2 Korinit 10:4 - Tataroha Diana

⁴ Mo reisinge nge melu ko ooho aani, kaꞌa mo ola ike aana walumalau, taꞌe mo reisinge kire honu aana nanamanga a God, na hule aana kire sai aꞌailaꞌasie mo maelonga a God maꞌalana kire nanama loꞌu uri taa.

2 Korinit 10:4 Referans Kwoze

2 Korinit 6:7

Melu haataꞌinie uri iꞌemeelu mo koni-konihe a God toꞌohuu aana melu sai ere mola aana walaimolinge. A God e niie mai nanamanga ingeie nameelu, na melu toꞌo aana oodotaꞌinge mala talo huni deu honosie mo maelonga. Na oodotaꞌinge e urihana noꞌone nga reisinge huniꞌemeelu, huni haataꞌinie mo takalonga ikire.

1 Korinit 2:5

Oto saenanaunge iinoni e kaꞌa da ike omu ke hiiwalaimoli aana a God, taꞌe nanamanga a God maraana nge ni e asuie urine, uri hunie omu ke hiiwalaimoli aana.

1 Timoti 1:18

E kaleku Timoti, mo wala nge no ko uusuꞌi weu huniꞌo ie kire kaꞌa ere aaopa ike mwaanie walana a God nge mo propet aana soihaadaꞌinge kire unu-unuꞌi keꞌu oalamu. No ko unue huniꞌo urine hunie o ke lulu i suliꞌi na hunie o ke ooho aꞌailaꞌa mala ngaeta ramo diana a Jisas.

Uusu-uusu A Pol Hurula'aa Hunie Mo Rom 13:12

!Ko dengi oto! Oto kie ke toliꞌaasie oto mo tolahai ola aaela aana rodohono, na aana ikie oto mo iinoni aana matapwanga, nge kie ke hele aana loꞌu mo tolahai ola diana mala ikire oto mo reisinge ikie honosie rodohono.

1 Tesalonaeka 5:8

Taꞌe aana ikie mo iini oto aana aatowaa, e malisine uri kie ke iiꞌo aakau na kie ke lio-lio talaka aani haꞌahili-hilinge. Mala nga ramo ko deu aakau hunie oohotaa, nge ikie noꞌone kie ke dau aakau urine. Mo ramo kire sai hoꞌosie mo toꞌoni ni oohotaa huni kinetaꞌinie mamangoda, na urine loꞌu ikie noꞌone kie ke iiꞌo aakau aani hiiwalaimolinge aana Jisas na aani manata-diananga hunikie hailiu. Na mala nga ramo ko kinetaꞌinie pwaune aana ko hoꞌosie paraimaa ni oohotaa, nge urine ikie noꞌone kie ke kinetaꞌinie loꞌongaꞌinge ikie aani norutoꞌonga uri a Kraes kei haro haꞌa-uurikie taane.

2 Korinit 4:7

Iꞌemeelu, melu kaꞌa roroꞌa ike, taꞌe Tataroha Diana melu ko tarohaꞌinie e paine oto liutaa. Mo sapei ola melu toꞌo aani ie kire kaꞌa neꞌie ike nga mei ola, na melu urihana mola mo kao-kao kire asuiꞌi aani mwakano. Taꞌe melu toꞌo aana taane dianahaꞌana a God mola i laona mo kao-kao aaela ngeena, aana melu ko tarohaꞌinie Tataroha Diana a Kraes. Na leune e haataꞌinie uri nanamanga e manikuluꞌe ngeena e kaꞌa ola ike iꞌemeelu, taꞌe mei ola a God.

Uusu-uusu A Pol Hurula'aa Hunie Mo Rom 6:13

Na mwaanie omu toitoliꞌaasie nga leu aana sapemiu e asuie loꞌu nga mei ola aaela wa ke neꞌie loꞌu mei sape huni euꞌesuie oorahaꞌaa. Taꞌe omu ke toliꞌaasiꞌomu oto taꞌingelu mola hunie a God mala mwala e mae kaꞌu mwaanie tolahai ola aaela na kire heꞌi meuri loꞌu huni esu nana. Oto omu ke niie ahutana mo aapa aana sapemiu hunie a God ke asuie walu ola diana aani.

2 Korinit 3:5

Melu kaꞌa toꞌo aana ike nga mei ola tohumeelu hunie melu ke malisine asunge paine ngeena. A God mone e si da melu ke malisine asunge ngeena.

Hibru 11:30

Aani hiiwalaimolinge mone, mwala ni Israel kire lae-lae kali-kelie huilume i Jeriko hunie e hiu hei dinge, nge para hau kali-kelie huilumena e si aaꞌoho taꞌingelu.

2 Timoti 2:3

Na mala nga ramo e kaꞌa sai aapwasu ike aana sapesalunge taꞌe ko esu taraꞌasi mola, nge iꞌoe noꞌone o ke asu aꞌailaꞌa urine loꞌu mala nga ramo diana a Jisas Kraes maꞌalana sapesalunge nge ko reꞌusieu ie ke rau noꞌone aamu urine.

Palonga 7:22

Na kire ko haꞌa-uusulie oto aana saenanaunge ikire mwala ni Ijip na e neꞌie mwane nanama aana erenga na aana asunge noꞌone.

2 Korinit 13:10

Oto aena urinena maholo nou kaꞌa iiꞌo ue peꞌiꞌomu taꞌe no ko uusue oto hao uusu-uusu ienini, hunie maholo ne kei hule hao ne ke suꞌuri ere raramaa huniꞌomu aana nanamanga nge a Aalaha e niie hunieu. Aana nanamanga ngeena niilana e lae hunieu uri hunie ne ke peꞌie hiiwalaimolinge iꞌomu ke maꞌutaꞌa loꞌu hiitoꞌo, na e kaꞌa ola ike huni waeliꞌomu.

1 Korinit 9:7

?Uri mo ramo kire sai lae mola hunie oohotaa maholo nga taꞌa-taꞌa iini huni waaire haꞌike? ?Uri nga iinoni e sai haꞌaweoa mola aana hasilana mo ola e saꞌa ngauꞌi? ?Na loꞌu uri nga iinoni e sai talei haꞌa-haꞌaweoa mola aani lio i sulilana mo sipu na e kaꞌa sai losi susu ana mwaaniꞌi? !Haꞌike oto ooꞌoo!

2 Korinit 10:8

E lio mala uri no ko ere toohaꞌi oto i sulie nanamanga aana iiꞌo-iiꞌoha a Aalaha e niie hunieu, taꞌe aana ke urine na nou saꞌa masa ike huni ere i sulie, aena aana nanamanga ngeena ola huni haꞌamaꞌutaꞌaa hiiwalaimolinge iꞌomu, kaꞌa ola ike huni waeliꞌomu.