1 Timoti 3:10 - Tataroha Diana

¹⁰ Mo iini nge kire ko sare hai raretaꞌi i laona soihaadaꞌinge, nge soihaadaꞌinge ke haro leie kaꞌu tolahada holaꞌinaꞌo. Oto mala uri nga mei ola omu kaꞌa dau oodoie ke aaela aada, nge omu sai tolimaaie hunie kire ke neꞌi mwane peꞌi-peꞌi i laona soihaadaꞌinge.

1 Timoti 3:10 Referans Kwoze

1 Timoti 5:22

Mwaanie o haꞌamaaꞌie kaꞌu nga mwane e kaꞌa malisine ke neꞌi naꞌohai mwane aana soihaadaꞌinge, taꞌe o ke holaꞌi toꞌomaaie kaꞌu tolahana. E kaꞌa diana ike uri hunie o ke haꞌamaaꞌie iini oorahaꞌaala, aana ko urine, o kei roroꞌa aana mo oorahaꞌaanga ingeie peꞌie. Na o ke kinetaꞌiniꞌo maraamu hunie o ke iiꞌo rereꞌa.

1 Timoti 3:13

Mo iini nge kire ko peꞌi-peꞌi diana urine i laona soihaadaꞌinge, ikire oto mwala kei haꞌamaꞌu aada. Na ikire maraada, kire ke si aꞌailaꞌa ni unu tahangaꞌinie hiiwalaimolinge ikire aana Kraes Jisas.

1 Jon 4:1

Maeni malahuku, omu ke suꞌuri hiiwalaimoli aana ahutana mo propet nge kire ko unue uri kire ko ere oolitana a God, aana mo propet eero-eero hunge kire ko lae hailiu i laona walumalau, na mo liꞌoa eero-eero mola nge aada. Oto omu ke holaꞌi oohongie kaꞌu mo propet ngeena, hunie omu ke lio saie uri kire uure taane aana God toꞌohuu wa haꞌike.

1 Timoti 3:6

Na mwaanie naꞌohai mwane haahie soihaadaꞌinge e neꞌie nga mwane nge e si aehota hiiwalaimoli mola aana a Jisas, aana mala ko urine, na ohe a porona ko oorahaꞌaa mala a Pwelu Eero-eero aana ko toohaꞌinie maraana, na a God kei haꞌaloie loꞌu mala e asuie aana a Pwelu Eero-eero holaꞌinaꞌo.

1 Timoti 3:2

Oto taꞌena nga iini nge e neꞌi naꞌohai mwane haahie soihaadaꞌinge ke holaꞌi iiꞌo oodotaꞌi na ke suꞌuri toliꞌaasie nga matahaa hunie mwala ke siho aana. Iinonine ke suꞌuri tolarue, na ke kinetaꞌinie tolahana, na ke nihisie saena. Iinonine ke tohungei iiꞌo diana hunie ke malisine mwala ke haꞌamaꞌu aana, na ke tola konie mwala i laona nume ingeie, na ke sai haꞌa-uusuli diana aana mwala.

1 Korinit 1:8

Na a Jisas oto kei haꞌasusuꞌomu hunie omu ke iiꞌo oodotaꞌi lai hule aana hai dinge nge Aalaha ikie a Jisas Kraes kei ooli loꞌu mei.

Kolosi 1:22

Taꞌe a Kalena e neꞌi iinoni na e mae honotamiu, na aena urinena a God e si da hunie omu ke uure ruru oto peꞌie. A God e asuie urine hunie uri ke tooleꞌomu mei saana mala mo iinoni e maaꞌi oto, nge nga mei ola e kaꞌa aaela ike loꞌu aada, na nga mei ola hunie a God ke leire haahie haꞌike loꞌu.