1 Timoti 6:9 - Tataroha Diana

⁹ Mo iini nge kire ko heri hunie kire ke toꞌo-toꞌo, kire ko da mola malaahonga hunire maraada ni ngeena. Kire kei pola oto peꞌie pwanu, aani loꞌongaꞌinge mweꞌu-mweꞌule mola nge kire sai waelire mola maraada.

1 Timoti 6:9 Referans Kwoze

1 Timoti 3:7

Taꞌena nga naꞌohai mwane haahie soihaadaꞌinge ke haro neꞌie iinoni diana, hule aana mwala poꞌoi sinaha mwaanie soihaadaꞌinge ikire noꞌone kire ke ere diana i sulie. Ke urine oto mwaanie mwala kire siho aana, na mwaanie e pola mola peꞌie pwanu a Pwelu Eero-eero.

Palonga 8:20

Taꞌe a Pita ko ere aana mola, na ko teꞌuri, “!Tahi mola peꞌie mo toꞌoha iꞌoe i laona dunge ni haꞌamotaahinge! ?Haꞌalaa o loꞌongaꞌinie uri o kei holie nanamanga a God aani toꞌoha uri taa eena? Nga mei toꞌoha e kaꞌa malisine ike holitana nanamanga a God, taꞌe ola ingeie maraana ko niie mola hunie mo iini e saetoꞌo aada.

Matiu 13:22

Nga mo iini loꞌu manatada e urihana mei mwakano e honu aana walo kau-keu ngeena, kire rongoa noꞌone walana God, taꞌe kire neꞌisae painesie mola mau-meuringe aana walumalau. Kire tolahiꞌe, na kire saetoꞌo aana mola toꞌo-toꞌonga, na kire ko saehanalie taꞌena nga ola. Oto mo wala diana ngeena kire kaꞌa pwito kohi, na kire kaꞌa hungu ike loꞌu.

Jiud 1:11

!Aama-aamasilana mwala ngeena! Kei tohungei aaela oto hiitoꞌo hunire, aana kire ko lae i sulie tolahana a Kein iini nge e horoꞌie aasine. Na i tehulaꞌana mola toꞌoha, kire ko toliꞌaasire huni esuie walu ola e kaꞌa diana, mala a Belam e asuiꞌi keꞌu. Kire haukama honosie a God mala a Kora e asuie kaꞌu waite honosie a Mosis. Oto dau tekelaꞌinilada kei lae oto mala ingeie.

2 Pita 2:3

Na aena aana mo haꞌa-uusuli eero-eero ngeena kire ko heri hunie mone mola toꞌoha, oto kire kei da taꞌena nga haꞌa-uusulinge eero-eero mola huni weꞌinie mola mo toꞌoha iꞌomu. Taꞌe a God e kaꞌa sai maꞌahu ike, oto e leesie mola mo tolahai ola aaela ikire, na kei haro haꞌaloire taane. E pwani leie oto mo tolahai ola urine, na leilada e iiꞌo aakau oto loosire uure mai waite.

Epesas 4:22

Oto omu ke toliꞌaasie oto tolahai ola aaela lalahuꞌe nge omu lae-lae i sulie kaꞌu aana mau-meuringe lalahuꞌe iꞌomu. Aana tolahai ola ngeena e sai waeliꞌomu mola, aana ko heri hunie mola aaelanga, na mo heri-huninge ngeena kire ko haꞌapweuꞌomu oto toꞌohuu.

Tataroha Diana I Sulie A Jisas Kraes Nge A Mak E Uusue 4:19

taꞌe kire neꞌisae painesie mola mau-meuringe aana walumalau. Kire tolahiꞌe, na kire saetoꞌo aana mola toꞌo-toꞌonga, na kire ko saehanalie taꞌena nga ola. Oto mo wala diana ngeena kire kaꞌa pwito kohi, na kire kaꞌa hungu ike loꞌu.

Matiu 26:15

Oto ko dolosi aada uuri, “?Mala uri ne kei pweloa a Jisas huniꞌomu, nga taa nge omu kei niie nakue?” Oto kire iidumie e oolu aawalai mei toꞌoha aani siliva, kire ko si niiꞌi hunie.

