu ke nii-nii peꞌi saediananga.

1 Timoti 3:7

Taꞌena nga naꞌohai mwane haahie soihaadaꞌinge ke haro neꞌie iinoni diana, hule aana mwala poꞌoi sinaha mwaanie soihaadaꞌinge ikire noꞌone kire ke ere diana i sulie. Ke urine oto mwaanie mwala kire siho aana, na mwaanie e pola mola peꞌie pwanu a Pwelu Eero-eero.