2 Korinit 5:11 - Tataroha Diana

¹¹ Oto aana melu saie uri dinge ni leinge ngeena mei ola ni meꞌunge oto paine, nge melu ko eriꞌapasie huni peꞌie mwala hunie kire ke aaliꞌu na kire ke hiiwalaimoli aana a Jisas. A God e sai diana aameelu uri melu ko esu toꞌohuu taane nana, na nou tohungei heri hunie uri iꞌomu noꞌone omu ke sai diana aameelu loꞌu urine.

2 Korinit 5:11 Referans Kwoze

Jiud 1:23

Na hunie mo iini kire ko lae takalo, omu ke haꞌa-uurire aani weꞌinilada mwaanie eeso-eesohaꞌana dunge ni haꞌamotaahinge nge kire ko lae takoie ngeena. Omu ke haataꞌinie noꞌone aamasinge hunire, taꞌe omu ke lio talamiu mwaanie kire waꞌiniꞌomu loꞌu i sulie mo tala ni oorahaꞌaa ikire.

Hibru 10:31

Oto kie ke lio talaka aana mei ola e tohungei aaela oto liutaa mala uri a God Mau-meuriꞌe kei saewasulie nga iinoni.

2 Korinit 6:1

Oto aani esunge tararuru peꞌie a God, melu ko eitanaiꞌomu, mo iini omu hele aana oto niinge paine a God ngeena, mwaanie omu toliꞌaasie niinge paine ngeena e totowai mola.

2 Korinit 5:20

Oto ienini, melu ko ere-ere oto oolitana a Kraes, na aena ngeena, maholo melu ko ere-ere peꞌiꞌomu e urihana uri a God maraana ni ko eitanaiꞌomu hunie omu ke uure ruru oto peꞌie. Oto melu ko ere oolitana a Kraes oto ie, na melu ko eitanaiꞌomu hunie uri omu ke aaliꞌu takoie a God na omu ke uure ruru oto peꞌie.

Palonga 18:13

Na kire ko teꞌuri, “A mwane ie ko tohungei sare huꞌisie haꞌatolanga aana ko da uri mwala ke palo-paloa God mola mwaanie tolahai haꞌatolanga iꞌemeelu mo Jiu.”

Tataroha Diana I Sulie A Jisas Kraes Nge A Luk E Uusue 12:5

Taꞌe ne ke haataꞌinie aamiu iini hunie omu kei meꞌuteꞌinie. Omu ke maꞌuteꞌinie mola a God, iini nge e sai horo maesiꞌomu, na e toꞌo aana noꞌone nanamanga huni aasiꞌomu i laona dunge ni haꞌamotaahinge loꞌu mei puri. Iau, no ko unue loꞌu huniꞌomu, ingeie ni oto iini omu ke maꞌuteꞌinie.

Kalesia 1:10

?Uri no ko ere urine aana no ko sare da mola mwala ke saetoꞌo aaku? ?Wa ohe omu loꞌongaꞌinie uri no ko sare haꞌasaedianaꞌaa mola mo iinoni? !Haꞌike oto ooꞌoo! Mala uri no ko sare haꞌasaedianaꞌaa mola mo iinoni, nge e tohungei aasa hunie ne kei neꞌi mwane auꞌesu nana a Kraes. Taꞌe ineu, no ko sare haꞌasaedianaꞌaa mola a God.

2 Korinit 2:17

Mo iini oto hunge ko lupweꞌi tarohaꞌinie walana God, taꞌe kire kaꞌa asu toꞌohuu ike, aena aana saeda mola hunie kire ke tari toꞌoha aana. Taꞌe iꞌemeelu, melu aaopa oto mwaanire aana melu ko tarohaꞌinie walana God aani sae manola peꞌie nanamanga a Kraes. Na melu saie uri a God nge e uusungeꞌiniꞌemeelu mala mo koni-konihe ingeie, na ko toꞌo-toꞌomaaie taane nga taa melu ko euꞌesuie.

