1 Timoti 6:16 - Tataroha Diana

¹⁶ Ingeie oto haliꞌite nge e saꞌa roroꞌa mae ike. E iiꞌo i lalo aana raa-raa, raa-raa ngeena nga iini e saꞌa lae wau karaꞌinie, nga iinoni e kaꞌa leesie ike ue a God, wa ke sai leesie. Oto mwala kei meni soi haꞌamanikuluꞌaa oto di. Nanamanga ingeie kei iiꞌo huu oto nana. !Iau, ke urine oto!

1 Timoti 6:16 Referans Kwoze

1 Timoti 1:17

Oto kie ko tohungei paalahea Inemauri nge e iiꞌo huu, e saꞌa roroꞌa mae ike loꞌu, kie kaꞌa sai leesie ike aani maa. Taꞌe ingeie mola e neꞌi tohungei God, ahutaka mo iinoni kie ke haꞌamaꞌu aana kie ke soi haꞌamanikuluꞌaa oto di, oto di. !Iau, ke urine oto!

Tataroha Diana I Sulie A Jisas Kraes Nge A Jon E Uusue 1:18

Nga taꞌa-taꞌa iini e kaꞌa leesie ike ue a God. Taꞌe taꞌa-taꞌa mwela mouteꞌi ingeie ko oꞌoꞌo peꞌie Aamana, na aana ingeie tohungei God noꞌone, ingeie oto e haataꞌi diana aana a God hunikie.

1 Jon 1:5

Na mei wala melu rongoa mwaanie a Kale kaꞌu oto melu ko haꞌarongoꞌomu aana nge uri a God oto raa-raa, na nga mei rodohono haꞌike loꞌu aana oto ooꞌoo.

Kolosi 1:15

A Kraes oto iini lio sailana a God e sai lae aana, aana e tohungei sada oto peꞌie Aamana nge nga iini kaꞌa sai leesie ike. Maholo haꞌaholanga haꞌike ue, taꞌe a Kraes e iiꞌo oto, na e paine oto liutaa haahie taꞌena nga ola aana haꞌaholanga ngeena.

Tataroha Diana I Sulie A Jisas Kraes Nge A Jon E Uusue 6:46

Nga taꞌa-taꞌa iini e kaꞌa leesie ue a Mamaꞌa, taꞌe ineu haꞌalaa nou leesie a God aana nou uure oto mai aana a Mamaꞌa.

Haataꞌinge 22:5

Nga rodohono haꞌike loꞌu taꞌau, na kire saꞌa hari hunie loꞌu nga raa-raa aani dunge wa sato hunie ke raangire, aena aana a God Aalaha oto kei niie raa-raa nada. Na kire kei aalaha mala mo inemauri oto huu.

Haataꞌinge 4:11

“Iꞌoe oto a God na Aalaha iꞌemi. O melisine oto o ke hele aana manikuluꞌanga na haꞌamaꞌunge na nanamanga. Aana o haꞌaholaa walu ola na oto i sulie saemu nge kire si aehota neꞌi ola na kire mauri.”

Haataꞌinge 1:6

Ingeie oto aalaha ikie, na e asuie uri kie ke mani neꞌi pris oto huni haꞌapainaꞌaa Aamana, a God. Oto aena urine kie ke haꞌamanikuluꞌaa a Jisas Kraes haahie hahuꞌana nanamanga ingeie oto di oto di. Ke urine oto.

Jiud 1:25

Ingeie oto e taꞌa-taꞌa God mou-mouteꞌi a Haꞌa-uuritaka. Oto kie ke haꞌapainaꞌaa aena aana i tehulaꞌana a Jisas Kraes Aalaha ikie, e toꞌo aana taꞌena nga manikuluꞌanga, na aalahanga, na sakanga, na nanamanga uure oto waite, na oto molana, na oto di.

Epesas 3:21

Oto no ko eitanai uri mwala ke haꞌamanikuluꞌaa God haahie soihaadaꞌinge ingeie na aena aana a Jisas Kraes oto di, oto di. Ke urine oto.

Haataꞌinge 7:12

Kire ko teꞌuri, “Iau. Haꞌapainaꞌanga, na manikuluꞌanga, na manatanga, na paalahenga, na haꞌamaꞌunge, na nanamanga, na aꞌailaꞌanga, mo ola a God ikie otona na oto huu. Ke urine oto.”

Hibru 13:8

Tolahana a Jisas Kraes e kaꞌa sai hei-oolisi ike, taꞌe e sada mola mala waite, na siꞌiri, na oto di.

Haataꞌinge 21:3

Oto nou rongoa mei wala paine e uure mwaanie naunekume ko teꞌuri, “Nume a God ingeie oto mai saada mo iinoni. Kei iiꞌo oto peꞌire, na kire kei neꞌie oto mwala ingeie toꞌohuu. A God oto maraana kei iiꞌo oto peꞌire na kei neꞌie oto God ikire.

Tataroha Diana I Sulie A Jisas Kraes Nge A Jon E Uusue 14:9

Oto a Jisas e aalamie ko teꞌuri, “!Mwae! ?No ko iiꞌo tewa oto peꞌiꞌomu, na uri o kaꞌa saieu ue, Pilip? A tei nge ko leesieu, e leesie a Mamaꞌa otona. ?E ue o ko saetoꞌo aana ne ke haataꞌinie a Mamaꞌa loꞌu eemiu?

Haataꞌinge 1:8

A God e unue uuri, “Ineu oto a A na a Z, aana ineu oto aehotalana na haꞌamangolana walu ola. Ineu oto iini Hahuꞌana Nanama uure oto mai naꞌo, na siꞌiri ie, na oto huu.”

Tataroha Diana I Sulie A Jisas Kraes Nge A Jon E Uusue 8:58

Oto a Jisas e teꞌuri hunire, “No ko unue oto huniꞌomu uri, a Ebraham e si hute, na ineu, nou iiꞌo oto.”

Pilipae 4:20

Aena urine, kie ke haꞌamanikuluꞌaa God Aamaka taraureꞌi. !Iau, ke urine oto!

Jemes 1:17

Ahutana mo ola diana na mo ola oodotaꞌi kire uure mai mwaanie i Lengi, mwaanie iini nge e haꞌaholaa sato, na waro-waro, na mo heeꞌu. Na raa-raangana e kaꞌa urihana ike mo ola ngeena aana kire ko hei-hei-oolisi mola, taꞌe tolahai ola diana ingeie e saꞌa kele hai-oolisi ike oto ooꞌoo.

1 Jon 1:7

Taꞌe mala uri kie ko iiꞌo i laona raa-raa mala a God noꞌone ko iiꞌo i laona raa-raa, nge kie ke iiꞌo ruru peꞌikie hailiu, na apune Kalena, a Jisas, ke si haꞌarereꞌakie mwaanie ahutana oorahaꞌaa.

1 Jon 4:12

Maꞌalana nga taꞌa-taꞌa iinoni e kaꞌa leesie ue a God, taꞌe mala uri kie ko manata diana hunikie hailiu, nge a God ke si iiꞌo oto i lalo aaka, na manata-diananga ingeie ko tohungei eehu diana oto i lalo aaka.