1 Timoti 5:11 - Tataroha Diana

¹¹ Taꞌe o ke suꞌuri uusue satana mo nao keni haalu, aena aana e saꞌa tewa na kire kei hiingeꞌinie uri kire ko sare toꞌo poro loꞌu oto hule aana kire kei pulongosie mola a Jisas.

1 Timoti 5:11 Referans Kwoze

1 Timoti 5:14

Oto nou saetoꞌo aana mo nao keni haalu uri kire ke toꞌo poro, na kire ke toꞌo mwela, na kire ke lio i suli diana aana mo nume ikire, na mwaanie kire niie nga matahaa hunie taꞌena nga maelonga ikie huni ere aaelasikie.

Haataꞌinge 18:7

Mala a keine e niie manikuluꞌanga na toꞌo-toꞌonga mola hunie maraana, nge niilana sapesalunge na saehuunge kei lae noꞌone urine hunie. Aana e ere toohaꞌinie maraana uuri, ‘Ineu oto toro, na no ko aalaha oto. Aana nou kaꞌa toꞌo aana ike nga poro, nge nou saꞌa roroꞌa ngara ike mala mo nao keni.’

2 Pita 2:18

Kire sai haꞌa-olaa mwala mola hunie aaelanga peꞌie mo wala mwaakule ni toohaꞌinge, aana kire ko unu-unue uri e diana mola huni deu i sulie mo heri-huninge aana sape. Na urine kire ko weꞌi eelihoꞌi mola aana mwala nge kire ko si aehota huni lae i sulie tala oodo mwaanie mo tolahai ola aaela ngeena.

1 Timoti 5:9

O ke uusue satana mo nao keni nge asunge ikire oto hunie kire ke peꞌi-peꞌi, na ikire loꞌu hunie soihaadaꞌinge ke lio i sulire. Mo nao keni ngeena ke haro hule oto aana e oono aawalai helisi haꞌalaa, na e neꞌie oto huꞌe toꞌohuu hunie poro ingeie maholo poro ingeie e mau-meuri ue.

1 Timoti 4:3

Mwala urine kire ko haꞌa-uuresie ngaeta mo haꞌatolanga ikire maraada mala mo haꞌatolanga nge ko uure honosie mola mo iinoni mwaanie tola-keninge na toꞌo-poronga, na mwaanie ngaulana ngaeta mo taungei ngeulaa. Taꞌe aana haꞌaholanga, a God e haꞌa-uuresie iiꞌo-rurunge, na e haꞌaholaa noꞌone mo ngeulaa hunie mwala ke ngau-ngeuꞌi mola. Na ikie mo iini kie hiiwalaimoli aana God na kie saie walaimolinge, kie sai paalahea mola a God haahie mo ngeulaa ngeena, na kie sai ngeuꞌi mola.

1 Timoti 5:12

Oto leilada kei lae aena aana kire kaꞌa asu ike i sulie nga taa nge kire haiholotaꞌi huni esuie nana a Kraes.

Haataꞌinge 18:3

A God e haꞌaloie oto aena aana e da uri ahutana mwala aana walumalau kire inu mehiri aana wai ni pweunge ingeie, oto kire ko heimaanie mola ahutana mo aaelanga na mo oorahaꞌaanga ingeie. E palo-paloa oto toꞌo-toꞌonga liutaa, na mo inemauri kire mani lae takalo i sulie. Mo mwane tei-teri ola aana haꞌaholinge kire mani teri ola paine aena aana saehanalinge aaela ingeie.”

Haataꞌinge 18:9

Oto mo inemauri aana walumalau nge kire hikusie a keine na kire hata-hata peꞌie aana saehanalilana toꞌo-toꞌonga, kire leesie pwaꞌulana dunge aana dunge e waruhie a keine, na kire ngarasie na kire uulo oto paine.