1 Timoti 6:14 - Tataroha Diana

¹⁴ O ke haiholotaꞌi uri o kei tola i suli diana aana mo haꞌatolanga nge nou unu-unuꞌi huniꞌo, na uri o saꞌa liu loꞌu mwaanie nga aapa aani, taꞌe o kei hele i suliꞌi taꞌingelu lae hule aana Aalaha ikie, a Jisas Kraes, kei eelihoꞌi loꞌu mei.

1 Timoti 6:14 Referans Kwoze

2 Pita 3:14

Maeni eesiku maaꞌi, aena aana omu ko iiꞌo peꞌi maaꞌoohilana mone walu ola urine kei reu, nge omu ke tohungei esu waaꞌiniꞌini hunie omu ke toꞌo aana hanuelamanga toꞌohuu peꞌie a God. Mau-meuringe iꞌomu ke diana, na omu ke iiꞌo oodotaꞌi oto i maana.

1 Pita 1:7

Walu ola urine, mo ola mola huni leesie uri hiiwalaimolinge iꞌomu e toꞌohuu taane. Hiiwalaimolinge iꞌomu ngeena e kele urihana kol nge holitana e paine. Aana kire sai esu oto hiitoꞌo aana kol lae hule aana kire sai neꞌie i laona dunge paine hunie ke aahe, hunie kire ke toolea tohungei kol nge e manola, na nga mei mada haꞌike loꞌu peꞌie. Mo aasanga ko deu urine noꞌone aana hiiwalaimolinge iꞌomu ngeena, taꞌe hiiwalaimolinge iꞌomu e tohungei hiꞌe loꞌu liutaa aana kol ngeena nge hule aana kei eiꞌaa mola. Oto mala uri hiiwalaimolinge iꞌomu ke susu maꞌalana mo aasanga uri taa ko hite aamiu, nge mwala kei tohungei haꞌapainaꞌaꞌomu na kire kei soi haꞌamanikuluꞌaꞌomu na kire kei laheꞌomu oto hiitoꞌo aana maholo a Jisas Kraes kei ooli loꞌu mei.

1 Tesalonaeka 5:23

No ko aarea God nge ko nii-niie hanuelamanga hunikie uri ke da hunie omu ke iiꞌo maaꞌi taꞌingelu. Na no ko aarea hunie uri ke kinetaꞌiniꞌomu oto taꞌingelu, hunie loꞌongaꞌinge iꞌomu, na maurihaꞌamiu, na sapemiu ke mani iiꞌo sapemawa mwaanie taꞌena nga ola tataꞌala maholo Aalaha ikie a Jisas Kraes kei ooli loꞌu mei.

Jiud 1:24

Oto kie ke haꞌamanikuluꞌaa iini e nanama na e sai kakalikie mwaanie kie domu i laona oorahaꞌaa. E sai kinetaꞌinikie mwaanie kie dau aaelasie nga mei ola, na kei toolekie aani ilenimwaꞌenga oto paine i laona manikuluhaꞌana.

Hibru 9:28

Na urine noꞌone, a Kraes e toliꞌaasie maurihaꞌana mola hautaꞌai hunie ke mae mala nga uunu-olanga aana ko helesie haꞌaletehinge haahie mo oorahaꞌaa mo iinoni hunge. Na a Kraes kei heꞌi ruana lae loꞌu mei, taꞌe aana maholo nge ko lae mai ngeena, e saꞌa lae ike mai huni mae honotana mo oorahaꞌaa ikie loꞌu. !Haꞌike! Taꞌe kei lae mai huni toolea mai maurihe huu nana mwala kire ko maaꞌoohie.

Taetas 2:13

Na kie ko maaꞌoohi susutoꞌo mola hunie hai dinge nge mei ola e diana oto liutaa na e tohungei menikuluꞌe kei reu, hai dinge nge kie hiiwalaimoli uri hahuꞌana God ikie a Jisas Kraes kei haro ooli loꞌu mei aana. Ingeie oto a Haꞌa-uuritaka

Haataꞌinge 1:7

!Lio kaꞌu! Ko lae oto mai taꞌaune peꞌie mei uuru, na taꞌena nga maa kei leesie, hule aana oto noꞌone mo iini nge kire otomie. Na ahutana mwala mai aano kei ngara maholo kire kei leesie. Iau, ke urine oto.

Hibru 9:14

!Taꞌe apune a Kraes e nanama loꞌu liutaa! Aana nanamanga a Liꞌoa Maaꞌi nge e iiꞌo huu oto tarau, a Kraes e niie maurihaꞌana maraana hunie a God mala nga uunu-olanga e oodotaꞌi. Na apune ko hoda rereꞌa aana manataka, hunie kie ke toliꞌaasie mo tolahai ola aaela nge kie sai maesiꞌi, na hunie kie ke asu nana God Mau-meuriꞌe.

2 Timoti 4:1

Maholo a Jisas Kraes kei ooli loꞌu mei mala inemauri, nge ke si leie ahutana mo iinoni, mo iini e mauri ue na mo iini e mae oto. Oto no ko unu tahangaꞌinie oto huniꞌo i maana a God na a Jisas Kraes

2 Tesalonaeka 2:8

Oto aana maholona, mwane tataꞌala ngeena ke si haataꞌi peꞌie nanamanga a Satan, na kei lae peꞌi esuie mo huꞌi-huꞌite eero-eero hei aaopaꞌi hunie uri mwala ke pangataꞌinie. Kei lae peꞌi esuie noꞌone taꞌena nga pwelonga oto mola huni eeroa mwala. Walaimolinge e sai haꞌa-uurire taane, taꞌe aana kire kaꞌa sare manata diana ike hunie walaimolinge, nge a God kei toliꞌaasie hunie kire ke hiiwalaimoli aana mo wala ni pwelonga ngeena. Na aena aana kire kaꞌa hiiwalaimoli ike aana mo wala toꞌohuu, na kire ko ilenimwaꞌe mola haahie mo ola aaela aana oorahaꞌaanga, nge a God kei lei mae aada. Taꞌe mwaanie omu totolahiꞌe, aana Aalaha ikie a Jisas Kraes, ke si lae mai i purine mwane tataꞌala ngeena. Aalaha ikie kei ooli mei peꞌie manikuluhaꞌana na kei horo aasie mola mwane tataꞌala ngeena, aana kei uuhi maesie mola aana kele mei iiru mwaanie ngidune.

