1 Timoti 1:15 - Tataroha Diana

¹⁵ Nga taa nge ne kei unue ie e toꞌohuu, na o sai norutoꞌo aana oto. A Kraes Jisas e lae mai laona walumalau huni haꞌa-uurie kira oorahaꞌaa. O sai leesie leune e toꞌohuu, aana ineu oto ngaeta iini nou aaela liutaa, taꞌe ingeie mone e haꞌa-uurieu.

1 Timoti 1:15 Referans Kwoze

Tataroha Diana I Sulie A Jisas Kraes Nge A Mak E Uusue 2:17

Maholo a Jisas e rongo, oto ko teꞌuri hunire, “Iinoni nge e awaa mola saꞌa saetoꞌo aana ike mwane kure-kure, taꞌe iini nge ko maelaaꞌa haꞌalaa. Aana nou lae mai huni haaraie mo iinoni oorahaꞌaa ke lulu i sulieu, na nou kaꞌa lae ike mai huni haaraie mo iini kire unue kire diana oto.”

Tataroha Diana I Sulie A Jisas Kraes Nge A Luk E Uusue 19:10

Ineu a Kale Ni Iinoni, nou lae mai huni loꞌohie mwala e takalo kaꞌu, na huni haꞌa-uurire.”

Tataroha Diana I Sulie A Jisas Kraes Nge A Jon E Uusue 12:47

“Na taꞌena nga iini ko rongoa walaku, taꞌe e kaꞌa lulu i suliꞌi ike, ineu nou saꞌa leie ike aana maholo ie. Aana nou kaꞌa lae ike mai ie huni leie mo iinoni aana walumalau, taꞌe huni haꞌa-uurie walumalau.

Tataroha Diana I Sulie A Jisas Kraes Nge A Jon E Uusue 1:12

Taꞌe ngaeta mo iini kire takuhie taane, na kire hiiwalaimoli oto aana. Oto e asuie uri ikire oto, kire ke neꞌie mo kalena God.

Tataroha Diana I Sulie A Jisas Kraes Nge A Luk E Uusue 5:32

Nou lae mai huni haaraie mo iinoni oorahaꞌaa ke oonisae, na nou kaꞌa lae ike mai huni haaraie mo iini kire unue kire diana oto.”

1 Jon 3:5

Omu manataꞌinie oto uri a Kraes e lae mai huni taꞌaasie oorahaꞌaa, na uri ingeie maraana nga mei oorahaꞌaanga haꞌike aana.

1 Timoti 1:13

E asuie walu ola diana urine nakue, maꞌalana holaꞌinaꞌo ineu, nou talei ere-ere aaelasie a Kraes, na nou teungeꞌinie mo iini e hiiwalaimoli aana, na nou esuie taꞌena nga ola huni waelire. Taꞌe a God e aamasieu, aena aana nou kaꞌa saie ike nga taa nou euꞌesuie na aana maholona nou kaꞌa hiiwalaimoli ike ue.

Matiu 20:28

Mala oto ineu a Kale Ni Iinoni nou kaꞌa lae ike mai hunie uri mwala ke asu nekue, taꞌe nou lae mai huni neꞌi koni-konihe nana mwala, na huni niie maurihaꞌaku i tehulaꞌana mwala hunge, na huni holi eelihoꞌi aana mwala hunge.”

Tataroha Diana I Sulie A Jisas Kraes Nge A Jon E Uusue 1:29

Oto hai dinge loꞌu mola i purine, a Jon e leesie a Jisas ko lae mai saana, oto ko si teꞌuri, “!Lio kaꞌu! A mwane ngeena, ingeie oto Kalei Sipu a God, aena aana ingeie ni ko taꞌaasie oorahaꞌaa aana walumalau.

Matiu 9:13

Oto omu ke haitalea loꞌu e ue ni mo Uusu-uusu Maaꞌi e unue uuri, Nou kaꞌa hari hunie ike uunu-olanga, taꞌe aamasinge hunie mo iinoni. Hosea 6:6 Aana nou lae mai huni haaraie mo iinoni oorahaꞌaa ke oonisae, na nou kaꞌa lae ike mai huni haaraie mo iini kire unue kire diana oto.”

