1 Timoti 6:11 - Tataroha Diana

¹¹ Taꞌe iꞌoe, Timoti, o ke lio talamu oto mwaanie ahutana mo ola mala ngeena, aena aana iꞌoe oto mwane a God. Na o ke huru oto mola i sulie tolaha diana. O ke iiꞌo oodotaꞌi, na o ke iiꞌo maaꞌi, na o ke hiiwalaimoli, na o ke manata diana hunie mwala, na o ke asu taraꞌasi, na o ke maneko.

1 Timoti 6:11 Referans Kwoze

2 Timoti 2:22

Oto o ke lio talamu mwaanie mo saehanalinge nge ko too-toolea mo saanau, taꞌe o ke dau diana mola tarau. Na o ke ariꞌapasie mola lulu i sulilana oodotaꞌinge, na hiiwalaimolinge iꞌoe ke susu, na o ke manata diana hunie ahutana mwala, na o ke iiꞌo ni henuelama mola peꞌie taꞌena nga iinoni. Na o ke hikusie mo iini ko palo-paloa a God toꞌohuu aani sae manola.

2 Timoti 3:17

Aana ko urine haꞌalaa ikie mo iinoni a God kie sai deu diana aani lulu i sulilana mo tolahai ola diana na kei tohungei melisine oto uri kie ke asuie mo tohungei esunge diana.

1 Timoti 4:12

O ke suꞌuri toliꞌaasie nga iini hunie ke loꞌongaꞌinie uri walamu e kaꞌa hiꞌe ike aana o saanau mola. Taꞌe o ke iiꞌo diana oto liutaa hunie kira hiiwalaimoli ke leesie walamu, na asunge iꞌoe, na manata-diananga iꞌoe, na hiiwalaimolinge iꞌoe, na iiꞌonga rereꞌa iꞌoe, hunie kire ke haimaaniꞌo.

Hibru 12:14

Omu ke oꞌoꞌo ni henuelama mola peꞌie ahutana mwala, na omu ke ariꞌapasie noꞌone iiꞌonga oodotaꞌi. Aana nga iini e kaꞌa iiꞌo diana urine, e saꞌa roroꞌa leesie ike a Aalaha.

1 Korinit 10:14

Aena urinena, maeni eesiku maaꞌi, omu ke kinetaꞌiniꞌomu mwaanie palolana mo god eero-eero.

1 Pita 3:11

Ke toliꞌaasie oto mo tolahai ola aaela ingeie, na ke lulu i sulie oto mola mo tolahai ola diana, na ke ariꞌapasie uri ke iiꞌo ni henuelama peꞌie ahutana mwala.

1 Korinit 6:18

!Oto omu ke tahi oto haꞌataulie masinge! Mo iini nge kire ko esuie mo taungei oorahaꞌaa aaopa mwaanie aeni-olanga, kire kaꞌa waelie ike sapeda. Taꞌe mo iini nge kire ko esuie aeni-olanga, kire ko tohungei waelie oto sapeda maraada ni ngeena.

1 Timoti 5:10

Mo nao keni urine kire ke neꞌie oto mo iini nge ahutana mwala kire lio saie uri kire ko esuie mo ola diana tarau. ?Uri e haꞌasai diana taane aana mo mwela ingeie? ?Uri e totola konie taane mo awataa? ?Uri e rararetaꞌinie taane kira hiiwalaimoli peꞌi haꞌamwai-mweiꞌanga? ?Uri e peꞌi-peꞌie taane kira siꞌohaꞌa? ?Uri e oꞌoꞌo aakau taane huni peꞌie taꞌena nga iinoni? Mo nao keni repo nge tolahada e diana urine o ke si uusue satada hunie soihaadaꞌinge ke lio i sulire.

1 Korinit 14:1

Oto omu ke lulu i sulie mola manata-diananga, na omu ke hari hunie oto toꞌohuu mo niinge ni Liꞌoa, oto liutaa niinge aani unu tahangaꞌinilana walana God.

Uusu-uusu A Pol Hurula'aa Hunie Mo Rom 14:19

Oto kie ke ariꞌapasie mola asuilana walu ola huni peꞌilaka hailiu hunie iiꞌonga ni henuelamanga na huni haꞌa-aꞌailaꞌaa hiiwalaimolinge ikie.

1 Timoti 6:20

E Timoti, o ke lio i suli diana aana nga taa nge a God e norutoꞌo aamu hunie o ke asuie. O ke suꞌuri aapwasu aana mo ere-erenga honosie a God, na o ke iiꞌo mwaanie ere haitelilinge aana nga taa nge kire haaraꞌi eero-eero aana uuri, “sai-olanga.”

1 Timoti 1:14

Taꞌe Aalaha ikie e niie hahuꞌana manata-diananga ingeie hunieu, na aena ngeena mone nou eeliꞌu huni hiiwalaimoli aana a Kraes Jisas, na huni mana-manata diana hunie mwala mala ingeie noꞌone e manata diana hunire.

2 Timoti 2:21

E urine noꞌone mola aana mo iinoni. Mo iini nge kire ko toliꞌaasie mo tolahai ola aaela ngeena oto taꞌingelu mwaanire, nge kire kei iiꞌo maaꞌi oto i maana Aalaha ikire. Mauringe ikire kei toꞌohie saena a Aalaha, na kire sai esuie taꞌena nga mei esunge diana oto mola nana.

2 Timoti 3:10

Taꞌe iꞌoe, kaleku, o saie oto mo haꞌa-uusulinge ineu na iiꞌolaku e uri taa, na nga moi taa no ko sare asuiꞌi. O lio saie kaꞌu oto hiiwalaimolinge ineu, na toli-rakonga ineu, na manata-diananga ineu hunie ahutana mwala, na toli-susuleꞌinge ineu aana maholo e aasa oto hiitoꞌo.