2 Korinit 3:9 - Tataroha Diana

⁹ ?Aana mala uri mo Haꞌatolanga nge e toolea mai maenga e lae mai peꞌie manikuluhaꞌana God, nge manikuluhaꞌana haiholotaꞌinge haalu nge ko haꞌa-oodohie mwala peꞌie a God kei peine loꞌu uri taa eena?

2 Korinit 3:9 Referans Kwoze

2 Korinit 5:21

A Kraes ingeie e kaꞌa toꞌo aana ike nga mei oorahaꞌaanga, taꞌe a God e da mola hunie ke toꞌo aana mo oorahaꞌaanga ikie mo iini kie lado toꞌohuu peꞌie a Kraes, hunie ikie noꞌone kie ke si toꞌo aana oodotaꞌinge ingeie.

2 Pita 1:1

Saediananga mwaanieu a Saemon Pita, koni-konihe na hurulaꞌaa a Jisas Kraes, huniꞌomu mo iini nge omu hiiwalaimoli noꞌone aana a Jisas Kraes mala iꞌemeelu. Ingeie oto a God na a Haꞌa-uuritaka, na aena aana e tohungei oodotaꞌi na ko sare dau diana mola hunie ahutaka, nge hiiwalaimolinge e niie mai huniꞌomu ngeena e sada mola peꞌie hiiwalaimolinge iꞌemeelu mo hurulaꞌaa.

Pilipae 3:9

hunie ne ke iiꞌo ruru oto peꞌie a Kraes. Oto nou kaꞌa oodotaꞌi ike mola maraaku aani lulu i sulilana mo Haꞌatolanga a Mosis, taꞌe nou oodotaꞌi mola aana oodo-oodonga nge niilana e lae aani hiiwalaimolinge aana Kraes, oodo-oodonga nge e lae mai mwaanie a God i tehulaꞌana hiiwalaimolinge.

Kalesia 3:10

Taꞌe mo iini nge kire ko norue oto mola lulu i sulilana mo Haꞌatolanga a Mosis huni haꞌa-oodohilada, nge a God kei leire. Aana mo Uusu-uusu Maaꞌi e unue uuri, taꞌena nga iini nge e kaꞌa tola i sulie ahutana mo ola nge uusuleni e lae i laona Puke ni Haꞌatolanga ienini, nge leilana kei lae. Diutronomi 27:26 Na e aasa hunie nga iini kei tola i sulie ahutana mo Haꞌatolanga taꞌingelu.

1 Korinit 15:41

Manikuluhaꞌana sato e aaopa, na manikuluhaꞌana waro-waro e aaopa loꞌu, na manikuluhaꞌana mo heeꞌu e aaopa. Na maꞌalana mo heeꞌu na ngaeta mo ho heeꞌu kire haro manikuluꞌe aaopa loꞌu mwaanie ngaeta mo iini.

1 Korinit 1:30

Aena aana a God mone e si da omu lae mai neꞌi iinoni tararuru peꞌie a Jisas Kraes. Ingeie oto e lae mai huni niie saenanaunge a God hunikie, na ingeie mola ni e haꞌa-oodohikie peꞌie a God, na e haꞌamaaꞌikie, na e holikie mwaanie iiꞌonga i memelutana oorahaꞌaa.

Uusu-uusu A Pol Hurula'aa Hunie Mo Rom 4:11

Iau, maholo na a Ebraham e kaꞌa hele aana ue torihesiꞌonga, e hiiwalaimoli oto aana God, nge a God e si niie oodotaꞌinge ingeie maraana hunie. Na aana mo helisi loꞌu mei puri, nge a Ebraham e si hele aana loꞌu torihesiꞌonga mala haꞌa-ara aana uri a God e unue oto uri ingeie nga iinoni oodotaꞌi. Aena urinena nge a Ebraham domana oto tohungei aamana ahutana mwala kire hiiwalaimoli aana God, na aena hiiwalaimolinge ikire, nge kire neꞌi iinoni oodotaꞌi i maana God maꞌalana kire kaꞌa hele aana ike torihesiꞌonga.

2 Korinit 3:8

Taꞌe nou saie uri asunge aana Liꞌoa Maaꞌi e manikuluꞌe oto loꞌu liutaa.