Palonga 28:23

Oto kire lio hilisie hai dinge kire kei loko loꞌu mei saana Pol wau i nume nge ko oꞌoꞌo aana, na aana hai dingena, mwala oto hunge kire loko. A Pol ko lado luhesie Aalahanga a God hunie ahutana mwala, aehota oto i maahuꞌo-huꞌo lai hule i seulehi. Na ko lado luhesie noꞌone mo wala i sulie a Jisas i laona mo Haꞌatolanga a Mosis na i laona mo Uusu-uusu Maaꞌi mo Propet. Na ko deu aahonga noꞌone huni huꞌisie saeda hunie kire ke aehota hiiwalaimoli oto aana a Jisas.

Palonga 26:26

A Akripa Inemauri e sai mangoa taane walu ola i sulie a Jisas ienini, na nou sai ere haadaꞌi mola noꞌone hunie urine. Na nou saie uri e rongoa taane tataroha i sulie walu ola ienini maholo kire rau, aena aana walu ola ienini kaꞌa rau mumuni ike.”

Palonga 19:26

Oto mala omu leesie na omu rongoa oto maraamiu, a Pol ko laengaꞌinie uuri, ‘Mo god nge asuileni e lae aani nimana iinoni, nga mo god toꞌohuu haꞌike.’ Na a Pol e huꞌisie oto manatana ahutana mwala aana huilume ikolu i Epesas, na karaꞌinie oto noꞌone ahutana mwala aana mo henue i laona poꞌo ni henue ikolu i Esia ienini.

Palonga 18:4

Na suli Dinge Maaꞌi Mo Jiu, a Pol ko lae i nume ni palo-palo mo Jiu huni ere-ere nana mo Jiu na mo Aapoloa Aaopa hunie kire ke hiiwalaimoli aana walu ola nge ko unuꞌi.

Palonga 13:43

Na mo iini hunge aana mo Jiu na mo Aapoloa Aaopa nge kire ko palo-paloa God aana nume ni palo-palo ngeena, kire ko lulu i sulie oto a Pol na Banabas. Oto kirerue ko ere-ere peꞌire ni ere haꞌasusure uri kire ke hele aꞌailaꞌa aana manata-diananga hunie a God.

Tataroha Diana I Sulie A Jisas Kraes Nge A Luk E Uusue 16:31

“Taꞌe a Ebraham e teꞌuri hunie, ‘Mala uri mo eesimu kaꞌa sai hiiwalaimoli oto aana mo Haꞌatolanga a Mosis na mo Uusu-uusu Maaꞌi mo propet, maꞌalana nga iini ko meuri eelihoꞌi loꞌu mwaanie maenga, na kire saꞌa hiiwalaimoli ike loꞌu eeni.’ ”

Matiu 25:46

Oto a Jisas ko si ere ooreta uuri, “Mwala ngeena haꞌamotaahilada kei lae taraꞌasi oto. Taꞌe mo iini e oodotaꞌi kire kei lae oto i laona maurihe huu.”

Matiu 10:28

Mwaanie omu meꞌu-meꞌuteꞌinie mo iini ko sare horoꞌiꞌomu, aana kire sai horoꞌie mola sapemiu, taꞌe e aasa hunie kire ke horoꞌie maurihaꞌamiu. Taꞌe omu ke maꞌuteꞌinie mola a God aana taꞌe ingeie haliꞌite nge e toꞌo aana nanamanga huni deu tekelaꞌinie sape na maurihaꞌai i laona dunge ni haꞌamotaahinge.

Epesas 5:21

Na loꞌu aena aana omu meni neꞌisae paine aana Kraes, nge omu ke mani deu-deu i sulie neꞌisaenga iꞌomu heiliu oto noꞌone.

Hibru 12:29

Aana God ikie ngeena e urihana dunge nge e sai weru suuheꞌinie taꞌena nga ola.