1 Tesalonaeka 3:8 - Tataroha Diana

⁸ Tolahiꞌanga e wae-waeliꞌemeelu keꞌu, taꞌe ie melu meuri loꞌu mola aana melu rongoa oto uri omu ko uure maꞌutaꞌa taane peꞌie hiiwalaimolinge iꞌomu aana Aalaha.

1 Tesalonaeka 3:8 Referans Kwoze

Kolosi 1:23

Taꞌe kei toꞌohuu urine aamiu mola mala uri omu ko tohungei uure aꞌailaꞌa taraꞌasi aani hiiwalaimolinge peꞌi norutoꞌonga, na omu ke maaꞌoohi susutoꞌo mola hunie haiholotaꞌinge a God huniꞌomu nge omu rongoa oto aana Tataroha Diana. Na nou hiiwalaimoli kei toꞌohuu oto urine aamiu. Na tarohaꞌinilana taꞌa-taꞌa Tataroha Diana ngeena ko lae aana taꞌena nga leu i laona walumalau, na ineu a Pol, nou neꞌie koni-konihe aana Tataroha Diana ngeena huni lae peꞌie laeliwalanga aana.

1 Korinit 16:13

Omu ke lio talamiu na omu ke hiiwalaimoli ngaingedi. Omu ke suꞌuri meꞌu, taꞌe omu ke uure maꞌutaꞌa.

Haataꞌinge 3:11

E saꞌa tewa na ne kei ooli loꞌu mei. Omu ke hele maꞌutaꞌa aana hiiwalaimolinge omu toꞌo aana oto, mwaanie nga iini e haꞌamweꞌu-mweꞌuꞌomu mwaanie waaitemiu.

Hibru 10:23

Kie ke lae peꞌi hele maꞌutaꞌa aana maaꞌoohinge susutoꞌo hunie walu ola nge kie ko unue uri a God e haiholotaꞌiniꞌi hunikie, aena aana kie sai norutoꞌo aana God, iini e haiholotaꞌinie walu olana.

Hibru 4:14

Kie toꞌo aana oto nga Hahuꞌana Naꞌohai Pris nge e nanama liutaa, na e lae oto i laona Hahuꞌana Leu Maaꞌi taꞌau i Lengi, na ingeie oto a Jisas, Kalena God. Oto kie ke hele maꞌutaꞌa aana hiiwalaimolinge aana.

Pilipae 1:21

Ineu, nou loꞌongaꞌinie uri mala no ko meu-meuri ue, na ne kei esu liutaa mola ue nana a Kraes. Na mala uri no ko mae oto, na e si diana loꞌu liutaa eena aena aana ne kei iiꞌo oto peꞌie a Kraes taꞌau i Lengi.

Haataꞌinge 3:3

Omu ke loꞌongaꞌi diana mola i sulie mo wala diana kire unuꞌi keꞌu huniꞌomu na omu rongoꞌi oto, hunie omu ke hele i suliꞌi, na omu ke aaliꞌu mwaanie mo tolahai ola aaela iꞌomu. Taꞌe mala omu kaꞌa taꞌelaꞌi oto na omu ke aaliꞌu mwaanie tolahai ola aaela ngeena, ne kei lae mai mala iinoni peli-peli hule aana omu kei aparaꞌi eeku mola aana kele maholoi sato ne kei hule huni haꞌaloilemiu.

Hibru 3:14

Aana kie kei meni aalaha peꞌie a Kraes mala uri kie kei hele susuleꞌi mola aana hiiwalaimolinge nge kie holaꞌi hele aana lae hule i haꞌamangolana.

Epesas 3:17

na hunie a Kraes ke iiꞌo susu i laona manatamiu aani hiiwalaimolinge aana. No ko eitanai talamiu uri manata-diananga a Kraes huniꞌomu ke neꞌi imi-imine mauringe iꞌomu hunie omu ke uure maꞌutaꞌa.

Palonga 11:23

Na maholo e lai hule wau i Antiok ko si tohungei ilenimwaꞌe aana e leesie uri a God e haꞌadianaꞌara oto. Na ko si tohungei deu rarahire uri kire ke lulu i sulie oto Aalaha ikie toꞌohuu taraureꞌi.