Kolosi 4:17

Na omu ke haꞌarongoa a Akipas uuri, “O ke haꞌamangoa oto mei asunge nge a Aalaha e niie hunie o ke asuie.”

Kolosi 1:22

Taꞌe a Kalena e neꞌi iinoni na e mae honotamiu, na aena urinena a God e si da hunie omu ke uure ruru oto peꞌie. A God e asuie urine hunie uri ke tooleꞌomu mei saana mala mo iinoni e maaꞌi oto, nge nga mei ola e kaꞌa aaela ike loꞌu aada, na nga mei ola hunie a God ke leire haahie haꞌike loꞌu.

Pilipae 1:10

No ko eitanaie a God urine hunie omu ke lio hilisie tohungei tala diana. Urine nge omu ke si iiꞌo rereꞌa na oodotaꞌi hule aana hai dinge nge a Kraes kei ooli loꞌu mei.

1 Korinit 1:8

Na a Jisas oto kei haꞌasusuꞌomu hunie omu ke iiꞌo oodotaꞌi lai hule aana hai dinge nge Aalaha ikie a Jisas Kraes kei ooli loꞌu mei.

1 Jon 3:2

Iau maeni malahuku, kie neꞌi mwela oto a God, na kie kaꞌa saie ue uri a God kei oolisikie loꞌu uri taa taꞌau i Lengi. Taꞌe kie saie taane oto uri maholo a Kraes kei ooli loꞌu mei, kie kei hei-oolisi mala ingeie, aana kie kei leesie tohungana manikuluhaꞌana.

1 Pita 1:19

!Haꞌike! E holi eelihoꞌi eemiu aana tohungana apune a Kraes, aana a Kraes e mae honotamiu urihana nga kele kalei sipu aana uunu-olanga. Na mala kire ko lio hilisie nga kele kalei sipu e kaꞌa toꞌo aana ike nga mei ola ke aaela aana hunie uunu-olanga, nge e urine noꞌone aana a God e lio hilisie a Kraes.

1 Timoti 6:20

E Timoti, o ke lio i suli diana aana nga taa nge a God e norutoꞌo aamu hunie o ke asuie. O ke suꞌuri aapwasu aana mo ere-erenga honosie a God, na o ke iiꞌo mwaanie ere haitelilinge aana nga taa nge kire haaraꞌi eero-eero aana uuri, “sai-olanga.”

2 Tesalonaeka 2:1

Maeni eesiku maaꞌi, no ko sare ere loꞌu peꞌiꞌomu i sulie maholo a Jisas Kraes Aalaha ikie kei ooli loꞌu mei huni lokokie i saana.

1 Tesalonaeka 3:13

Melu ko eitanai uri saemiu ke susu aani loꞌongaꞌinge diana, na omu ke iiꞌo maaꞌi, na mwaanie nga iini e pwelu wala i lengimiu, hunie maholo Aalaha ikie a Jisas kei ooli mei peꞌie mo iinoni maaꞌi ingeie, na omu ke suꞌuri masa ni uure i naꞌona God Aamaka.

Pilipae 2:15

Na hunie omu ke iiꞌo oodotaꞌi, na tolahamiu ke diana aana omu neꞌi mwela maaꞌi a God oto, maꞌalana omu ko oꞌoꞌo ue i matolana mo iinoni ni oorahaꞌaa na tolahada e popoliꞌiliꞌi. Ikire, kire iiꞌo i laona rodohono, na iꞌomu oto raa-raa hunire,

Pilipae 1:6

Na nou norutoꞌo uri a God nge e aehotaa mei esunge diana i laona maurihaꞌamiu, kei lae peꞌi esu taraꞌasi oto urine i lalo aamiu, lai hule aana hai dinge a Jisas Kraes kei ooli loꞌu mei.

Epesas 5:27

A Kraes e asuie walu ola urine hunie maholo kei toolea mai soihaadaꞌinge i sapena maraana, uri soihaadaꞌinge ke tohungei lio manikuluꞌe, na uri e kaꞌa toꞌo aana nga taꞌa-taꞌa kele mei ola ke aaela aana, taꞌe ke oodotaꞌi mola taꞌingelu.

2 Pita 2:21

E lae oto i diana uri kire ke suꞌuri lio saie tolahai ola diana ngeena, aana urine haꞌalaa haꞌaloinge ikire e saꞌa tohungei peine ike. Taꞌe mo iini nge kire saie oto tala diana a God na kire ko aatopuri mola aana, ikire oto a God kei tohungei lei aaelasire oto liutaa.

2 Pita 3:2

Saeku uri omu ke aama-aamasitoꞌo aana mo wala nge mo propet maaꞌi kire unuꞌi oto wau i naꞌo, na loꞌu aana haꞌa-uusulinge iꞌemeelu mo hurulaꞌaa i sulie haꞌatolanga Aalaha ikie, a Haꞌa-uuritaka.