Matiu 19:22

A mwaena e rongo urine, oto ko si lae mwaanie peꞌie saehuunge paine aena aana e tohungei toꞌo-toꞌo oto liutaa.

2 Timoti 2:26

A Pwelu Eero-eero ni mola e tapolie mwala ngeena aana lolosilana hune ingeie hunire, na ingeie ni mola ko si deu rarahire uri hunie kire ke dau aaela i sulie nga taa e saetoꞌo aana. Taꞌe mala uri kire kei aehota lio saie mo haꞌa-uusulinge toꞌohuu, nge luhesilada e sai lae taane mola, na kire sai tehisie mola a Pwelu Eero-eero.

1 Timoti 1:9

Na kie saie taane noꞌone uri mo Haꞌatolanga ngeena kire kaꞌa iiꞌo ike huni haꞌa-oodohie mwala diana, taꞌe huni haꞌa-oodohie mo iini nge kire ko deu aaelasie mo Haꞌatolanga na kire ko deu roroꞌanga mola tarau. Haꞌatolanga oto ola huni haꞌa-oodohie mo iini nge kire sereꞌinie a God na kire iiꞌo mola peꞌie oorahaꞌaanga na kire ko ere mwakataꞌinie mola a God na taꞌena nga ola maaꞌi. Na Haꞌatolanga ola noꞌone huni haꞌa-oodohie mo iini ko horoꞌie mo aamada na mo nikada na taꞌena nga iinoni loꞌu.

Tataroha Diana I Sulie A Jisas Kraes Nge A Luk E Uusue 21:35

Hai dinge ngeena kei sikileꞌi mala hune kire lolosie, aani haꞌaparasilana ahutana mwala aana walumalau.

Matiu 6:19

“Mwaanie omu dudurue mo ola diana iꞌomu mei laona walumalau, leu mo kokorosi kei ngeuꞌi aana na kauwaꞌa kei waeliꞌi aana. Na mo iinoni peli-peli kire sai hokaꞌie mola nume huni pelileni.

Tataroha Diana I Sulie A Jisas Kraes Nge A Luk E Uusue 12:21

Oto a Jisas ko si ere uuri, “Kei urine oto hunie mo iini nge ko dudurue mola dianahaꞌana mo ola aana walumalau ie nada maraada, taꞌe kire kaꞌa toꞌo-toꞌo ike aana tolahana a God.”

1 Timoti 6:10

Na saehanalilana toꞌoha oto aahuꞌine taꞌena nga aaelanga. Na ngaeta mo iinoni kire toliꞌaasie oto hiiwalaimolinge ikire aena aana kire ko saehanalie mola uri toꞌo-toꞌolada ke paine loꞌu liutaa. Taꞌe aana kire ko teꞌurine, nge kire ko si esuie mola mo saehuunge ikire ko peine loꞌu liutaa.

1 Timoti 6:17

O ke unue hunie kira toꞌo-toꞌo aana mo ola aana walumalau ie, hunie kire ke suꞌuri toohaꞌi, na mwaanie kire nou-norue toꞌo-toꞌolada nge e sai eiꞌaa lau-leu mola. Unue hunire uri kire ke norutoꞌo mola aana God aana ingeie e toꞌo-toꞌo oto liutaa, na e sai niie oto ahutana mo ola hunie kie ke ilenimwaꞌe haahiꞌi.

Taetas 2:12

Na manata-diananga a God ngeena e haꞌa-uusulikie oto uri hunie kie ke toliꞌaasie mo tolahai ola aaela i maana God. Na kie ke suꞌuri heꞌi lae loꞌu i sulie mo ola nge walumalau ienini ko heri huniꞌi. Taꞌe kie ke nihisie saeka mwaanie aaelanga, na kie ke iiꞌo aani iiꞌonga oodotaꞌi, na aani deu i sulilana mola walu ola nge a God kei ilenimwaꞌe haahikie aani.