1 Timoti 1:20 - Tataroha Diana

²⁰ A Haemeneas na a Aleksanda ikirerue e ro iini aana mwala urine nge hiiwalaimolinge ikire e aaela taꞌingelu mala haka e aape. Oto nou toliꞌaasirerue oto hunie a Pwelu Eero-eero, uri hunie kirerue ke lio saie nga taa kei reu aana mo iini kire ko sare ere mwakataꞌinie a God.

1 Timoti 1:20 Referans Kwoze

2 Timoti 2:17

Mo erenga ikire ngeena e urihana mola ho osa nge e kaꞌa sai mola ike. Ere-erenga e ro mwane, a Haemeneas na a Pilitas, na e urine oto.

1 Korinit 11:32

Taꞌe maholo a Aalaha ko leikie wa ko haꞌaloikie ko esu urine hunie leilaka ke suꞌuri lae tararuru loꞌu peꞌie leilana mo iinoni ni oorahaꞌaa hunie maenga.

2 Tesalonaeka 3:15

Taꞌe omu ke suꞌuri talei deu aada mala uri mo maelonga iꞌomu. Kei lae oto i diana hunie uri omu ke haꞌapasulire mola, aana ikire mo eesimiu maaꞌi taane ni ngeena.

Haataꞌinge 3:19

Omu ke saie mola uri no ko tohungei ere aana mo iini nou manata diana hunire na no ko haꞌaloire. Oto aena urinena, omu ke aaliꞌu mei mwaanie mo oorahaꞌaa iꞌomu, na omu ke asu aꞌailaꞌa peꞌie mwaꞌe-mwaꞌenga.

Palonga 19:33

Oto mo Jiu kire ko uusungeꞌinie ngaeta iini aada, satana a Aleksanda, huni lai uure taꞌau i naꞌona mwala, na ngaeta mo iini kire ko loꞌongaꞌinie uri a mwaena ni oto e aehotaa maaola-olanga ngeena. Na a Aleksanda e salo haahie mwala aana nimana hunie kire ke pwaarongo kaꞌu hunie, aana ko sare ere hunire.

Haataꞌinge 13:1

Oto nou heꞌi leesie loꞌu ola loo-looꞌa nge e horo maesie e ro propet ngeena e maau poi mwaanie aasi. E toꞌo aana aawalai rarangoi ola na e hiu pwaꞌui ola aana. Mo rarangoi ola aana ngeena kire mani toꞌo rorodara mango. Na mo pwaꞌui ola aana kire mani toꞌo aana mo satai ola huni ere mwakataꞌinie a God.

2 Timoti 3:2

Mwala kei loꞌo-loꞌongaꞌinire oto mola maraada. Kire kei neꞌi-neꞌisae paine oto hiitoꞌo aana toꞌoha, na kire kei lae-lahera maraada, na kire kei too-toohaꞌinire oto hiitoꞌo. Kire kei talei ere-ere aaela mola, na kire saꞌa totola i sulie ike mo nikada na mo aamada. Kire saꞌa paa-paalahea ike nga iini haahie nga mei ola nge niilana e lae oto hunie, na kire saꞌa loꞌo-loꞌongaꞌinie ike loꞌu a God.

2 Timoti 2:14

O ke lae peꞌi haꞌa-haꞌa-aamasitoꞌoa kira hiiwalaimoli aana mo ola ngeena. O ke ere hiitoꞌo hunire aana nanamanga a God uri kire ke suꞌuri ere haitelili aana mo ola kire kaꞌa roroꞌa ike. Aana tala urine e tohungei aaela oto hiitoꞌo, na e sai waelie mola mo iini ko pwaarongoa mo erenga haitelili urine.

2 Korinit 10:6

Na maholo omu tola i sulie oto ahutana walu ola i sulie a Kraes, nge ne ke si haꞌaloie mo iini nge kire ko hei-heitohe ue, aana melu keluie oto pasi aakau loosire.

Palonga 13:45

Taꞌe maholo mo rato ni mwane ni Jiu kire leesie uri mwala hunge kire loko, kire ko tohungei heotaꞌinirerue, na kire ko ere aaelasirerue na kire ko neꞌi-neꞌie mola walana Pol aaopa.

2 Korinit 13:10

Oto aena urinena maholo nou kaꞌa iiꞌo ue peꞌiꞌomu taꞌe no ko uusue oto hao uusu-uusu ienini, hunie maholo ne kei hule hao ne ke suꞌuri ere raramaa huniꞌomu aana nanamanga nge a Aalaha e niie hunieu. Aana nanamanga ngeena niilana e lae hunieu uri hunie ne ke peꞌie hiiwalaimolinge iꞌomu ke maꞌutaꞌa loꞌu hiitoꞌo, na e kaꞌa ola ike huni waeliꞌomu.

Matiu 18:17

Na mala uri e kaꞌa rongo oto noꞌone huniꞌomoolu, unue loꞌu mei olana hunie soihaadaꞌinge. Na leu ooreta mola uri, mala e kaꞌa rongo oto hunie soihaadaꞌinge, toliꞌaasie hunie ke iiꞌo oto mola i sinaha mala iinoni ni puꞌo wa mala iini peli-peli.

1 Timoti 5:15

Taꞌe saehuu oto, aana ngaeta mo iini kire lae aaopa oto mola huni lulu i sulie a Pwelu Eero-eero.

Hibru 12:5

E lio oto mala omu pulongosie mola mei wala ni haꞌa-aꞌailaꞌaꞌomu nge a God e unue. Aana e soiꞌomu mala mo kalena, na e unue uuri, Kaleku, maholo o ko deu aaela na ineu a Aalaha no ko haꞌaloiꞌo hunie o ke lae oodo, mwaanie o loꞌo-loꞌongaꞌinie uri nga mei ola mwaakule mola ni ngeena. Na maholo no ko ere aamu hunie uri o ke lio saie mo takalonga iꞌoe, mwaanie saemu e wawai wa o aakohetaꞌinie tala diana ngeena.