2 Korinit 1:7 - Tataroha Diana

⁷ Oto melu hiiwalaimoli toꞌohuu uri omu sai uure maꞌutaꞌa taane, aena aana melu saie mola uri omu ko sapesalu noꞌone mola aana taꞌa-taꞌa taungei ola nge melu ko sapesalu aana, na a God ko haꞌadodoa loꞌu saemiu noꞌone mala ko haꞌadodoa saemeelu ie.

2 Korinit 1:7 Referans Kwoze

Jemes 1:12

Mala uri nga iini nge oohongilana ko lae na ko uure maꞌutaꞌa mola, nge ke ilenimwaꞌe mola. Aena aana i purine oohongilana hiiwalaimolinge ingeie ko lae urine, nge a God kei waaie aana rorodara ni meurihe huu, nge e haiholotaꞌinie hunie mo iini nge kire manata diana hunie.

2 Timoti 2:12

Mala uri kie ko iiꞌo susuleꞌi mola aana hiiwalaimolinge maꞌalana kie ko sapesalu, nge kie sai aalaha noꞌone mola peꞌie. Taꞌe mala uri kie ko taateingeꞌinie uri kie kaꞌa saie ike a Kraes, nge ingeie kei taateingeꞌinikie noꞌone uri e kaꞌa saikie.

2 Korinit 12:20

Aana no ko maarara mwaanie uri maholo ne kei hule hao, na nou leledie helelamiu. Na ohe iꞌomu, omu saꞌa rongo ike hunieu maholo ne kei haꞌa-oodohiꞌomu. No ko maarara mwaanie nou lae hao i seemiu na nou oodoie mola walu ola mala haꞌa-erenga, na heotaꞌinge, na saewasunge, na sae aaelanga, na oopanga, na isinge, na sihoai-olanga, na toohaꞌinge, na maaola-olanga kire iiꞌo mola i matolamiu.

2 Korinit 7:9

Oto ienini nou ilenimwaꞌe mola aana uri nou uusu-uusu oto urine huniꞌomu. Ilenimwaꞌenga ineu e kaꞌa ike i sulie uri nou da omu saehuu, taꞌe i sulie saehuunge iꞌomu e da omu oolisie tolahamiu. Tolahai saehuunge urine a God ko ilenimwaꞌe haahie, oto uusu-uusu ineu ngeena e kaꞌa waeliꞌomu ike, taꞌe e peꞌiꞌomu mola.

1 Korinit 10:13

Ahutana mo malaahonga nge ko hite-hite aamu ngeena, taungei ola oto e sai hite mola aana taꞌena nga iinoni ni ngeena. Taꞌe a God ko deu mola i sulie haiholotaꞌinge ingeie, na e saꞌa tohungei toliꞌaasie ike uri malaahongalamu ke lae liue nga taa o sai uure honosie. Aena urine, maholo malaahongalamu ko lae, nge a God kei haataꞌinie tala huniꞌo mwaanie takalonga ngeena, na kei peꞌiꞌo taane hunie o ke uure aꞌailaꞌa honosie oorahaꞌaa.

Matiu 23:30

Na omu ko unue uuri, ‘!Saehuu oto hiitoꞌo! Mala emi ke iiꞌo aana pongine mo aamamami, haꞌalaa emi saꞌa dau ike mala ikire huni horoꞌie mo propet.’

2 Timoti 3:11

O saie kaꞌu mola haꞌaloileku e lae na nou sapesalu oto hiitoꞌo mala o leesie aana mo huilume i Antiok, na i Aekoniam, na i Listra. Nou tohungei sapesalu oto hiitoꞌo, taꞌe no ko paalahea a Aalaha oto liutaa aana e haꞌa-uurieu mola mwaanie walu olana.

Haataꞌinge 1:9

Ineu a Jon, aasimiu kolu meni hiiwalaimoli aana a Jisas. Ikolu, kolu ko meni lae peꞌi uure maꞌutaꞌa, maꞌalana mwala ko teungeꞌinikolu haahie uri ikolu oto i laona Aalahanga a God. Kire neꞌieu wau i laona mala-malau ni hoꞌo i Patmos, aena aana no ko tarohaꞌinie walana a God na walaimolinge i sulie a Jisas.