1 Pita 4:7 - Tataroha Diana

⁷ Maholo ie ko karaꞌinie oto haꞌamangolana ahutana walu ola. Oto omu ke loꞌo-loꞌongaꞌi diana na omu ke kinetaꞌinie tolahamiu mwaanie nga mei ola e waelie aarengaꞌinge iꞌomu.

1 Pita 4:7 Referans Kwoze

1 Pita 1:13

Oto i tehulaꞌana walu ola ngeena, nge omu ke dau aakau eemiu maraamiu huni esuie mo ola diana, na omu ke kinetaꞌinie tolahamiu mwaanie aaelanga. Na omu ke tohungei norutoꞌo mola aana God, na maaꞌoohi-susutoꞌonga iꞌomu ke maꞌutaꞌa i lengine niinge diana nge a God kei niie huniꞌomu aana maholo a Jisas Kraes kei ooli loꞌu mei.

1 Pita 5:8

Taꞌe maelonga paine iꞌomu ngeena, a Pwelu Eero-eero, ko talei lae kali-keliꞌomu oto mola tarau huni waeliꞌomu. Ingeie ngeena domana oto nga laeon ko lae peꞌi tea paine aana ko lio hunie nga iini huni oonomie. Oto omu ke lio-lio diana talamiu, na omu ke kinetaꞌinie tolahamiu mwaanie aaelanga.

2 Timoti 4:5

Taꞌe iꞌoe oto o ke loꞌo-loꞌongaꞌi diana tarau, na o ke uure aꞌailaꞌa mola maꞌalana uri o ko lae oodoie loꞌu aasanga. O ke lae taraꞌasi mola peꞌie tarohaꞌinilana Tataroha Diana, na o ke asuie toꞌohuu mei esunge a God e niie huniꞌo ngeena.

Tataroha Diana I Sulie A Jisas Kraes Nge A Luk E Uusue 21:34

Oto a Jisas ko heꞌi teꞌuri loꞌu, “!Omu ke lio talamiu! Mwaanie omu tolahiꞌe mola aana mo ola ni welumalau, wa mwaanie omu talei tara mola aani ngeuhe na aani inunge. Aana mala omu kei tara mola aana mo ola urine, hai dingena kei hule mola na omu kaꞌa dau aakau ike.

Hibru 10:25

Nga mo iini kire lalawasie oto lokonga tararuru hunie palonga, taꞌe kie ke suꞌuri lalawa urine, na kie ke peꞌikie hailiu huni uure maꞌutaꞌa loꞌu, aena aana hai dinge a Aalaha ko karaꞌini oto mai.

Kolosi 4:2

Mwaanie omu mou-mou mwaanie aarengaꞌinge taraureꞌi, na mwaanie omu poo-poosuaꞌa loꞌu aana, taꞌe omu ke aarengaꞌi peꞌi paalahenga hunie a God.

Taetas 2:12

Na manata-diananga a God ngeena e haꞌa-uusulikie oto uri hunie kie ke toliꞌaasie mo tolahai ola aaela i maana God. Na kie ke suꞌuri heꞌi lae loꞌu i sulie mo ola nge walumalau ienini ko heri huniꞌi. Taꞌe kie ke nihisie saeka mwaanie aaelanga, na kie ke iiꞌo aani iiꞌonga oodotaꞌi, na aani deu i sulilana mola walu ola nge a God kei ilenimwaꞌe haahikie aani.

Uusu-uusu A Pol Hurula'aa Hunie Mo Rom 12:12

Omu ke ile-ilenimwaꞌe tarau haahie mo heiholotaꞌinge a God huniꞌomu. Maholo siꞌohaꞌanga ko hite aamiu, omu ke hele maꞌutaꞌa mola aana hiiwalaimolinge, na omu ke iiꞌo peꞌi aarengaꞌinge mola tarau.

Pilipae 4:5

Omu ke haataꞌinie manekonga iꞌomu aana ahutana iinoni, aana karaꞌinie oto a Aalaha kei ooli loꞌu mei.

Tataroha Diana I Sulie A Jisas Kraes Nge A Luk E Uusue 22:46

Oto ko teꞌuri hunire, “?Uri omu ko maꞌahu mola? Omu ke taꞌelaꞌi na omu ke aarengaꞌi mwaanie malaahonga e hane haahiꞌomu.”

