1 Timoti 1:12 - Tataroha Diana

¹² No ko tohungei paalahea a Kraes Jisas Aalaha ikie, aana e norutoꞌo aaku na e haaraieu huni esu nana, na loꞌu e niie aꞌailaꞌanga malisine asunge ngeena nakue.

1 Timoti 1:12 Referans Kwoze

Pilipae 4:13

Ko lae urine aena aana nanamanga nge a Kraes e niie hunieu, nge ko haꞌa-aꞌailaꞌaau huni lio oodoie taꞌena nga ola kei reu eeku.

2 Timoti 4:17

Taꞌe a Aalaha e lae peꞌi haꞌa-uurieu na e niie nanamanga hunieu uri hunie ne ke tarohaꞌinie Tataroha Diana hunie mo Aapoloa Aaopa kire ke rongoa. Na e peꞌieu noꞌone aana maholona hunie kira lei-lei ke suꞌuri lei mae aaku.

Kolosi 1:25

A God ni e lio hilisieu hunie ne ke neꞌi iinoni euꞌesu aana soihaadaꞌinge huni peꞌiꞌomu urine. Na asunge ineu oto huni unu tahangaꞌinie taꞌena nga ola aana Tataroha Diana.

Pilipae 2:11

Na ahutada kire kei meni houleꞌinie oto uri a Jisas Kraes ingeie Aalaha haahie taꞌena nga ola. Na kire kei meni haꞌamanikuluꞌaa satana God Aamaka.

2 Korinit 4:1

A God e tohungei aamasiꞌemeelu maholo e niie mei esunge ienini hunie melu ke tarohaꞌinie Tataroha Diana a Kraes, na aena urinena nge melu kaꞌa aakohe ike mwaanie.

1 Korinit 7:25

Hoe. Omu dolosi noꞌone i sulie mo mwane na mo keni nge kire iiꞌo pupupu. A Aalaha e kaꞌa niie ike nga mei haꞌatolanga i sulire, taꞌe ne kei unue mola neꞌisaenga ineu maraaku. Na aena aana a Aalaha e aamasieu na e manata diana hunieu, oto e neꞌieu hunie nga iini nge omu sai norutoꞌo aana.

Palonga 9:22

Taꞌe walana Sol mone ko nanama loꞌu liutaa suli dinge, na e tohungei ere luhesie hunie mwala ni Jiu i Damaskas uri a Jisas oto a Kraes, hule aana e aasa hunie nga iini kei aalamie loꞌu.

Palonga 9:15

Taꞌe a Aalaha e teꞌuri mola hunie, “!O ke lae mola! A mwane ngeena nou lio hilisie oto hunie ke asu nekue. Kei tarohaꞌinie sataku hunie mo Aapoloa Aaopa na mo inemauri ikire, na mo Israel noꞌone.

Palonga 16:15

Oto ingeie na ahutana mwala aana nume ingeie kire si loto maaꞌi na ko haaraiꞌemeelu oto huni lae wau i nume ingeie, na ko teꞌuri, “Mala uri omu ko loꞌongaꞌi uri nou hiiwalaimoli toꞌohuu aana Aalaha, nge omu ke lae kaꞌu mei iiꞌo i nume ineu.” Oto aana e ere haꞌa-olaꞌemeelu urine, nge melu si lae huni iiꞌo peꞌie i nume ingeie.

1 Timoti 1:11

aana Tataroha Diana nge e tohungei menikuluꞌe. Tataroha Diana ngeena, niilana e lae hunieu mwaanie a God, iini e diana oto liutaa.

1 Korinit 15:10

Taꞌe aana niinge ni hahuꞌana manata-diananga a God e lae hunieu mone, no ko oꞌoꞌo urine ue ie. Na manata-diananga a God hunieu e kaꞌa waetaꞌi ike taane mola mwaakule, aana nou lae peꞌi esu oto hiitoꞌo loꞌu liutaa aada mo hurulaꞌaa. Taꞌe nou kaꞌa asuie ike taane tohuku, aana niinge a God mone ko peꞌieu huni esuie leune urine.

