1 Timoti 4:16 - Tataroha Diana

¹⁶ O ke kinetaꞌinie mauringe iꞌoe hunie ke diana, na haꞌa-uusulinge iꞌoe hunie mwala ke diana noꞌone. Aana mala uri o kei hele susuleꞌi aani iiꞌonga oodotaꞌi, na o ke lae taraꞌasi peꞌie haꞌananaulana mwala urine, nge o sai haꞌa-uuriꞌo maraamu na mo iini nge kire ko pwaarongo i suliꞌo.

1 Timoti 4:16 Referans Kwoze

Taetas 1:9

Na kire ke hele huu mola aana tolahai haꞌa-uusulinge toꞌohuu nge kire toolea oto. Urine nge mo naꞌohai mwane ngeena kire ke si melisine haꞌa-uusulilana mwala aana tolahai haꞌa-uusulinge toꞌohuu huni haꞌa-aꞌailaꞌaa hiiwalaimolinge mwala, na huni haꞌa-oodohie mo takalonga mo iini nge kire ko leledie haꞌa-uusulinge toꞌohuu ngeena.

Taetas 2:7

Na iꞌoe, Taetas, o ke haataꞌinie noꞌone mei meu-meuringe diana aani esuilana mo ola diana hunie kire ke haimaaniꞌo. Mwaanie o eero-eero aana maholo o ko haꞌa-uusuli, taꞌe o ke haꞌa-uusuli peꞌie saenanaunge hunie mwala ke haꞌamaꞌu noꞌone aamu.

2 Timoti 4:2

uri o ke lae taraꞌasi oto peꞌie tarohaꞌinilana walana God. O ke laeliwala hunie mwala oto tarau, maꞌalana mwala kaꞌa sare rongo huniꞌo. O ke haꞌa-oodohie tolahada maholo kire ko lae takalo, na o ke haataꞌinie mo oorahaꞌaa ikire hunire hunie kire ke aaliꞌu mwaaniꞌi, na o ke ere haꞌasusure noꞌone. Walu ola ngeena o ke asuiꞌi peꞌi toli-rakonga, na peꞌi haꞌananaunge diana.

Epesas 4:14

Oto kie saꞌa iiꞌo ike loꞌu mala mo mwela nge kire sai oolisie hiiwalaimolinge ikire tarau aana kire ko pwaarongo i sulie taꞌena nga haꞌa-uusuli nge ko eeroa mwala peꞌie mo pwelonga ikire takoie mo tala aaela. Mo mwela urine, kire urihana mo naho nge ooru ko ooruheꞌiniꞌi heiliu.

Hibru 13:9

Oto omu ke kinetaꞌiniꞌomu mwaanie taꞌena nga taungei haꞌa-uusulinge aaopa e haꞌatakaloꞌomu mwaanie tohungana tala oodo. Aana tohungei ola nge ko haꞌasusue saeka nge hahuꞌana manata-diananga a God hunikie, na e kaꞌa ike mola mo ngeulaa nge kire unue uri e maaꞌi. Aana tola i sulilana mola mo haꞌatolanga i sulie ngaulaa na walu ola ngeena, kire saꞌa tohungei peꞌie ike mo iini ko lulu i suliꞌi.

Hibru 12:15

Omu ke lio talamiu mwaanie nga iini eemiu e oore aani hele aana hahuꞌana manata-diananga a God e haataꞌinie oto naka. Na mwaanie omu aehota huni loo-loohaꞌinie loꞌu aaelanga, aana tolahai ola urine e sai waelie mwala oto hunge.

2 Timoti 3:14

Taꞌe iꞌoe, kaleku, o ke hele susuleꞌi mola aana nga taa nge haꞌa-uusulilemu e lae oto aana na o hiiwalaimoli oto noꞌone aana, aena aana o sai diana aameelu oto mo iini melu haꞌa-uusuliꞌo.

Tataroha Diana I Sulie A Jisas Kraes Nge A Luk E Uusue 21:34

Oto a Jisas ko heꞌi teꞌuri loꞌu, “!Omu ke lio talamiu! Mwaanie omu tolahiꞌe mola aana mo ola ni welumalau, wa mwaanie omu talei tara mola aani ngeuhe na aani inunge. Aana mala omu kei tara mola aana mo ola urine, hai dingena kei hule mola na omu kaꞌa dau aakau ike.

1 Timoti 4:6

Nou saie kaleku, uri o peine poi peꞌie rongolana mo haꞌananaunge i sulie hiiwalaimolinge na uri o ko totola ue i sulie mo haꞌa-uusulinge diana ngeena hule siꞌiri. Oto o ke unue loꞌu mo ola ienini hunie mo mwaasine wau i Epesas, hunie o ke neꞌi koni-konihe diana oto nana a Kraes Jisas.

1 Timoti 1:3

Mala oto nou unue kaꞌu huniꞌo aana maholo nou lae mai hunie poꞌo ni henue i Masedonia, saeku hunie uri o ke oore kaꞌu mola wau aana huilume i Epesas. O ke iiꞌo oto i leune hunie o ke uure honosie mwala nge kire ko lae peꞌi haꞌa-uusuli mola aana mo ola aaopa mwaanie hiiwalaimolinge toꞌohuu.

Uusu-uusu A Pol Hurula'aa Hunie Mo Rom 16:17

Oto no ko eitanaiꞌomu, maeni eesiku maaꞌi, uri omu ke lio talamiu mwaanie mwala nge kire ko sare oopaa soihaadaꞌinge, na kire ko waelie hiiwalaimolinge iꞌomu peꞌie haꞌa-uusulinge nge ko lae aaopa mwaanie nga taa haꞌa-uusulilemiu e lae oto aana. Oto omu ke suꞌuri rorongo hunire.

