2 Korinit 7:15 - Tataroha Diana

¹⁵ Oto maholo ienini, a Taetas noꞌone e tohungei neꞌisae paine aamiu aana ko loꞌongaꞌi i sulie uri omu meni lio i suli diana aana, na omu meꞌuteꞌinie peꞌi haꞌamaꞌunge aana, hule aana omu meni mwaꞌe-mwaꞌe ni tola i sulie walana.

2 Korinit 7:15 Referans Kwoze

Pilipae 2:12

Aena urine, maeni eesiku, mala omu lae kaꞌu peꞌi tola i sulie a God aana omu rongo hunie walaku maholo ineu ue peꞌiꞌomu, omu ke hele susuleꞌi aani lulu i sulilana walaku oto urine, oto liutaa aana maholo mala ienini nge nou kaꞌa iiꞌo ike peꞌiꞌomu. Aana e roroꞌa toꞌohuu uri omu ke mani meꞌuteꞌinie a God hunie omu ke asu aꞌailaꞌa huni haꞌa-oaie leune a God e aehotaa, aana e haꞌa-uuriꞌomu mwaanie haꞌamotaahinge.

2 Korinit 2:9

Maholo nou uusue uusu-uusu ngeena huniꞌomu oto i naꞌo, nou kaꞌa loꞌongaꞌinie mola haꞌa-oodohilana a mwaena, taꞌe nou sare manataꞌinie noꞌone uri ohe omu kei mwaꞌe-mwaꞌe taane huni tola i sulie walu ola no ko unu-unuꞌi huniꞌomu, wa haꞌike.

1 Jon 3:17

Loꞌongaꞌi keꞌu i sulie iini e toꞌo aana taane nga mo ola, na ko lee-leesie aasine ko siꞌohaꞌa taꞌe hule aana e kaꞌa sare aamasie. ?Uri iinoni urine ko haataꞌinie taane manata-diananga a God? !Haꞌike oto ooꞌoo!

2 Tesalonaeka 3:14

Mala uri nga mo iini eemiu kire kaꞌa tola i sulie ike mo wala melu ko uusuꞌi weu huniꞌomu ngeena, nge e lae oto i diana hunie omu ke lee-leesie uri kira tei, na omu ke oopa mwaanire hunie kire ke masa mola i sulie tolahada maraada.

Kolosi 3:12

Iꞌomu, a God e lio hilisiꞌomu hunie omu ke neꞌi iinoni maaꞌi ingeie nge e tohungei manata diana huniꞌomu. Oto aena urine, iꞌomu noꞌone omu ke haataꞌinie aamasinge hunie mo iinoni, na omu ke saemamae hunie mwala, na omu ke haꞌamwai-mweiꞌaꞌomu, na omu ke toli rako peꞌie mwala, na omu ke suꞌuri sae-saewasu oto lau-leu peꞌie mwala.

Pilipae 1:8

A God e saie uri no ko tohungei sare leesiꞌomu aena aana nou manata diana huniꞌomu mala a Jisas Kraes e manata diana huniꞌomu.

2 Korinit 6:12

Iꞌemeelu maraameelu melu kaꞌa rohu ike aani manata-diananga huniꞌomu, taꞌe iꞌomu maraamiu mola omu kaꞌa haataꞌinie ike manata-diananga iꞌomu huniꞌemeelu.

Palonga 16:29

A poro paine ngeena ko eriri mola aana ko meꞌu, na ko soi oto hunie nga sine. Oto ko huru weu i laona nume ni hoꞌo, na ko pouruuru oto i naꞌona a Pol na Saelas.

Epesas 6:5

Iꞌomu mo koni-konihe, omu ke tola i sulie mo poro paine iꞌomu mei welumalau, na omu ke maꞌuteꞌinire peꞌi haꞌamaꞌunge aada. Na omu ke tola i sulire oto mala omu ko tola i sulie a Kraes peꞌie mei sae toꞌohuu.

Tataroha Diana I Sulie A Jisas Kraes Nge A Jon E Uusue 16:21

Maholo huꞌe e karaꞌinie oto kei meuri aana mwela, nge ko saehuu aena aana maholoi sato ni sapesalunge ingeie e hule oto. Taꞌe maholo kele mwela e hute oto, huꞌe ngeena e pulongosie oto sapesalunge ingeie, aena aana ko ilenimwaꞌe oto haahie a kalena e hute mai laona walumalau.

1 Korinit 2:3

Oto maholo nou lae mai seemiu, nou maarara aana nou hiingeꞌinie uri nou kaꞌa malisi hule aana nou meꞌu peꞌie ariringe.