Tataroha Diana I Sulie A Jisas Kraes Nge A Jon E Uusue 5:23

Aena ngeena, ahutana mo iinoni ke mani haꞌamaꞌu aana a Kale oto mala kire ko haꞌamaꞌu aana Mamaꞌa. Iini oto e kaꞌa haꞌamaꞌu ike aana a Kale, nge e kaꞌa haꞌamaꞌu oto noꞌone aana a Mamaꞌa nge e uusungeꞌinie mai eena.

1 Korinit 3:5

?Haꞌalaa nga taa nge loꞌongaꞌinge iꞌomu aamereꞌi a Apolos? Iꞌemereꞌi e ro mwane auꞌesu mola a God ni ngeena. Mere peꞌiꞌomu oto mola hunie omu ke hiiwalaimoli aana a God, aana iꞌemereꞌi, mere asuie mola mo esunge hai aaopaꞌi nge a God e niiꞌi huniꞌemereꞌi huni esuiꞌi.

Kalesia 3:26

Oto omu meni neꞌi kalena a God oto aana omu lado peꞌie a Jisas Kraes aena aana omu hiiwalaimoli aana.

Kalesia 3:28

Oto nga mei ola hunie ke aaopa i matolamiu mo Jiu na mo Aapoloa Aaopa haꞌike loꞌu, wa i matolana mo koni-konihe na mo aalaha, wa i matolana mo mwane na mo keni. Omu meni neꞌie oto e taꞌa-taꞌa iinoni i lalo aana a Kraes Jisas.

1 Timoti 1:1

Saediananga mwaanieu a Pol, iini nge a God a Haꞌa-uuritaka na a Kraes Jisas kire mani unue ne ke neꞌi hurulaꞌaa nana a Kraes Jisas nge kie ko maaꞌoohi susutoꞌo hunie peꞌi hiiwalaimolinge aana.

1 Timoti 1:2

No ko uusue oto ie huniꞌo kaleku Timoti, aana iꞌoe oto mwela maaꞌi ineu aani hiiwalaimolinge. No ko eitanaie a God Aamaka na Aalaha ikie a Kraes Jisas, uri hahuꞌana manata-diananga, na aamasinge, na hanuelamanga ingeie ke iiꞌo peꞌiꞌo.

1 Timoti 6:13

Oto saeku hunie o ke haiholotaꞌi hunieu, na uri o ke asuie leune i naꞌona God nge e niie mauringe hunie ahutana mo ola, na loꞌu i naꞌona a Kraes Jisas nge e unu tahangaꞌinie walaimolinge maholo e uure i naꞌona a Pontis Paelat.

2 Timoti 2:2

O rorongoa oto mo haꞌa-uusulinge ineu hunie mwala. Oto saeku uri taꞌa-taꞌa taungei olana loꞌu mola nge iꞌoe noꞌone o ke haꞌa-uusulie mwala aani. Na oto liutaa, o ke haꞌa-uusuli aana mo ola ngeena hunie mo mwane ni nou-norue nge o saie uri ikire noꞌone kire sai haꞌa-uusulie ngaeta mwala loꞌu eeni.

Taetas 1:4

Oto no ko uusu-uusu weu huniꞌo, mwela maaꞌi ineu, na o saie oto uri o neꞌi tohungei kaleku toꞌohuu aana hiiwalaimolinge ikure e mani sada. No ko aarea a God Aamaka na a Jisas Kraes a Haꞌa-uuritaka uri hahuꞌana manata-diananga na hanuelamanga ke iiꞌo peꞌiꞌo.

Matiu 20:4

Oto ko unue hunire uuri, ‘Omu ke lae noꞌone i esu nekue aana hohola ineu, na ne ke si waaiꞌomu taane adona asunge iꞌomu.’