1 Pita 4:19 - Tataroha Diana

¹⁹ Oto maholo omu ko sapesalu aena aana oalaꞌinge a God mone e lae oto urine, nge omu ko sapesalu i sulie oalaꞌinge ingeie, na omu ke suꞌuri aakohe mwaanie asunge diana, taꞌe omu ke toliꞌaasie maurihaꞌamiu i nimana God. Ingeie oto e haꞌaholaꞌomu, na e saꞌa pulongosie ike mo heiholotaꞌinge ingeie huni lio i suliꞌomu.

1 Pita 4:19 Referans Kwoze

2 Timoti 1:12

Aena urinena nge no ko sapesalu siꞌiri ie. Taꞌe nou saꞌa roroꞌa ni masa ike, aena aana nou manataꞌinie a Jisas, iini nge nou norutoꞌo aana. Na nou saie uri ingeie e sai kinetaꞌinie walu ola nou neꞌiꞌi i nimana huni lio i suliꞌi, na kei kinetaꞌi diana aani lai hule aana dinge ooreta.

1 Pita 3:17

Mala uri omu ko sapesalu i tehulaꞌana omu ko tola i sulie a God, nge e diana mola. Leune e diana liutaa aana omu ko sapesalu aena aana omu ko esuie mo ola aaela.

1 Pita 2:15

Aana a God e saetoꞌo aana omu ke asuie mo ola e diana na e oodotaꞌi, aana urine omu sai uure honosie mo erenga hero-heroꞌa mwala ko talei unuꞌi mola aena aana kire kaꞌa saie nga mei ola diana.

Uusu-uusu A Pol Hurula'aa Hunie Mo Rom 2:7

Mwala nge ko lae peꞌi deu esunge diana, aana kire tohungei saetoꞌo aana uri kire ke iiꞌo huu peꞌie a God, na uri a God ke lae-lahera, na ke haꞌapainaꞌara, mwala ngeena nge a God kei niie maurihe huu nada.

Palonga 7:59

Na maholo kire ko uuꞌi-uuꞌie ue a Stivin aani heu, a Stivin ko si soi peine hunie Aalaha, ko teꞌuri, “Jisas, Aalaha ineu, o ke tola konie mangoku.”

Tataroha Diana I Sulie A Jisas Kraes Nge A Luk E Uusue 23:46

Oto a Jisas e si soi aana mei wala paine na ko teꞌuri, “Mamaꞌa no ko neꞌie mangoku i laona nimemu.” A Jisas e ere mango urine na ko mae oto.