1 Tesalonaeka 4:13 - Tataroha Diana

¹³ Maeni eesiku maaꞌi, saemeelu uri omu ke sai diana aana nga taa kei reu aana mo iini nge kire mae oto. Mwaanie omu sae-saehuu mala mo iini e puꞌo nge kire kaꞌa norutoꞌo ike aana a God.

1 Tesalonaeka 4:13 Referans Kwoze

1 Tesalonaeka 5:10

A Jisas e mae honotaka uri hunie ke haꞌa-uurikie hunie uri kie ke lae iiꞌo ruru peꞌie aana maholo kei ooli loꞌu mei, maꞌalana uri kie ke mae oto wa kie ke mauri ue aana maholona.

1 Tesalonaeka 4:15

Oto nga taa nge melu ko unu-unue huniꞌomu ienini, e lae oto mola i sulie haꞌa-uusulinge a Aalaha ikie. E unue uri ikie mo iini nge kie ko meu-meuri ue aana maholo a Aalaha kei ooli mei, kie saꞌa lae ike taꞌau i Lengi i naꞌo aana mo iini nge kire mae oto. !Haꞌike!

Epesas 2:12

Na holaꞌinaꞌo iꞌomu mo puꞌo toꞌohuu taane, aana omu tohungei haꞌataulie a Kraes oto hiitoꞌo, na iꞌomu haꞌike aana poꞌo ni iinoni nge a God e lio hilisie nana maraana. Aana maholona, omu iiꞌo mola poꞌoi sinaha mwaanie mo heiholotaꞌinge nge a God e unuꞌi mei hunie mwala ingeie. Na omu iiꞌo oto mola mwaakule aana walumalau ienini, na omu kaꞌa toꞌo aana ike loꞌu nga mei ola diana huni maaꞌoohie, na hule aana omu kaꞌa saie ike noꞌone a God.

2 Pita 3:4

na kire kei unue uuri, “?A Jisas oto i tei? ?Mwane nge e unue uri kei ooli loꞌu mei, ingeie oto i tei? Mo naꞌohai mwane iꞌomu weu i naꞌo ngeena, kire mani mae oto, taꞌe ahutana walu ola ngeena kire mani sada mola mala maholo a God e haꞌaholaa walumalau.”

1 Korinit 15:6

Oto e heꞌi haataꞌi loꞌu i puri aana mo iini hunge. Ngaeta maholo e haataꞌi aana e liue e lime tangalai iinoni nge kire lulu i sulie, na kire mani leesie. Mo iini hunge aana mwalana kire mauri taane ue siꞌiri, maꞌalana uri nga mo iini e mae taane oto.

Palonga 7:60

Oto e pouruuru hai aano ko si soi peine, ko teꞌuri, “Aalaha, o ke suꞌuri suꞌue loꞌu mei oorahaꞌaanga ienini hunire.” E ere urine mola, na ko mae oto.

2 Korinit 1:8

Maeni eesiku maaꞌi, melu saetoꞌo aana uri omu ke sai diana aana mei siꞌohaꞌanga nge e hite kaꞌu aameelu weu aana poꞌo ni henue i Esia uri e hiꞌeiꞌemeelu oto liutaa, na e tohungei aasa oto hiitoꞌo huniꞌemeelu hule aana melu loꞌo-loꞌongaꞌinie oto uri melu ke maesie mola.

1 Korinit 10:1

Maeni eesiku maaꞌi, saeku uri omu ke aamasitoꞌo kaꞌu aana mo weuwaka nge kire lulu i sulie a Mosis wau i naꞌo. Maholo kire iisitaa kaꞌu mwaanie Ijip, ahutada kire mani oꞌoꞌo i mamalutana mei uuru a God e haꞌatolaa mai huni naꞌoda, na kire mani liu holosie Aasi Nonoroꞌa mola aana aeꞌaeda.

Uusu-uusu A Pol Hurula'aa Hunie Mo Rom 1:13

Maeni eesiku maaꞌi, omu ke saie mola uri mo maholo hunge oto no ko loꞌongaꞌi huni maatoliꞌomu, taꞌe mo ola oto hunge ko talei liu-liu honosieu mola tarau. Nou lae hule aana mo henue oto hunge huni peꞌie mwala hunie kire ke hiiwalaimoli aana Jisas, na saeku hunie uri ne ke teꞌurine noꞌone wau aana hanue iꞌomu.

Palonga 13:36

Na kolu meni saie oto uri mei wala ienini e kaꞌa ere ike i sulie a Deved Inemauri. Aana kolu saie maholo a Deved e mauri ue, e dau i sulie nga taa a God e unue hunie ke asuie. Taꞌe maholo e mae, kire haitolingeꞌinie i saana mo weuwana na sapena e kasu oto.

Tataroha Diana I Sulie A Jisas Kraes Nge A Jon E Uusue 11:24

A Maata e aalamie a Jisas oto ko teꞌuri, “Nou saie taane uri kei taꞌelaꞌi na kei meuri loꞌu aana dinge ooreta.”

2 Pita 3:8

Oto iꞌomu, maeni eesiku maaꞌi, taꞌa-taꞌa mei ola mola omu ke aamasitoꞌo aana loꞌu. Omu ke saie uri Aalaha ikie e kaꞌa loꞌongaꞌinie ike uri taꞌa-taꞌa hai dinge nga maholo oꞌoruꞌe, wa uri sinolai helisi nga maholo tewa. !Haꞌike! Taꞌe kire tewa sada mola i maana.

Matiu 27:52

Mo kilipweꞌu kire taha, na mo iini hunge aana mwala a God nge kire mae oto waite, kire taꞌelaꞌi oto loꞌu mwaanie maenga.

1 Korinit 12:1

Oto maeni eesiku maaꞌi, saeku hunie omu ke sai diana aana walaimolinge i sulie mo niinge ni Liꞌoa Maaꞌi nge omu dolosi keꞌu i suliꞌi.

Epesas 2:3

Oto wau i naꞌo, ahutaka kie mani oꞌoꞌo taane noꞌone mala mwala ngeena. Kie talei lae-lae oto mola i sulie saeka aani deu i sulilana nga taa sapeka na loꞌongaꞌinge ikie e saetoꞌo aana. Oto e malisine mola uri a God ke haꞌaloikie mala e sai esuie aana taꞌena nga iinoni.

1 Tesalonaeka 4:14

Aana ikie, kie hiiwalaimoli uri a Jisas e mae na e taꞌelaꞌi loꞌu. Oto aena urine nge kie ke hiiwalaimoli noꞌone aana uri a God kei taꞌea loꞌu peꞌie a Jisas mo iini kire mae oto nge kire hiiwalaimoli aana.

1 Tesalonaeka 5:6

Oto kie ke suꞌuri urihana mwala aana rodohono ni welumalau nge kire ko talei maꞌa-maꞌahu mola, taꞌe kie ke iiꞌo aakau mola tarau loosie a Aalaha mala mo iini kire ko lio-lio diana taraureꞌi na kire kaꞌa inu wei ni pweu ike.