1 Tesalonaeka 5:22 - Tataroha Diana

²² na omu ke iiꞌo haꞌatau mwaanie taꞌena nga mei ola aaela.

1 Tesalonaeka 5:22 Referans Kwoze

2 Korinit 6:3

Melu eriꞌapasie taane uri walu ola melu ko esuiꞌi ke oodo na kire ke suꞌuri liu honosie hiiwalaimolinge nga iini aana a Jisas, na mwaanie nga iini e ere aaelasie asunge iꞌemeelu ienini.

Pilipae 4:8

Oto ie, maeni eesiku, mei wala ooreta ineu huniꞌomu, uri omu ke lolodoa mo ola toꞌohuu na mo ola diana i saemiu. Na omu ke loꞌo-loꞌongaꞌi mola i sulie mo ola oodo, na mo ola manola, na mo ola e lio diana, na mo ola mwala e sai haꞌamaꞌu eeni, na mo ola e malisine lahenga haahiꞌi, na taꞌena nga mei ola e diana loꞌu liutaa urine.

Uusu-uusu A Pol Hurula'aa Hunie Mo Rom 12:17

Mala uri nga iini ko deu aaelasie nga mei ola takoiꞌomu, omu ke suꞌuri oolisie loꞌu eelihoꞌi hunie. Suli maholo omu ke asuie mola nga taa e oodo na e lio diana i maana ahutana mwala.

Jiud 1:23

Na hunie mo iini kire ko lae takalo, omu ke haꞌa-uurire aani weꞌinilada mwaanie eeso-eesohaꞌana dunge ni haꞌamotaahinge nge kire ko lae takoie ngeena. Omu ke haataꞌinie noꞌone aamasinge hunire, taꞌe omu ke lio talamiu mwaanie kire waꞌiniꞌomu loꞌu i sulie mo tala ni oorahaꞌaa ikire.

1 Korinit 8:13

Aena urinena, maeni eesiku, mala uri ngaulana nga mei ngeulaa ko aaela oto hunie aasiku, nge nou saꞌa ngau hikeni loꞌu mala no ko meu-meuri ue, aena aana nou kaꞌa sare dau huꞌisie ike aasiku hunie ke domu i laona oorahaꞌaa.

1 Tesalonaeka 4:12

Aana omu kei deu urine nge hule aana mwala ni puꞌo na kire ke si haꞌamaꞌu eemiu, na omu saꞌa sare sukaa ike loꞌu nga mei ola mwaanie nga iini.

1 Tesalonaeka 5:21

Taꞌe omu ke holaꞌi lei diana aana kaꞌu ahutana mo haꞌa-uusulinge. Oto omu ke si lulu i sulie mo iini diana,

1 Tesalonaeka 5:23

No ko aarea God nge ko nii-niie hanuelamanga hunikie uri ke da hunie omu ke iiꞌo maaꞌi taꞌingelu. Na no ko aarea hunie uri ke kinetaꞌiniꞌomu oto taꞌingelu, hunie loꞌongaꞌinge iꞌomu, na maurihaꞌamiu, na sapemiu ke mani iiꞌo sapemawa mwaanie taꞌena nga ola tataꞌala maholo Aalaha ikie a Jisas Kraes kei ooli loꞌu mei.