Matiu 1:21

A Meri kei haꞌahutaa kele mwela mwane, oto o ke haaraꞌinie aana a Jisas, oolisilana uuri, ‘God ko haꞌa-uuri.’ O ke haaraꞌinie urine aena aana ingeie kei haꞌa-uurie mwala ingeie mwaanie mo oorahaꞌaa ikire.”

Hibru 7:25

Aena urinena, nge e toꞌo aana tohungei nanamanga huni haꞌa-uuri taꞌingelu hunie ahutaka mo iini nge kie ko lae mai saana a God, aena aana kie hiiwalaimoli aana. Na aena aana a Jisas mone e iiꞌo huu, oto e kaꞌa mou-mou ike aani aarengaꞌinge talaka.

Uusu-uusu A Pol Hurula'aa Hunie Mo Rom 5:6

Aana tohungana maholo a God e lio hilisie, nge a Kraes e mae huni peꞌikie mo iinoni oorahaꞌaala huni lulu i sulie a God, aana kie kaꞌa sai peꞌikie ike maraaka urine.

1 Jon 3:8

Taꞌe iini nge ko oora-oorahaꞌaa oto mola, iini a Pwelu Eero-eero eena, aena aana a Pwelu Eero-eero ingeie e uure ni oorahaꞌaala oto mai aehotalana. Na Kalena God e lae oto mai huni oho aasie mola mo esunge a Pwelu Eero-eero ngeena.

1 Timoti 3:1

Nga taa ne kei unue ie e toꞌohuu. Mala uri nga iini ko sare neꞌie nga iini aana mo naꞌohai mwane huni lio i sulie soihaadaꞌinge, nge ko lio hilisie mei esunge e tohungei diana ni ngeena.

Epesas 3:8

Maꞌalana uri nou mwai-mwei loꞌu mwaanie ahutana mwala a God, a God e tohungei diana oto hunieu, hule aana e niie mei esunge ngeena hunieu. E uusungeꞌinieu weu i saana mwala nge ikire nga mo Jiu haꞌike, huni tarohaꞌinie Tataroha Diana i sulie mo tohungei ola diana nge a Kraes e niiꞌi hunikie—mo ola nge kire diana oto liutaa mwaanie taꞌena nga ola kie sai loꞌongaꞌiniꞌi.

Haataꞌinge 22:6

Oto ensel ngeena e heꞌi unue loꞌu hunieu uuri, “O ke hiiwalaimoli aana mo wala ienini, aena aana kire toꞌohuu. A God Aalaha nge e niie Liꞌoa Maaꞌi ingeie i saana mo propet ingeie nge e uusungeꞌinieu ensel ingeie mai seemu, huni haataꞌinie mo ola ienini eemiu mo koni-konihe ingeie aana e saꞌa tewa na kire kei reu oto.”

Haataꞌinge 5:9

na kire suluꞌie kana haalu nana a Kalei Sipu uuri, “Iꞌoe nge o adona o ke toolea uusu-uusu hio-hio na o ke taꞌaasie mo hui edi aana, aena aana horoꞌilemu e lae kaꞌu oto, na aana apumu o toolea mai mo iinoni takoie a God mwaanie taꞌena nga komu na taꞌena nga erenga na taꞌena nga aapoloa na taꞌena nga mala-malau.

Taetas 3:8

Ahutana mo haꞌa-uusulinge ngeena kire mani toꞌohuu. Aena urinena nge nou saetoꞌo aana o ke tohungei haꞌa-uusulie mwala oto aani, hunie mo iini nge kire hiiwalaimoli toꞌohuu aana God kire ke auꞌesu oodotaꞌi oto mola haliꞌite huni esuie mo ola diana. Walu ola ngeena kire diana oto taꞌingelu, na kire sai peꞌie ahutana mwala.

2 Timoti 2:11

Mei wala toꞌohuu oto ienini. Mala uri kie ko mae tararuru peꞌie a Kraes, nge kie kei meuri tararuru noꞌone peꞌie.

