1 Timoti 5:22 - Tataroha Diana

²² Mwaanie o haꞌamaaꞌie kaꞌu nga mwane e kaꞌa malisine ke neꞌi naꞌohai mwane aana soihaadaꞌinge, taꞌe o ke holaꞌi toꞌomaaie kaꞌu tolahana. E kaꞌa diana ike uri hunie o ke haꞌamaaꞌie iini oorahaꞌaala, aana ko urine, o kei roroꞌa aana mo oorahaꞌaanga ingeie peꞌie. Na o ke kinetaꞌiniꞌo maraamu hunie o ke iiꞌo rereꞌa.

1 Timoti 5:22 Referans Kwoze

Epesas 5:11

Omu ke suꞌuri esuie mo ola aana rodohono nge kire neꞌi ola aaela. Taꞌe omu ke haataꞌinie mola aana mwala uri tolahai ola ngeena e kaꞌa kohi ike.

1 Timoti 3:10

Mo iini nge kire ko sare hai raretaꞌi i laona soihaadaꞌinge, nge soihaadaꞌinge ke haro leie kaꞌu tolahada holaꞌinaꞌo. Oto mala uri nga mei ola omu kaꞌa dau oodoie ke aaela aada, nge omu sai tolimaaie hunie kire ke neꞌi mwane peꞌi-peꞌi i laona soihaadaꞌinge.

1 Timoti 3:6

Na mwaanie naꞌohai mwane haahie soihaadaꞌinge e neꞌie nga mwane nge e si aehota hiiwalaimoli mola aana a Jisas, aana mala ko urine, na ohe a porona ko oorahaꞌaa mala a Pwelu Eero-eero aana ko toohaꞌinie maraana, na a God kei haꞌaloie loꞌu mala e asuie aana a Pwelu Eero-eero holaꞌinaꞌo.

1 Timoti 4:14

Na o ke aamasitoꞌo kaꞌu aana maholo mo naꞌohai mwane aana soihaadaꞌinge kire hele i pweumu na ngaeta mo propet aada kire unu tahangaꞌinie walana a God i suliꞌo. Aana maholona a Liꞌoa Maaꞌi e niie nanamanga huniꞌo hunie o ke asu diana nana. Oto mwaanie o pupulongosie mei niinge ngeena, taꞌe o ke asu diana mola aana nanamanga ngeena.

Palonga 6:6

Oto kire haꞌa-uuresie e hiu mwane ngeena i naꞌona mo hurulaꞌaa, na kire si hele i pweude peꞌi aarengaꞌinge haahire.

2 Jon 1:11

Aana omu kei ere ni saediananga peꞌie iini urine, nge omu ko peꞌie asunge aaela ingeie eena.

2 Timoti 1:6

Oto no ko eitanaiꞌo uri o ke tohungei esu diana peꞌie mei nanamanga nge a God e niie huniꞌo aana maholo nou hele i pweumu. O ke asu diana aana mala o ko terehie dunge hunie ke waru diana, na mwaanie o toliꞌaasie e mwaꞌa mola.

Hibru 6:2

Na kie ke suꞌuri ere-ere tarau mola aana mo haꞌa-uusulinge i sulie loto-maaꞌinge, na aarengaꞌinge talana mwala peꞌie helenga i pweude aani ninime, na tahelaꞌinge mwaanie maenga, na leinge huu. Aana ahutana mo neꞌisaenga ngeena, mo wala mola aana aehotalana haꞌa-uusulinge i sulie a Kraes.

2 Timoti 2:2

O rorongoa oto mo haꞌa-uusulinge ineu hunie mwala. Oto saeku uri taꞌa-taꞌa taungei olana loꞌu mola nge iꞌoe noꞌone o ke haꞌa-uusulie mwala aani. Na oto liutaa, o ke haꞌa-uusuli aana mo ola ngeena hunie mo mwane ni nou-norue nge o saie uri ikire noꞌone kire sai haꞌa-uusulie ngaeta mwala loꞌu eeni.

1 Timoti 4:12

O ke suꞌuri toliꞌaasie nga iini hunie ke loꞌongaꞌinie uri walamu e kaꞌa hiꞌe ike aana o saanau mola. Taꞌe o ke iiꞌo diana oto liutaa hunie kira hiiwalaimoli ke leesie walamu, na asunge iꞌoe, na manata-diananga iꞌoe, na hiiwalaimolinge iꞌoe, na iiꞌonga rereꞌa iꞌoe, hunie kire ke haimaaniꞌo.

Palonga 13:3

Oto i purine oolongaunge na aarengaꞌinge kire si haꞌamaaꞌire aana nimada, na kire uusungeꞌinirerue oto huni esu nana.

Haataꞌinge 18:4

Oto nou heꞌi rongoa loꞌu ngaeta mei wala e uure mai taꞌau i Lengi uuri, “Iꞌomu mo iini ineu, omu ke lae mai mwaanie hanue mei repi keni ngeena. Omu ke suꞌuri hata peꞌie mo oorahaꞌaa ingeie mwaanie leilemiu e lae noꞌone peꞌie.

Palonga 20:26

Oto aena nou haꞌamangoa oto asunge ineu i matolamiu, nge no ko unu oodo-oodo oto aana huniꞌomu uri mala nga iini eemiu kei deu tekelaꞌinie maurihaꞌana, nga roroꞌanga ineu haꞌike loꞌu.

Palonga 18:6

Taꞌe maholo mwala ni Jiu kire ko leledie na kire ko ere aaelasie, a Pol e si tataaꞌinie mola mo wasa-wasa aana toꞌoni ingeie mala nga tolimaa uri tolahada e tohungei aaela liutaa. Oto ko haꞌapasulire ko teꞌuri, “Mala uri a God ko haꞌaloiꞌomu, na roroꞌanga iꞌomu oto maraamiu eena. Nga roroꞌanga ineu haꞌike aana leune. Uure siꞌiri pwau weu ne kei lai tarohaꞌinie Tataroha Diana oto hunie mo Aapoloa Aaopa.”

1 Timoti 3:2

Oto taꞌena nga iini nge e neꞌi naꞌohai mwane haahie soihaadaꞌinge ke holaꞌi iiꞌo oodotaꞌi na ke suꞌuri toliꞌaasie nga matahaa hunie mwala ke siho aana. Iinonine ke suꞌuri tolarue, na ke kinetaꞌinie tolahana, na ke nihisie saena. Iinonine ke tohungei iiꞌo diana hunie ke malisine mwala ke haꞌamaꞌu aana, na ke tola konie mwala i laona nume ingeie, na ke sai haꞌa-uusuli diana aana mwala.