2 Korinit 6:18 - Tataroha Diana

¹⁸ Na ineu ne ke si neꞌie oto Aamamiu, na iꞌomu, omu ke neꞌie kaleku mwane na kaleku keni. Ineu a God, iini e aalaha haahie walutana nga ola, nge no ko ere ienini. 2 Samuel 7:14

2 Korinit 6:18 Referans Kwoze

Haataꞌinge 21:7

Taꞌena nga iini nge kei aꞌailaꞌa taraꞌasi honosie aaelanga kei toꞌo aana mo ola ienini. Na ne kei neꞌie oto God ingeie, na ingeie kei neꞌie oto kaleku.

Tataroha Diana I Sulie A Jisas Kraes Nge A Jon E Uusue 1:12

Taꞌe ngaeta mo iini kire takuhie taane, na kire hiiwalaimoli oto aana. Oto e asuie uri ikire oto, kire ke neꞌie mo kalena God.

Haataꞌinge 1:8

A God e unue uuri, “Ineu oto a A na a Z, aana ineu oto aehotalana na haꞌamangolana walu ola. Ineu oto iini Hahuꞌana Nanama uure oto mai naꞌo, na siꞌiri ie, na oto huu.”

Uusu-uusu A Pol Hurula'aa Hunie Mo Rom 8:29

Aana uure mai naꞌo, a God e manataꞌinie oto mwala ingeie, na e oalaꞌinie hunie kire ke mani urihana a Kalena, hunie a Kalena kei neꞌie naꞌohai mwane aana mo eesine oto hunge.

Kalesia 3:26

Oto omu meni neꞌi kalena a God oto aana omu lado peꞌie a Jisas Kraes aena aana omu hiiwalaimoli aana.

Epesas 1:5

Aana a God e manata diana hunikie na e lio hilisikie oto wau i naꞌo hunie kie ke neꞌi kalena i tehulaꞌana a Jisas Kraes. Na e tohungei toꞌohie oto saena a God huni esuie urine.

Haataꞌinge 21:22

A God Aalaha Hahuꞌana Nanama na a Kalei Sipu kire iiꞌo oto mone aana hanuena, oto nou kaꞌa leesie ike nga nume maaꞌi i laona hanuena aana kire kaꞌa saetoꞌo aana loꞌu nge nume urine.

Uusu-uusu A Pol Hurula'aa Hunie Mo Rom 8:19

Taꞌe-taꞌena nga ola a God e haꞌaholaa ko maa-maaꞌoohi peꞌi toꞌue luada huni leesie haataꞌinilana manikuluhaꞌana mo tohungei kalena God.