1 Tesalonaeka 3:2 - Tataroha Diana

² na huni uusungeꞌinie mola wau aasikaelu a Timoti hunie ke ere haꞌasusuꞌomu na ke haꞌa-aꞌailaꞌaa hiiwalaimolinge iꞌomu. Aana ingeie noꞌone ko esu nana God aani laeliwalanga aana Tataroha Diana i sulie a Kraes.

1 Tesalonaeka 3:2 Referans Kwoze

Pilipae 1:25

Nou sai diana aana uri kei urine oto toꞌohuu. Na nou saie oto uri ne kei iiꞌo mola ue peꞌiꞌomu, hunie ne ke haꞌasusue hiiwalaimolinge na ilenimwaꞌenga iꞌomu.

2 Korinit 8:23

Omu saie mola uri a Taetas, ingeie a oaku ni ngeena na ko esu tararuru peꞌieu hunie peꞌilemiu. Na ngaeta ro aasikaelu nge kirerue ko lae-lae peꞌie, ikirerue oto e ro hurulaꞌaa mo soihaadaꞌinge ni ngeena, na asunge ikirerue ko haꞌamanikuluꞌaa satana Kraes.

2 Korinit 1:19

aena aana no ko lulu i sulie tolahana a Jisas Kraes. Ingeie oto Kalena God, nge iꞌemeelu a Saelas na a Timoti, melu tarohaꞌinie huniꞌomu, na omu meni saie oto uri ingeie e kaꞌa unue “Iau” hunikie, na ko tolana unue loꞌu “Haꞌike.” Taꞌe i tehulaꞌana a Kraes mone, a God ko unu-unue “Iau” hunikie mo iinoni,

2 Korinit 1:1

Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa nana a Jisas Kraes. Iꞌemereꞌi aasikaelu a Timoti, nge ni mere ko uusu-uusu hao huniꞌomu mwala aana soihaadaꞌinge a God hao i Korinit, na noꞌone hunie ahutana mo iinoni maaꞌi a God aana taꞌena nga leu hao i laona poꞌo ni henue iꞌomu i Akaea.

Uusu-uusu A Pol Hurula'aa Hunie Mo Rom 16:21

Oaku a Timoti nge mere ko esu tararuru, ko niie loꞌu mei wala ni saediananga wau huniꞌomu. Na a Lusias na Jeson na a Sosipata nge ikire ngaeta oolu mwane ni Jiu noꞌone mala ineu, kire ko meni niie mei wala ni saediananga noꞌone wau huniꞌomu.

Palonga 16:5

Oto hiiwalaimolinge mo soihaadaꞌinge ko si susu, na suli dinge mwala haalu ko sili loꞌu mei i laona soihaadaꞌinge.

Palonga 16:1

Kira Pol kire lai hule wau aana huilume i Debe, oto purihaꞌana kire si lae loꞌu hunie huilume i Listra nge kire oodoie ngaeta pwaarongoisuli a Jisas, satana a Timoti. Aamana mwane aana mo Aapoloa Aaopa, taꞌe nikana keni ni Jiu nge ko lulu i sulie a Jisas.

1 Tesalonaeka 3:13

Melu ko eitanai uri saemiu ke susu aani loꞌongaꞌinge diana, na omu ke iiꞌo maaꞌi, na mwaanie nga iini e pwelu wala i lengimiu, hunie maholo Aalaha ikie a Jisas kei ooli mei peꞌie mo iinoni maaꞌi ingeie, na omu ke suꞌuri masa ni uure i naꞌona God Aamaka.

Kolosi 4:12

A Epapras noꞌone ko niie wau mei wala ni saediananga huniꞌomu. Ingeie nga koni-konihe toꞌohuu a Kraes Jisas na ngaeta iini eemiu. Ingeie ko esu namiu tarau aani eitanailana a God hunie omu ke sai diana aana walu ola a God e saetoꞌo aana omu ke asuiꞌi, na hunie omu ke asuiꞌi oto toꞌohuu mala mo rato aana tolahana Kraes.

Kolosi 4:9

Malahukaelu diana a Onesimas ko lae noꞌone wau peꞌie, na ingeie omu sai diana aana oto, aana ingeie ngaeta iini oto noꞌone aamiu. Oto kirerue ke si haꞌarongoꞌomu aana nga moi taa ko reu-reu mei i leu.

Kolosi 1:7

Omu rongoa walu ola ngeena mwaanie a Epapras, iini melu tohungei manata diana hunie mala ngaeta koni-konihe a Kraes peꞌiꞌemeelu. Ingeie ngaeta mwane ni nou-norue na ko esu loko-loko peꞌiꞌemeelu tarau huniꞌomu.

Kolosi 1:1

Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa nana a Jisas Kraes. Iꞌemereꞌi aasikaelu a Timoti

2 Korinit 2:13

Taꞌe nou tohungei tolahiꞌe mola aena aana nou kaꞌa rongoa ike nga mei wala i suliꞌomu aana nou kaꞌa oodoie ike aasikaelu a Taetas hunie ke haꞌarongoau. Oto nou ere ni saediananga mola peꞌie mwala i leune, nge nou si toliꞌaasire, na nou aatoholo mai hunie poꞌo ni henue i Masedonia aana nou heitalea nga mei wala diana i suliꞌomu.

1 Korinit 4:17

Aena leune mone no ko uusungeꞌinie wau a Timoti i seemiu. Ingeie domana oto a kaleku toꞌohuu na ko esu diana nana Aalaha paine ikie. Ingeie ke si haꞌananauꞌomu loꞌu aana mo haꞌatolanga nge nou lae peꞌi laeliwala aani i sulie mo soihaadaꞌinge aana taꞌena nga leu no ko lae-lae aana.

Palonga 18:5

Oto maholo a Saelas na a Timoti kirerue hule mai saana a Pol aana kirerue uure i Masedonia, a Pol ko si aehota tarohaꞌinie Tataroha Diana mola i suli dinge. Na ko tarohaꞌinie hunie mo Jiu uri a Jisas oto a Kraes, a Haꞌa-uuri nge a God e haiholotaꞌinie kei lae mai.

1 Korinit 3:10

A Jisas Kraes oto poo-pootana nume ngeena, na nga poo-poota aaopa hunie nga iini ke neꞌie loꞌu, haꞌike oto ooꞌoo. A God e niie mai nanamanga hunieu, hunie ne ke neꞌie mwane saenanau diana aana tohu-numanga. Oto ineu nge nou neꞌie poo-pootana nume ngeena, na ngaeta mo mwane ko si tohu nume i lengine. Taꞌe kire ke lio talada mola hunie kire ke tohu diana aana nume ngeena.

2 Korinit 2:12

Maholo nou hule wau aana huilume i Troas huni laeliwala aana Tataroha Diana i sulie a Kraes, nou deu oodoie uri a Aalaha e tahanie oto maa talana asunge ngeena hunie ke lae diana i leune.

1 Tesalonaeka 3:5

Aena mei olana nge nou tohungei tolahiꞌe aana, na nou uusungeꞌinie oto wau a Timoti hunie ke lae oto wau i leesie hiiwalaimolinge iꞌomu e uri taa. Aana nou maarara mwaanie uri omu domu aana maholo a Pwelu Eero-eero e malaahongamiu, na urine asunge iꞌemeelu namiu e totowai mola.