1 Tesalonaeka 2:4 - Tataroha Diana

⁴ !Haꞌike! A God e lio hilisiꞌemeelu oto na e norutoꞌo oto aameelu uri melu melisine oto tarohaꞌinilana Tataroha Diana. Oto maholo melu ko ere, melu kaꞌa ere ike mola i sulie saena mwala, taꞌe oto i sulie saena God, iini e saenanau uri melu ke asu toꞌohuu nana, na e lio hilisiꞌemeelu huni esu nana.

1 Tesalonaeka 2:4 Referans Kwoze

Kalesia 1:10

?Uri no ko ere urine aana no ko sare da mola mwala ke saetoꞌo aaku? ?Wa ohe omu loꞌongaꞌinie uri no ko sare haꞌasaedianaꞌaa mola mo iinoni? !Haꞌike oto ooꞌoo! Mala uri no ko sare haꞌasaedianaꞌaa mola mo iinoni, nge e tohungei aasa hunie ne kei neꞌi mwane auꞌesu nana a Kraes. Taꞌe ineu, no ko sare haꞌasaedianaꞌaa mola a God.

Uusu-uusu A Pol Hurula'aa Hunie Mo Rom 8:27

Taꞌe a God e saie mola neꞌisaenga ikie mo iinoni, na e saie taane loꞌongaꞌinge Liꞌoa Maaꞌi maholo ko aarengaꞌi talaka mo iinoni a God, aana Liꞌoa Maaꞌi ko aarengaꞌi talaka aana tohungana tala nge a God e saetoꞌo aana.

Kalesia 2:7

Oto kire lio saie mola uri a God e niie oto Tataroha Diana hunieu uri huni tarohaꞌinie hunie mo Aapoloa Aaopa. A God e niie oto mei esunge ngeena hunieu mala e niie kaꞌu hunie a Pita mei esunge aani tarohaꞌinilana Tataroha Diana hunie mo Jiu.

2 Timoti 1:14

Aana a God e niie oto walaimolinge diana i sulie a Jisas ngeena namue. Oto o ke lio i suli diana aana, na a Liꞌoa Maaꞌi i lalo aaka kei peꞌiꞌo.

Epesas 6:6

Mwaanie omu totola i sulire mola aana maholo kire ko lio-lio uri hunie omu ke haꞌa-olara mola. Taꞌe omu ke dau aahonga oto tarau huni esuie nga taa a God e saetoꞌo aana, aena aana iꞌomu mo koni-konihe a Kraes.

Taetas 1:3

Oto aana tohungana maholo hunie, a God a Haꞌa-uuritaka e haataꞌinie Tataroha Diana, na e unue hunieu hunie ne ke tarohaꞌinie Tataroha Diana ngeena hunie ahutana mwala.

Epesas 3:8

Maꞌalana uri nou mwai-mwei loꞌu mwaanie ahutana mwala a God, a God e tohungei diana oto hunieu, hule aana e niie mei esunge ngeena hunieu. E uusungeꞌinieu weu i saana mwala nge ikire nga mo Jiu haꞌike, huni tarohaꞌinie Tataroha Diana i sulie mo tohungei ola diana nge a Kraes e niiꞌi hunikie—mo ola nge kire diana oto liutaa mwaanie taꞌena nga ola kie sai loꞌongaꞌiniꞌi.

2 Korinit 4:2

Melu ko tarohaꞌinie a Kraes mola aana mo tolahai ola diana, na melu toliꞌaasie oto taꞌena nga tolahai ola aaela huni tarohaꞌinie. Melu kaꞌa tarohaꞌinie ike a Kraes aana mo tolahai ola e kaꞌa malisi, wa aana mo tolahai ola mumuni, wa aana mo tolahai ola nge ko esuie masanga. Melu kaꞌa haꞌa-olaa ike nga mo iini aani eeronga, na melu kaꞌa sai huꞌisie ike walana God. !Haꞌike oto ooꞌoo! Taꞌe melu ko lae peꞌi unu tahangaꞌinie mola walaimolinge haliꞌite i maana God, hunie ahutana mwala kire ke lio saie uri melu ko ere toꞌohuu.

1 Korinit 9:17

Na mala uri ineu maraaku ne ke lio hilisie mei esunge ienini, haꞌalaa waaiteku kei lae oto hunieu. Taꞌe aena aana nou kaꞌa lio hilisie ike, nge no ko esuie mola nga taa a God e dau rarahieu hunie.

Tataroha Diana I Sulie A Jisas Kraes Nge A Luk E Uusue 16:11

Oto mala uri omu kaꞌa sai lio i suli diana aana toꞌo-toꞌonga ni welumalau, nga iini e saꞌa roroꞌa toliꞌaasie ike hunie omu ke lio i sulie toꞌo-toꞌonga toꞌohuu ni Lengi.

Haataꞌinge 2:23

Na ne kei horo maesie noꞌone mo iini ko lulu i sulie, hunie ahutana mo soihaadaꞌinge kire ke saie uri ineu oto nou lio saie mola ahutana neꞌisaenga na hari-huninge mo iinoni. Na ne ke si waaie huniꞌomu, nga iini oto maraana i sulie asunge ingeie.

Hibru 4:13

Taꞌe-taꞌena nga ola haꞌaholalana e lae, mumunilana e saꞌa roroꞌa lae ike mwaanie maana God. Aana ingeie ko toꞌo-toꞌomaaie mola ahutana walu ola ngeena, na kire mani iiꞌo haadaꞌi mola i maana. Na aana nga dinge, kie kei saronai unu haadaꞌi mola aana oodoie taꞌe-taꞌena nga ola nge kie asuiꞌi.