Haataꞌinge 16:15

Oto e oolu liꞌoa aaela ngeena kire lokoa oto mo inemauri aana leu kire haaraꞌinie aana erenga mo Jiu uuri, “Amakedon.” Oto a Kraes e si unue uuri, “!Omu ke pwaarongo kaꞌu! Ne kei lae mai mala iinoni peli-peli aana maholo omu saꞌa lio saie ike. Deidehie mo iini nge kire ko iiꞌo aakau loosie oolinge ineu mei. Mo iini urine kire urihana mo iini kire kaꞌa maꞌahu na kire hoꞌo aakau mola aana mo toꞌoni ikire mwaanie kire iiꞌo mwaakule na kire masa maholo ne kei hule.”

1 Pita 3:7

Oto loꞌu, iꞌomu mo poro, omu ke iiꞌo peꞌie mo huꞌe iꞌomu peꞌi haꞌamaꞌunge aada, na omu ke aamasitoꞌo aana uri kire kaꞌa aꞌailaꞌa ike mala iꞌomu mo mwane. Omu ke haꞌamaꞌu aada i sulie a God e haiholotaꞌinie noꞌone hunire uri kire kei hele tararuru aana niinge ni meurihe ingeie peꞌiꞌomu. Oto e lae oto i diana liutaa uri hunie omu ke lio i suli diana aada, mwaanie nga mei ola e liu honosie mo aarengaꞌinge iꞌomu.

Epesas 6:18

Na omu ke aarengaꞌi tarau na omu ke suke aana a God hunie ke peꞌiꞌomu i suli maholo. Na omu ke iiꞌo aani aarengaꞌinge aana nanamanga a Liꞌoa Maaꞌi. Oto omu ke lio-lio diana, na mwaanie omu toitoliꞌaasie aarengaꞌinge tarau talana ahutana mo iinoni a God.

1 Korinit 15:24

Oto purihaꞌana haꞌalaa nge haꞌamangolana walumalau kei hite, maholo a Kraes kei haꞌamangoa ahutana mo aalahanga aaopa, na mo inemauri aaopa, na mo nanamanga aaopa. Mango urine, nge a Kraes ke si toliꞌaasie Aalahanga hunie a God Mamaꞌa.

1 Korinit 7:29

No ko ere urine, maeni eesiku maaꞌi, aana kele maholo oꞌoruꞌe oto mola e si oore. Oto aehota siꞌiri, omu ke neꞌisae paine mola aana God. Oto mo iini omu tola huꞌe, omu ke suꞌuri loꞌongaꞌinie iiꞌo-rurunge mala mei naꞌohai ola iꞌomu.

Matiu 24:42

“Aena urinena, omu ke iiꞌo aakau mola, aana omu kaꞌa saie ike hai dinge uri taa aalaha iꞌomu kei ooli mei.

Tataroha Diana I Sulie A Jisas Kraes Nge A Luk E Uusue 21:36

Oto omu ke kakali diana peꞌi aarengaꞌinge taraureꞌi, hunie omu ke uure aꞌailaꞌa huni lae sapemawa i matolana walu ola kei reu ngeena, lai hule aana maholo omu kei uure i naꞌoku a Kale Ni Iinoni.”

Matiu 25:13

Oto a Jisas ko si haꞌamangoa aalahuunge ngeena uuri, “Omu ke dau aakau taraureꞌi suli maholo, aana omu kaꞌa saie ike hai dinge wa maholoi sato ineu a Kale Ni Iinoni ne kei ooli loꞌu mei.”

Hibru 9:26

Mala uri a Kraes ke lae peꞌi deu urine suli maholo, haꞌalaa a Kraes ko talei sasapesalu mola hunge-hungaꞌa uure oto aana maholo a God e haꞌaholaa walumalau, lae mai hule siꞌiri. !Taꞌe haꞌike! E lae mai hule aaka mo iinoni hautaꞌai mola aana mo dinge ooreta ienini huni haꞌamangoa oorahaꞌaa aana e niie maurihaꞌana mala nga uunu-olanga i saana God.