1 Tesalonaeka 2:19 - Tataroha Diana

¹⁹ Iau, melu tohungei sare hule i seemiu loꞌu, aena aana melu tohungei norutoꞌo aamiu uri aana maholo a Jisas Aalaha ikie kei ooli mei, taꞌe omu sai uure maꞌutaꞌa mola, na melu sai ilenimwaꞌe haahiꞌomu hule aana melu uure aana totomwameelu.

1 Tesalonaeka 2:19 Referans Kwoze

Pilipae 4:1

Maeni eesiku maaꞌi, nou manata diana huniꞌomu toꞌohuu, na saeku uri ne ke tohungei lae kaꞌu mei leesiꞌomu. Iꞌomu oto domana rorodara manikuluꞌe nakue, na no ko tohungei ilenimwaꞌe hiitoꞌo haahiꞌomu. Oto aena aana walu ola urine, maeni eesiku maaꞌi, nge omu ke iiꞌo susu mola peꞌie hiiwalaimolinge aana a Aalaha.

1 Tesalonaeka 3:13

Melu ko eitanai uri saemiu ke susu aani loꞌongaꞌinge diana, na omu ke iiꞌo maaꞌi, na mwaanie nga iini e pwelu wala i lengimiu, hunie maholo Aalaha ikie a Jisas kei ooli mei peꞌie mo iinoni maaꞌi ingeie, na omu ke suꞌuri masa ni uure i naꞌona God Aamaka.

Pilipae 2:16

aani laeliwalanga nada aana mei wala nge e sai niie maurihe huu hunire. Na mala uri omu ko teꞌurine, nge ne kei tohungei ilenimwaꞌe aana hai dinge a Kraes kei ooli mei, aena aana ne kei saie uri nou kaꞌa huru mwaakule ike taane aana asunge ineu i matolamiu.

1 Tesalonaeka 5:23

No ko aarea God nge ko nii-niie hanuelamanga hunikie uri ke da hunie omu ke iiꞌo maaꞌi taꞌingelu. Na no ko aarea hunie uri ke kinetaꞌiniꞌomu oto taꞌingelu, hunie loꞌongaꞌinge iꞌomu, na maurihaꞌamiu, na sapemiu ke mani iiꞌo sapemawa mwaanie taꞌena nga ola tataꞌala maholo Aalaha ikie a Jisas Kraes kei ooli loꞌu mei.

1 Korinit 15:23

Taꞌe nga iini ni e lae-lae oto i sulie maholo ingeie. A Kraes oto e holaꞌi taꞌelaꞌi mwaanie maenga, na maholo kei ooli loꞌu mei, nge ikie mwala ingeie kie ke si taꞌelaꞌi loꞌu.

Matiu 16:27

Taꞌe ineu a Kale Ni Iinoni ne kei lae taane mai peꞌie mo ensel aana manikuluhaꞌana Aamaku huni waaie nga iini oto i sulie helelana. Sam 62:12

1 Jon 2:28

Iau, maeni mwela ineu, omu ke iiꞌo susu oto i lalo aana a Kraes, uri hunie maholo kei ooli mei, kie ke suꞌuri meꞌu na kie ke suꞌuri masa i maana.

Haataꞌinge 22:12

Oto a Jisas ko teꞌuri, “Omu ke rongo kaꞌu. E saꞌa tewa na ne kei ooli loꞌu mei. Na ne kei toolea noꞌone mai waaitana mwala huni waaire oto i sulie nga taa iinoni e asuie.

Haataꞌinge 1:7

!Lio kaꞌu! Ko lae oto mai taꞌaune peꞌie mei uuru, na taꞌena nga maa kei leesie, hule aana oto noꞌone mo iini nge kire otomie. Na ahutana mwala mai aano kei ngara maholo kire kei leesie. Iau, ke urine oto.

Taetas 2:13

Na kie ko maaꞌoohi susutoꞌo mola hunie hai dinge nge mei ola e diana oto liutaa na e tohungei menikuluꞌe kei reu, hai dinge nge kie hiiwalaimoli uri hahuꞌana God ikie a Jisas Kraes kei haro ooli loꞌu mei aana. Ingeie oto a Haꞌa-uuritaka

1 Tesalonaeka 4:15

Oto nga taa nge melu ko unu-unue huniꞌomu ienini, e lae oto mola i sulie haꞌa-uusulinge a Aalaha ikie. E unue uri ikie mo iini nge kie ko meu-meuri ue aana maholo a Aalaha kei ooli mei, kie saꞌa lae ike taꞌau i Lengi i naꞌo aana mo iini nge kire mae oto. !Haꞌike!

Jiud 1:24

Oto kie ke haꞌamanikuluꞌaa iini e nanama na e sai kakalikie mwaanie kie domu i laona oorahaꞌaa. E sai kinetaꞌinikie mwaanie kie dau aaelasie nga mei ola, na kei toolekie aani ilenimwaꞌenga oto paine i laona manikuluhaꞌana.