1 Timoti 6:20

E Timoti, o ke lio i suli diana aana nga taa nge a God e norutoꞌo aamu hunie o ke asuie. O ke suꞌuri aapwasu aana mo ere-erenga honosie a God, na o ke iiꞌo mwaanie ere haitelilinge aana nga taa nge kire haaraꞌi eero-eero aana uuri, “sai-olanga.”

Kolosi 3:22

Iꞌomu mo koni-konihe, omu ke tola i sulie mo poro paine iꞌomu aana ahutana walu ola, kaꞌa ike mola aana maholo kire iiꞌo peꞌiꞌomu. Taꞌe omu ke asu diana nada tarau peꞌi saediananga, aena aana omu ko haꞌamaꞌu aana a God.

2 Korinit 5:11

Oto aana melu saie uri dinge ni leinge ngeena mei ola ni meꞌunge oto paine, nge melu ko eriꞌapasie huni peꞌie mwala hunie kire ke aaliꞌu na kire ke hiiwalaimoli aana a Jisas. A God e sai diana aameelu uri melu ko esu toꞌohuu taane nana, na nou tohungei heri hunie uri iꞌomu noꞌone omu ke sai diana aameelu loꞌu urine.

2 Timoti 2:2

O rorongoa oto mo haꞌa-uusulinge ineu hunie mwala. Oto saeku uri taꞌa-taꞌa taungei olana loꞌu mola nge iꞌoe noꞌone o ke haꞌa-uusulie mwala aani. Na oto liutaa, o ke haꞌa-uusuli aana mo ola ngeena hunie mo mwane ni nou-norue nge o saie uri ikire noꞌone kire sai haꞌa-uusulie ngaeta mwala loꞌu eeni.

2 Korinit 5:16

Oto maholo ienini neꞌisaenga ikie i sulie mwala e hai-oolisi oto, na kie kaꞌa loꞌongaꞌi ike i sulie nga iini i sulie tolahai iinoni ni welumalau. E toꞌohuu taane uri kie lio toli keꞌu aana a Kraes i sulie tolaha ni iinoni urine holaꞌinaꞌo, taꞌe maholo ienini kie kaꞌa sai teꞌurine ike loꞌu.

1 Korinit 7:25

Hoe. Omu dolosi noꞌone i sulie mo mwane na mo keni nge kire iiꞌo pupupu. A Aalaha e kaꞌa niie ike nga mei haꞌatolanga i sulire, taꞌe ne kei unue mola neꞌisaenga ineu maraaku. Na aena aana a Aalaha e aamasieu na e manata diana hunieu, oto e neꞌieu hunie nga iini nge omu sai norutoꞌo aana.

Tataroha Diana I Sulie A Jisas Kraes Nge A Jon E Uusue 21:17

Oto oolune nga maholo a Jisas ko heꞌi unue loꞌu hunie a Pita uuri, “?Saemon, kalena Jon, uri o manata diana taane hunieu?” Oto a Pita ko si saehuu oto hiitoꞌo aana a Jisas ko dolosi haꞌa-oolu oto aana uuri, “?O manata diana taane hunieu?” Oto e aalamie a Jisas, ko si teꞌuri, “Aalaha ineu, o manataꞌinie oto walu ola, na o saie kaꞌu oto uri nou manata diana huniꞌo.” A Jisas e aalamie oto ko si teꞌuri hunie, “O ke nii-nii ana mo sipu ineu.

Tataroha Diana I Sulie A Jisas Kraes Nge A Luk E Uusue 12:42

Oto a Jisas ko aalamie a Pita uuri, “No ko unue huniꞌomu na hunie taꞌena nga iini e saenanau. ?Aana a tei kaꞌu e saenanau na e neꞌi koni-konihe diana? Ingeie oto iini nge aalaha ingeie e neꞌie hunie ke lio i sulie ngaeta mwala auꞌesu aana maholo ko lae, na hunie ke nii-niie waaitada hunire i suli maholo.

2 Korinit 2:17

Mo iini oto hunge ko lupweꞌi tarohaꞌinie walana God, taꞌe kire kaꞌa asu toꞌohuu ike, aena aana saeda mola hunie kire ke tari toꞌoha aana. Taꞌe iꞌemeelu, melu aaopa oto mwaanire aana melu ko tarohaꞌinie walana God aani sae manola peꞌie nanamanga a Kraes. Na melu saie uri a God nge e uusungeꞌiniꞌemeelu mala mo koni-konihe ingeie, na ko toꞌo-toꞌomaaie taane nga taa melu ko euꞌesuie.

1 Pita 4:11

Taꞌena nga iini eemiu nge a God e niie oto nanamanga nana huni laeliwala, nge ke laeliwala oto mola i sulie mo wala nge a God e niiꞌi mei hunie. Na taꞌena nga iini eemiu nge a God e niie nanamanga huni peꞌie mwala, nge ke peꞌie mwala oto toꞌohuu aana nanamanga nge a God e niie hunie. Oto i tehulaꞌana mo esunge diana urine, mwala e sai paalahea God aana satana Jisas Kraes. Na ingeie oto e toꞌo aana ahutana manikuluꞌanga na sakanga oto di, oto di. Iau, ke urine oto.