2 Pita 3:17

Taꞌe iꞌomu, maeni eesiku maaꞌi, omu saie oto mo wala ngeena. Oto omu ke lio talamiu maraamiu, mwaanie omu lae takalo i sulie mo haꞌa-uusulinge mo iinoni tataꞌala. Nou sereꞌinie omu ke domu mwaanie leu diana omu uure puu oto aana karaꞌinie a God.

1 Pita 5:10

Maholo ienini, omu ko sapesalu mola hunie kele maholo oꞌoruꞌe, taꞌe a God e manata diana huniꞌomu oto liutaa. Ingeie ni oto e soiꞌomu huni lado peꞌie a Kraes na huni iiꞌo peꞌie aana manikuluhaꞌana nge e saꞌa mango ike loꞌu aana taꞌena nga maholo. Oto a God maraana kei haꞌasusue taane hiiwalaimolinge iꞌomu na kei niie nanamanga huniꞌomu hunie omu ke uure maꞌutaꞌa tarau mala iini e neꞌi rato oto aana oodo-oodonga.

Pilipae 4:1

Maeni eesiku maaꞌi, nou manata diana huniꞌomu toꞌohuu, na saeku uri ne ke tohungei lae kaꞌu mei leesiꞌomu. Iꞌomu oto domana rorodara manikuluꞌe nakue, na no ko tohungei ilenimwaꞌe hiitoꞌo haahiꞌomu. Oto aena aana walu ola urine, maeni eesiku maaꞌi, nge omu ke iiꞌo susu mola peꞌie hiiwalaimolinge aana a Aalaha.

Pilipae 1:27

Oto maꞌalana uri ne ke lae loꞌu mei leesiꞌomu wa haꞌike, taꞌe tolahamiu ke oodo oto malisine Tataroha Diana a Jisas Kraes. Na nou sare rongoa uri omu ke mani esu loko-loko taane peꞌie taꞌa-taꞌa mei sae aani helinge honosie mo iini ko sare dau tekelaꞌinie hiiwalaimolinge aana Tataroha Diana.

1 Korinit 15:58

Aena urinena, maeni eesiku maaꞌi, omu ke uure maꞌutaꞌa mola na omu ke suꞌuri esu oolo-oolo. Omu ke asu susuleꞌi mola nana Aalaha ikie. Aana omu saie oto uri nga taꞌa-taꞌa mei ola omu ko euꞌesuie nana Aalaha, e saꞌa mango ike mola mwaakule.

Tataroha Diana I Sulie A Jisas Kraes Nge A Jon E Uusue 15:7

Mala uri omu ke iiꞌo susu oto aaku na walaku ke iiꞌo susu oto aamiu, nge omu sai sukaa taꞌena nga mei ola saemiu hunie, na niilana kei lae oto huniꞌomu.

Tataroha Diana I Sulie A Jisas Kraes Nge A Jon E Uusue 15:4

Omu ke iiꞌo susu oto aaku, na ineu ne kei iiꞌo susu oto noꞌone aamiu. Nga sasarai ola e saꞌa hungu ike aani hue-huei ola mola maraana, na oto e kaꞌa lado aana tohungana ai. Oto e urine loꞌu aana iꞌomu, aana omu saꞌa hungu ike aani hue-huei ola na oto omu kaꞌa iiꞌo aaku.

Kalesia 5:1

A Kraes e luhesikie oto uri hunie kie ke suꞌuri iiꞌo loꞌu i mamalutana mo Haꞌatolanga a Mosis. Oto omu ke uure maꞌutaꞌa na mwaanie omu toliꞌaasie nga iini e da omu heꞌi neꞌi koni-konihe loꞌu nana mo Haꞌatolanga.

Tataroha Diana I Sulie A Jisas Kraes Nge A Jon E Uusue 8:31

Oto a Jisas ko si teꞌuri hunie mo Jiu nge kire unue kire hiiwalaimoli aana ngeena, “Mala uri omu kei lulu i sulie mo haꞌa-uusulinge ineu, nge omu ke si neꞌi pwaarongoisuli ineu oto toꞌohuu.

1 Tesalonaeka 3:7

Iau, maeni iinoni maaꞌi, maꞌalana melu ko siꞌohaꞌa peꞌi sapesalunge oto ie, taꞌe tataroha uri omu hiiwalaimoli oto taraꞌasi aana a Kraes urine e tohungei haꞌasusuꞌemeelu na melu ko hii diana loꞌu.