1 Timoti 2:10 - Tataroha Diana

¹⁰ Taꞌe kire ke haꞌalaunire aana mo esunge diana kire ko esuiꞌi, aana leune e adona mo huꞌe nge kire ko unue uri kire manata diana hunie a God.

1 Timoti 2:10 Referans Kwoze

1 Pita 2:12

Oto omu ke lio-lio talamiu i matolana mo iinoni ni welumalau aana kire ko sare haꞌa-haꞌapeliꞌomu haahie mo ola hunge. Taꞌe omu ke iiꞌo oodotaꞌi mola tarau hunie kire ke leesie tolahamiu e oodotaꞌi. Omu ke teteꞌurine hunie maholo aasanga kei hite aada, ikire noꞌone kire ke si hiiwalaimoli, na kire ke soi haꞌamanikuluꞌaa a God haahiꞌomu.

Haataꞌinge 2:19

“Nou saie taane manata-diananga iꞌomu, na hiiwalaimolinge iꞌomu, na asunge diana iꞌomu aani peꞌilemiu heiliu, na hele-susuleꞌinge iꞌomu eeku maꞌalana ke aasa loꞌu uri taa. Iau, nou saie taane mo ola diana omu ko esuiꞌi ngeena, na uri omu ko esuiꞌi loꞌu liutaa aana mo iini nge omu esuiꞌi keꞌu holaꞌinaꞌo.

Palonga 9:36

Na ngaeta pwaarongoisuli e iiꞌo aana huilume i Jopa satana a Tabita na aana erenga ni Krik satana a Dokas. Helelana a huꞌe ngeena e tohungei diana suli maholo, na e iiꞌo mola huni peꞌie mo iini ko siꞌohaꞌa.

2 Pita 3:11

Oto aena aana ahutana walu ola kei meni aaela mango oto urine, omu ke lio-lio diana aana mau-meuringe iꞌomu. Omu ke iiꞌo maaꞌi na omu ke lae peꞌi iiꞌo oodotaꞌi mola i sulie saena God.

Taetas 3:8

Ahutana mo haꞌa-uusulinge ngeena kire mani toꞌohuu. Aena urinena nge nou saetoꞌo aana o ke tohungei haꞌa-uusulie mwala oto aani, hunie mo iini nge kire hiiwalaimoli toꞌohuu aana God kire ke auꞌesu oodotaꞌi oto mola haliꞌite huni esuie mo ola diana. Walu ola ngeena kire diana oto taꞌingelu, na kire sai peꞌie ahutana mwala.

Epesas 2:10

Aana ikie mo iinoni aana soihaadaꞌinge, ikie oto mo naꞌohai haꞌaholanga a God. E uusungeꞌinie mai a Jisas Kraes huni haꞌahaalukie, hunie kie ke asuie walu ola diana nge e oalaꞌiniꞌi oto waite, hunie kie ke asuiꞌi.

Taetas 2:14

aana e toliꞌaasie maraana hunie ke mae honotaka, na hunie ke tola aalihoꞌi aaka mwaanie mo oorahaꞌaanga ikie. E haꞌarereꞌakie oto hunie kie ke neꞌi iinoni oto ingeie, hunie kie ke tohungei iiꞌo oodotaꞌi aani esuilana mo ola diana oto tarau.

Palonga 9:39

Oto a Pita ko lae oto peꞌirerue na maholo kire hule wau i Jopa, kire si naꞌona hunie duru taꞌau i lengi. Mo mei nao keni kire ko tohungei ngara, kire lae mai, kire uure oto kali-kelie a Pita. Na kire ko haataꞌinie oto mo toꞌoni na mo sala tetewa nge a Dokas e tauriꞌi nada maholo e mauri ue.

1 Timoti 2:9

Na nou saetoꞌo aana noꞌone uri mo huꞌe kire ke haꞌalaunire aana mo tolahai ola diana. Mo huꞌe ke hoꞌosie mo toꞌoni nge kire malisi, na kire ke haataꞌinie haꞌamaꞌunge na iiꞌonga oodotaꞌi ikire aana mo toꞌoni kire ko hoꞌosiꞌi. Na mwaanie kire loꞌongaꞌi oto hiitoꞌo i sulie haꞌalaunilana iihune pwaude, wa aana hoꞌosilana mo leunihe aani kol, wa mo uꞌumaai dehi, wa mo toꞌoni nge holiteni e paine.

1 Timoti 2:11

Maholo o ko haꞌa-uusulie ruruhaa i sulie tolahana a God, o ke toliꞌaasie mo huꞌe hunie kire ke tola saenanaunge noꞌone, mala uri kire ko iiꞌo aani rongonga hahuroto na aani haꞌamaꞌunge.