2 Korinit 1:5 - Tataroha Diana

⁵ Iꞌemeelu, melu ko sapesalu oto hiitoꞌo i tehulaꞌana melu ko lulu i sulie a Kraes, taꞌe maholo ko lae urine, nge a God ko si haꞌadodoa saemeelu oto hiitoꞌo i tehulaꞌana a Kraes.

2 Korinit 1:5 Referans Kwoze

Kolosi 1:24

Oto maꞌalana no ko sapesalu oto ienini i tehulaꞌamiu, taꞌe no ko ilenimwaꞌe mola, aena aana sapesalunge aana sapeku ienini kei peꞌiꞌomu. A Kraes e sapesalu hiitoꞌo waite huni peꞌie soihaadaꞌinge, aena aana sapena ni otona. Oto ineu no ko sapesalu noꞌone urine aana sapeku huni haꞌamangoa kele leu e oore ue aana sapesalunge a Kraes arengaku.

Pilipae 3:10

Oto saeku mola hunie ne ke saie a Kraes, na ne ke toꞌo aana nanamanga aana taꞌelaꞌinge ingeie i laona mauringe haalu ineu ie. Nou sare sapesalu noꞌone mala ingeie, na ne ke lae oto i sulie tala nge e lae i sulie hule aana maelana.

Pilipae 1:20

Nou tohungei neꞌisae paine taane aana uri ne ke aꞌailaꞌa huni haꞌamanikuluꞌaa a Kraes aana ahutana mo ola no ko deu-deuꞌi. Aana saeku uri ne ke lae taraꞌasi mola oto mala no ko euꞌesuie tarau, mwaanie uri nou masa i maana a Kraes aana taꞌena nga maholo. Saeku ke urine maꞌalana uri ne ke mauri keꞌu wa ne ke mae loꞌu.

Pilipae 2:1

Nou saie uri iiꞌo-rurunge iꞌomu i lalo aana a Kraes ko haꞌa-aꞌailaꞌaꞌomu, na manata-diananga ingeie ko haꞌasusuꞌomu. Na nou saie noꞌone uri omu toꞌo aana Liꞌoa Maaꞌi peꞌiꞌomu, na omu manata diana huniꞌomu heiliu peꞌi aamasilana mo iinoni.

Palonga 9:4

Oto e si domu oto i aano, na ko rongoa mei wala ko teꞌuri, “!Sol, Sol! ?E ue ni o ko teungeꞌinieu?”

Tataroha Diana I Sulie A Jisas Kraes Nge A Luk E Uusue 2:25

Aana maholona, ngaeta mwane satana a Simeon e oꞌoꞌo noꞌone i Jerusalem. A mwane ngeena ingeie nga mwane oodotaꞌi, na e iiꞌo mola peꞌi palolana a God, na Liꞌoa Maaꞌi noꞌone peꞌie. A Simeon e maa-maaꞌoohie a Kraes nge a God e haiholotaꞌi huni uusungeꞌinie mai huni haꞌa-uurie mwala ni Israel.

Uusu-uusu A Pol Hurula'aa Hunie Mo Rom 8:17

Na aena aana ikie oto maeni kalena, kie kei helesie oto ahutana toꞌo-toꞌolana a God nge e loohaꞌiniꞌi nana a Kalena, a Kraes, na e loohaꞌiniꞌi noꞌone naka mo eesine a Kraes, aana ikie noꞌone mo kalena God. Kie kei helesie oto noꞌone manikuluꞌanga taꞌau i Lengi nge a Kraes e hele aana oto, aena aana ikie, kie ko sapesalu noꞌone mala a Kraes e sapesalu keꞌu.

2 Timoti 3:11

O saie kaꞌu mola haꞌaloileku e lae na nou sapesalu oto hiitoꞌo mala o leesie aana mo huilume i Antiok, na i Aekoniam, na i Listra. Nou tohungei sapesalu oto hiitoꞌo, taꞌe no ko paalahea a Aalaha oto liutaa aana e haꞌa-uurieu mola mwaanie walu olana.

1 Pita 4:13

E diana uri hunie omu ke ile-ilenimwaꞌe mola, aana omu ko sapesalu oto noꞌone mala a Kraes e sapesalu keꞌu. Aena leune omu kei ilenimwaꞌe noꞌone aana maholo a Kraes kei lae mai peꞌie manikuluhaꞌana God.