2 Timoti 2:10

Aena urine kaꞌu, maꞌalana mwala ko haꞌaloieu mala ie, taꞌe no ko iiꞌo susu mola. Aana tala urine nge no ko peꞌie mwala nge a God e lio hilisire oto, hunie kire ke toꞌo aana maurihe peꞌie a Jisas Kraes na kire ke iiꞌo peꞌie aana manikuluhaꞌana oto di.

1 Korinit 9:27

Oto no ko deu rarahie sapeku maraaku hunie ke lae i sulie neꞌisaenga ineu, mwaanie da maholo nou tarohaꞌinie Tataroha Diana hunie ahutana mwala, oto purihaꞌana no ko si mamaelaꞌa mola.

Palonga 6:4

Taꞌe iꞌemeelu, melu kei iiꞌo mola peꞌie aarengaꞌinge na peꞌi houleꞌinilana walana God.”

Tataroha Diana I Sulie A Jisas Kraes Nge A Mak E Uusue 13:9

“Oto omu ke lio talamiu aena aana mwala kei tooleꞌomu i laona leinge, na kire kei repusiꞌomu noꞌone i laona mo nume ni palo-palo, aena aana omu ko lulu i sulieu. Na kire kei tooleꞌomu i naꞌona mwala paine na mo inemauri haahie asunge ineu, hunie kire kei leiꞌomu. Aana maholo walu olana kei reu uurini, maholo iꞌomu otona huni unu diana aana Tataroha Diana hunire.

Jemes 5:20

Sulie omu saie oto uri mala nga iini ko tola aalihoꞌi mei aana nga iini e oorahaꞌaa mwaanie mo takalonga ingeie, nge ko haꞌarereꞌaa mwaanie taꞌena nga oorahaꞌaa ingeie na ko haꞌa-uurie maurihaꞌana mwaanie maenga.

Taetas 2:15

O ke haꞌa-uusulire tarau i sulie walu ola nge no ko unuꞌi huniꞌo ienini. O ke ere haꞌasusure, na o ke haꞌa-oodohie mo iini kire ko lae takalo mwaanie tala diana ngeena. O toꞌo aana oto nanamanga huni deu urine, oto o ke suꞌuri toliꞌaasie nga mo iini kire ke loꞌongaꞌi mwakataꞌiniꞌo.

Kolosi 4:17

Na omu ke haꞌarongoa a Akipas uuri, “O ke haꞌamangoa oto mei asunge nge a Aalaha e niie hunie o ke asuie.”

1 Korinit 9:22

Na maholo nou iiꞌo peꞌie mo iini nge ko lulu i sulie mola mo haꞌatolanga ni iinoni aana hiiwalaimolinge ikire e mamaelaꞌa, nou iiꞌo noꞌone mala ikire hunie ne ke peꞌire hunie kire ke hiiwalaimoli toꞌohuu. Oto nou iiꞌo oto i sulie ahutana mo tolahai iinoni nge kire toꞌo aani huni deu aahonga huni peꞌire hunie kire ke toꞌo aana maurihe huu.

Uusu-uusu A Pol Hurula'aa Hunie Mo Rom 11:14

aena aana no ko sare asuie mola mwala ineu mo Jiu ke saehanalie haꞌa-uuringe omu toꞌo aana, hunie uri nga mo iini aada ke aaliꞌu mei takoie a God hunie haꞌa-uurilada ke lae noꞌone.

Uusu-uusu A Pol Hurula'aa Hunie Mo Rom 2:7

Mwala nge ko lae peꞌi deu esunge diana, aana kire tohungei saetoꞌo aana uri kire ke iiꞌo huu peꞌie a God, na uri a God ke lae-lahera, na ke haꞌapainaꞌara, mwala ngeena nge a God kei niie maurihe huu nada.

Palonga 26:22

Taꞌe a God ko peꞌieu mola tarau hule mai siꞌiri. Oto aena urinena nou sai uure mola ni laeliwala nana mo iini mwai-mwei lae hule aana mo iini peine. Nou kaꞌa unue ike nga mei ola aaopa mwaanie nga taa mo propet na a Mosis kire unue kaꞌu kei reu.

Pilimon 1:19

Ineu a Pol nge no ko uusue uusu-uusu ienini weu huniꞌo maraaku huni haꞌawalaimoliꞌaa uri ineu nge ne ke si suꞌue oolisie a Onesimas nga mei ola urine. Taꞌe nou saie o kaꞌa pupulongosie ike mei meu-meuringe haalu nge o toolea noꞌone i tehulaꞌaku.

1 Tesalonaeka 2:16

aana kire sare uure honosiꞌemeelu mwaanie haꞌa-uusulilana mo Aapoloa Aaopa i sulie haꞌa-uuringe a God. Oto aena kire dau urine, mo oorahaꞌaanga ikire ko pei-peine loꞌu mola hiitoꞌo, na saewasunge a God e hule oto aada.

1 Korinit 1:21

Oto aana a God e asuie mone i sulie saenanaunge ingeie, mwala aana walumalau ie kire dau aasaie uri kire kei haꞌa-uurire maraada i sulie saenanaunge ikire. Na e lae mola urine aana saena a God mola huni haꞌa-uurie iinoni aana ola kire unue nga mei saenanaunge haꞌike aana, nge hiiwalaimolinge aana laeliwalanga i sulie a Kraes.

1 Timoti 4:15

O ke hele susuleꞌi aani esuilana mo ola ienini, na o ke ariꞌapasie o ke asu diana aani, hunie ahutana mwala kire ke leesie uri o ko pei-peine oto aana tolahana God.