Palonga 3:26

Oto maholo a God e haꞌa-uuresie koni-konihe ingeie a Jisas, nge e holaꞌi uusungeꞌinie huniꞌomu hunie ke niie haꞌadianaꞌanga huniꞌomu aani tola aalihoꞌinilemiu mwaanie mo oorahaꞌaanga iꞌomu.”

Tataroha Diana I Sulie A Jisas Kraes Nge A Jon E Uusue 3:36

Oto iini ko hiiwalaimoli aana a Kale e hele aana oto maurihe huu eena. Taꞌe iini nge e kaꞌa hiiwalaimoli ike aana a Kale, e saꞌa roroꞌa ni hele aana oto maurihe ngeena, taꞌe kei iiꞌo huu oto i mamalutana saewasunge a God.

Haataꞌinge 21:5

Na iini nge e iiꞌo i lengine naunekume e teꞌuri, “Omu ke lio kaꞌu. No ko esu haalu aana walu ola.” Na e unue hunieu uuri, “O ke uusue mei ola ie, aena aana mo wala ienini kire toꞌohuu na o sai norutoꞌo oto aani.”

1 Jon 5:11

A God e unue uri e niie oto maurihe huu hunikie, na uri mei meurihe ngeena nge oto i lalo aana a Kalena.

1 Timoti 1:19

O ke hele susuleꞌi mola aana hiiwalaimolinge iꞌoe aana a Kraes, na o ke asuie mola tarau nga taa nge o manataꞌinie uri e oodotaꞌi. Ngaeta mwala kire ko talei deu huꞌisie mola nga taa nge manatada e unue hunire uri e oodotaꞌi, oto kire urihana mola haka e aape aana mwalo, na urine nge kire si tohungei waelie oto hiiwalaimolinge ikire.

Matiu 18:10

Oto a Jisas ko heꞌi teꞌuri loꞌu, “Omu ke lio talamiu mwaanie omu lio tolingeꞌinie nga kele iini aana mo iini e hiiwalaimoli eeku. Aana no ko unue oto huniꞌomu uri ikire kire toꞌo aana mo ensel huni kakalire, na mo ensel ngeena kire sai ere mola peꞌie Aamaku i Lengi aana taꞌena nga maholo.

Palonga 11:18

Na maholo kire rongoa a Pita ko ere-ere, oto kire kaꞌa unue ike loꞌu nga mei wala i sulie. Taꞌe kire ko lahea mola a God na kire ko teꞌuri, “!Maꞌalana mo Aapoloa Aaopa taꞌe a God e saetoꞌo aada noꞌone hunie kire ke oonisae na hunie kire ke toꞌo aana maurihe huu!”

Palonga 11:1

Mo hurulaꞌaa na ahutada kira hiiwalaimoli nge kire iiꞌo aana ahutana mo leu aana hanue mo Jiu, kire rongoa uri mo Aapoloa Aaopa kire ko hiiwalaimoli noꞌone aana God.

Tataroha Diana I Sulie A Jisas Kraes Nge A Luk E Uusue 15:2

Oto mo Parise na mo haꞌa-uusuli aana mo Haꞌatolanga a Mosis kire ko aehota upwesie a Jisas, kire ko teꞌuri, “!Lio kaꞌu! A mwane ie ko tekuhie mola kira oorahaꞌaala na hule aana ko ngeu oto peꞌire.”

Uusu-uusu A Pol Hurula'aa Hunie Mo Rom 11:14

aena aana no ko sare asuie mola mwala ineu mo Jiu ke saehanalie haꞌa-uuringe omu toꞌo aana, hunie uri nga mo iini aada ke aaliꞌu mei takoie a God hunie haꞌa-uurilada ke lae noꞌone.

1 Timoti 6:13

Oto saeku hunie o ke haiholotaꞌi hunieu, na uri o ke asuie leune i naꞌona God nge e niie mauringe hunie ahutana mo ola, na loꞌu i naꞌona a Kraes Jisas nge e unu tahangaꞌinie walaimolinge maholo e uure i naꞌona a Pontis Paelat.

Matiu 18:11