1 Pita 4:8 - Tataroha Diana

⁸ Mei naꞌohai ola e malisine omu ke asuie oto uri omu ke mana-manata diana toꞌohuu huniꞌomu heiliu, sulie tolahai ola urine nge e sai da omu ke saeꞌaasie mo roroꞌanga iꞌomu heiliu noꞌone huniꞌomu.

1 Pita 4:8 Referans Kwoze

Kolosi 3:14

Oto loꞌu sapeitana mo iinine, omu ke manata diana huniꞌomu heiliu. Aana manata-diananga oto mola nge e tohungei sai hele lokoꞌomu hunie iiꞌo-rurunge i sulie mo tala ngeena.

1 Pita 1:22

Oto i tehulaꞌana omu tola i sulie mo wala toꞌohuu aana Tataroha Diana ngeena, omu da oto maurihaꞌamiu e rereꞌa mwaanie oorahaꞌaa eena, na omu sai manata diana oto hunie mo eesimiu maaꞌi. Aena urine, omu ke mana-manata diana oto huniꞌomu heiliu aana ahutana saemiu.

Jemes 5:20

Sulie omu saie oto uri mala nga iini ko tola aalihoꞌi mei aana nga iini e oorahaꞌaa mwaanie mo takalonga ingeie, nge ko haꞌarereꞌaa mwaanie taꞌena nga oorahaꞌaa ingeie na ko haꞌa-uurie maurihaꞌana mwaanie maenga.

1 Korinit 13:1

Maꞌalana uri ne ke talei ere-ere loꞌu aani erenga hai aaopaꞌi mo iinoni na aana erenga mo ensel, taꞌe manata-diananga e kaꞌa iiꞌo aaku, erenga ineu e urihana mola aahuri ko eꞌengo wa pelo ko ngara-ngara.

1 Tesalonaeka 3:12

Saemeelu uri a Aalaha ke da manata-diananga iꞌomu ngeena ke aꞌailaꞌa huniꞌomu heiliu na hunie taꞌena nga iinoni loꞌu, mala manata-diananga iꞌemeelu huniꞌomu e paine loꞌu liutaa.

Hibru 13:1

Omu ke mana-manata diana huniꞌomu heiliu oto mala iꞌomu mo mwaasine toꞌohuu i lalo aana a Kraes.

1 Timoti 1:5

Aena aana nga taa no ko sare haꞌa-uusulire aana ngeena, nge mola hunie kire ke mana-manata diana hunire hailiu aani sae manola, na aani manatanga rereꞌa, na aani hiiwalaimolinge toꞌohuu.

2 Tesalonaeka 1:3

Maeni eesiku maaꞌi, melu ko paalahea God mola tarau haahiꞌomu. Na e diana hunie melu ke asuie urine, aana hiiwalaimolinge iꞌomu ko peine aꞌailaꞌa mola i suli maholo, na manata-diananga nge omu toꞌo aana huniꞌomu heiliu ko lae peꞌi peine noꞌone loꞌu tarau.

3 Jon 1:2

na aarengaꞌinge ineu talamu, uri hunie ahutana walu ola ke mwadaꞌusiꞌo na o ke iiꞌo-iiꞌo awaa mola, oto mala nou saie uri iiꞌonga iꞌoe peꞌie a God e aꞌailaꞌa.

Jemes 5:12

Maeni eesiku, ngaeta mei ola loꞌu e paine liutaa, nge uri omu ke suꞌuri tohe aana nga taa omu ko unue. Suꞌuri tohe takoie taꞌau i Lengi, wa takoie mai aano, wa taꞌena nga ola loꞌu. Taꞌe mala omu ko neꞌisae ni unue, “Iau,” nge omu ke unue mola, “Iau,” wa mala omu ko neꞌisae ni unue, “Haꞌike,” nge omu ke unue mola “Haꞌike,” mwaanie leilemiu e lae.

1 Korinit 13:4

Iinoni e manata diana hunie mwala e toli rako na ko esuie mei sae malumu hunie iinoni. E aasa kei heotaꞌi, wa kei toohaꞌi, wa ke ere paine i sulie maraana.