1 Tesalonaeka 1:7 - Tataroha Diana

⁷ Aena urine, omu neꞌi tolimaa oto huni haataꞌinie tala diana hunie mo iini e hiiwalaimoli aana Jisas i laona mo poꞌo ni henue i Masedonia na i Akaea.

1 Tesalonaeka 1:7 Referans Kwoze

Taetas 2:7

Na iꞌoe, Taetas, o ke haataꞌinie noꞌone mei meu-meuringe diana aani esuilana mo ola diana hunie kire ke haimaaniꞌo. Mwaanie o eero-eero aana maholo o ko haꞌa-uusuli, taꞌe o ke haꞌa-uusuli peꞌie saenanaunge hunie mwala ke haꞌamaꞌu noꞌone aamu.

1 Pita 5:3

Na mwaanie omu haꞌapainaꞌaꞌomu maraamiu mala mo aalaha. Urine e kaꞌa kohi ike, taꞌe e diana oto liutaa uri omu ke haataꞌinie nga tala diana hunire aana iiꞌonga diana iꞌomu, hunie kire ke sai lae i suliꞌomu mala mo sipu e sai lae i sulie kakali sipu nge ko lio i sulire.

1 Timoti 4:12

O ke suꞌuri toliꞌaasie nga iini hunie ke loꞌongaꞌinie uri walamu e kaꞌa hiꞌe ike aana o saanau mola. Taꞌe o ke iiꞌo diana oto liutaa hunie kira hiiwalaimoli ke leesie walamu, na asunge iꞌoe, na manata-diananga iꞌoe, na hiiwalaimolinge iꞌoe, na iiꞌonga rereꞌa iꞌoe, hunie kire ke haimaaniꞌo.

1 Tesalonaeka 1:8

Na e kaꞌa ike mola i Masedonia na i Akaea, taꞌe i tehulaꞌamiu mone, Tataroha Diana a Jisas ko tohungei taro hailiu. Ahutana mwala aana taꞌena nga leu kire mani rongoa oto uri omu hiiwalaimoli aana God, na nga mei ola hunie melu ke unue i suliꞌomu haꞌike loꞌu.

Palonga 16:12

Oto uure i leune melu lae loꞌu hunie huilume i Pilipae, ngaeta naꞌohai huilume aana aapai henue aana poꞌo ni henue i Masedonia. Mo mwane ni Rom kire hiitoꞌo aana huilumena na kire iiꞌo mola i memelutana inemauri ni Rom. Melu iiꞌo i leune hunie ngaeta mo hei dinge

2 Korinit 1:1

Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa nana a Jisas Kraes. Iꞌemereꞌi aasikaelu a Timoti, nge ni mere ko uusu-uusu hao huniꞌomu mwala aana soihaadaꞌinge a God hao i Korinit, na noꞌone hunie ahutana mo iinoni maaꞌi a God aana taꞌena nga leu hao i laona poꞌo ni henue iꞌomu i Akaea.

Palonga 1:13

Maholo kire lai hule taꞌau i Jerusalem, kire oodohie oto duru kire ko oꞌoꞌo i laona aana ruana nga sao-saohai nume. Na mo mwaena oto: a Pita, na a Jon, na a Jemes, na a Andru, na a Pilip, na a Tomas, na a Batolomiu, na a Matiu, na a Jemes kalena Alpeas, na a Saemon iini aana pulitaa nge ko sare haiseuni huni taꞌaasie aalahanga ni Rom mwaanie hanue i Israel, na a Jiudas kalena Jemes.

1 Tesalonaeka 4:10

Na e toꞌohuu oto, aana omu manata diana kaꞌu oto hunie mo iini kire hiiwalaimoli nge kire iiꞌo tatangasie mo henue wau i laona poꞌo ni henue i Masedonia. Oto melu ko ere haꞌasusuꞌomu loꞌu maeni eesiku maaꞌi, uri hunie omu ke lio susulie tolahai ola ngeena loꞌu liutaa.

2 Korinit 9:2

Nou saie oto uri omu mwaꞌe-mwaꞌe huni peꞌire, oto nou lae peꞌi ere laheꞌomu i saana mwala mai aana poꞌo ni henue i Masedonia uuri, “Kira hiiwalaimoli hao i Korinit i laona poꞌo ni henue i Akaea, na oto ahutana kira hiiwalaimoli aana poꞌo ni henue ngeena, kire aehota dau aakau oto huni peꞌi aana halisi e mango haona.” Na mwaꞌe-mwaꞌenga iꞌomu e taꞌelaꞌinie saena mo iini hunge mai leu i Masedonia, oto kire ko meni sare nii oto noꞌone.

Palonga 18:1

Oto purihaꞌana a Pol e uure mwaanie i Atens, e si lae loꞌu hunie huilume i Korinit.

Palonga 18:12

Oto aana maholo nge a Galio e aalaha haahie poꞌo ni henue i Akaea, mo rato ni Jiu kire ruru, kire si tapolie a Pol na kire toolea i saana a Galio hunie ke leie.

Palonga 19:21

Purine walu ola ngeena e rau mango, a Pol e hiingeꞌinie uri a Liꞌoa Maaꞌi ko sare uusungeꞌinie huni holaꞌi lae aana e ro poꞌo ni henue i Masedonia na i Akaea, nge ke si lae loꞌu hunie i Jerusalem. Na a Pol ko teꞌuri loꞌu, “Maholo ne kei lai liuhie mo leu ngeena mango, ne kei lai hule loꞌu aana huilume paine i Rom.”

Uusu-uusu A Pol Hurula'aa Hunie Mo Rom 15:26

Aana mo eesike aana hiiwalaimolinge wau aana mo poꞌo ni henue i Masedonia na i Akaea, kire ko sasare niie mei toꞌoha huni peꞌie mo iinoni meitale a God taꞌau i Jerusalem.