1 Pita 5:4

Na maholo nge Naꞌohai Kakalihe haahie mo sipu kei ooli mei, nge ingeie ke si niie waaite e tohungei menikuluꞌe huniꞌomu, na mei waaite ngeena e saꞌa mango ike loꞌu aana nga maholo.

2 Tesalonaeka 1:7

Na a God kei haꞌamangoa taane mo weonga mo iini nge taungeꞌinilada ko lae i tehulaꞌana. Oto maꞌalana kolu ko meni sapesalu oto ie, taꞌe aana nga maholo ue mai, kolu saꞌa heꞌi sapesalu loꞌu. Na leune ke si reu taane aana maholo nge Aalaha ikie a Jisas kei uure taꞌau i Lengi na kei siho mai peꞌie mo ensel ingeie nge kire toꞌo aana nanamanga paine.

1 Korinit 4:5

Oto omu ke suꞌuri leie mwala, aena aana e kaꞌa hule ue aana maholo a God kei lae mai huni leie mwala. Oto omu ke maaꞌoohie kaꞌu Aalaha ikie kei lae mai, aana ingeie nge ke si haataꞌinie mo ola kire oꞌoꞌo mumuni rorodoꞌa hunie kire ke iiꞌo haadaꞌi. Ingeie oto kei haataꞌinie saehaahinge mo iinoni, na kei lahera i sulie nga taa nga iini e asuie.

1 Tesalonaeka 2:20

Iau, iꞌomu nge omu ke si da melu ke uure aana totomwameelu peꞌie ilenimwaꞌenga.

Tataroha Diana I Sulie A Jisas Kraes Nge A Mak E Uusue 8:38

Mwala aana maholo ienini kire ko talei deu taꞌe wau oto mola, aana kire kaꞌa kinetaꞌinire ike loꞌu mala mo iinoni a God. Oto mala uri nga iini ko masa huni unu tahangaꞌinieu na mo haꞌa-uusulinge ineu i matolana mwala ni oorahaꞌaa ienini, nge ineu noꞌone ne kei masa huni unu tahangaꞌinie aana maholo ne kei lae mai peꞌie mo ensel maaꞌi aana manikuluhaꞌana a Mamaꞌa.”

Tataroha Diana I Sulie A Jisas Kraes Nge A Jon E Uusue 21:22

A Jisas e aalamie, oto ko teꞌuri, “?Mala uri no ko saetoꞌo aana uri ke oꞌoꞌo mola hule aana ne kei ooli loꞌu mei, e ue o ko tolahiꞌe aana? Iꞌoe, o ke lulu i sulieu.”

2 Tesalonaeka 1:4

Aena urinena, nge melu ko lae peꞌi laheꞌomu i laona mo soihaadaꞌinge a God aana taꞌena nga leu. Melu ko laheꞌomu haahie tala nge maꞌalana omu ko sapesalu hiitoꞌo na mwala ko teungeꞌiniꞌomu, taꞌe omu uure aꞌailaꞌa mola aana hiiwalaimolinge iꞌomu.

2 Tesalonaeka 2:1

Maeni eesiku maaꞌi, no ko sare ere loꞌu peꞌiꞌomu i sulie maholo a Jisas Kraes Aalaha ikie kei ooli loꞌu mei huni lokokie i saana.

Jemes 5:7

Maeni eesiku, omu ke maaꞌoohi susutoꞌo lai hule aana a Jisas kei ooli loꞌu mei. Ikolu, kolu meni saie uri mo mwane nge ko esuie hohola kire sai maaꞌoohi susutoꞌo hule aana nemo kei da hohola ikire ke repo diana malisine soꞌokoninge.

Jemes 5:8

Na iꞌomu noꞌone omu ke maaꞌoohi susutoꞌo urine. Na omu ke suꞌuri aakohe aani maaꞌoohinge susutoꞌo, sulie e karaꞌinie oto Aalaha ikie kei ooli mei.

2 Pita 1:16

Maholo iꞌemeelu mo hurulaꞌaa melu haꞌarongoꞌomu aana uri a Jisas Kraes Aalaha ikie kei ooli loꞌu mei peꞌie nanamanga paine, melu kaꞌa talei ere ike mola i sulie mo laladonga taꞌewau. !Haꞌike! Melu leesie oto aana maameelu uri a Kraes e toꞌo aana painehaꞌana nanamanga a God.

2 Pita 3:4

na kire kei unue uuri, “?A Jisas oto i tei? ?Mwane nge e unue uri kei ooli loꞌu mei, ingeie oto i tei? Mo naꞌohai mwane iꞌomu weu i naꞌo ngeena, kire mani mae oto, taꞌe ahutana walu ola ngeena kire mani sada mola mala maholo a God e haꞌaholaa walumalau.”