1 Pita 2:9 - Tataroha Diana

⁹ Taꞌe iꞌomu oto, a God e lio hilisiꞌomu nana. Iꞌomu oto mo pris a Inemauri, na iꞌomu oto mwala maaꞌi ingeie. Iꞌomu oto mo tohungei iinoni a God maraana, nge e lio hilisiꞌomu huni tarohaꞌinie tolahai esunge diana ingeie. Aana a God oto e soiꞌomu mei mwaanie rodohono na omu lai sili i laona raa-raa ingeie e manikuluꞌe.

1 Pita 2:9 Referans Kwoze

Haataꞌinge 1:6

Ingeie oto aalaha ikie, na e asuie uri kie ke mani neꞌi pris oto huni haꞌapainaꞌaa Aamana, a God. Oto aena urine kie ke haꞌamanikuluꞌaa a Jisas Kraes haahie hahuꞌana nanamanga ingeie oto di oto di. Ke urine oto.

Haataꞌinge 5:10

Iꞌoe oto aalaha ikire, na o esuie uri kire mani neꞌi pris oto huni haꞌapainaꞌaa a God, na o haꞌa-aalahara hunie kire ke aalaha haahie walumalau.”

2 Timoti 1:9

Aana a God e haꞌa-uurikie na e lio hilisikie oto hunie kie ke neꞌi iinoni maaꞌi ingeie. E kaꞌa asuie ike mola leune aena aana kie malisi wa uri kie asuie nga mei ola diana adongana. !Haꞌike! Taꞌe e oalaꞌinie urine mola aana e tohungei sare haꞌadianaꞌakie. Uure oto wau i naꞌo na haꞌaholanga haꞌike ue, a God e oalaꞌinie oto uri a Jisas Kraes kei haꞌadianaꞌakie oto urine.

1 Pita 2:5

Urine iꞌomu noꞌone omu ke urihana mo heu hunie nume a God. Na neꞌisaenga aana nume a God oto ahutana mo iinoni nge kire ko lulu i sulie aana nanamanga a Liꞌoa Maaꞌi, nge soihaadaꞌinge a God otona. Iꞌomu aana soihaadaꞌinge a God, omu meni neꞌie oto mwala maaꞌi nge kire sai lae oodo taꞌau i naꞌona a God huni uunu-uunu ola i saana. Iau, omu meni neꞌi pris oto, na aana peꞌinge a Jisas Kraes mone, mo ola diana omu ko esuiꞌi nana kire neꞌie mo uuraaꞌinge nge a God ko ilenimwaꞌe haahiꞌi ngeena.

Taetas 2:14

aana e toliꞌaasie maraana hunie ke mae honotaka, na hunie ke tola aalihoꞌi aaka mwaanie mo oorahaꞌaanga ikie. E haꞌarereꞌakie oto hunie kie ke neꞌi iinoni oto ingeie, hunie kie ke tohungei iiꞌo oodotaꞌi aani esuilana mo ola diana oto tarau.

Palonga 26:18

hunie o ke tahanie maada hunie kire ke leesie matapwanga na mwaanie kire iiꞌo loꞌu i laona rodohono. Na hunie kire ke lae takoie a God mwaanie nanamanga a Satan. Na maholo kire kei hiiwalaimoli eeku, a God kei saeꞌaasie mo oorahaꞌaanga ikire na kire kei iiꞌo oto peꞌie mo iini nge a God e lio hilisire.’

Haataꞌinge 20:6

Deidehie mo iini nge kire taꞌelaꞌi aana eetana nga taꞌelaꞌinge ngeena aana ikire oto kire maaꞌi. Kire saꞌa sapesalu ike i laona dunge ko weru oto huu, nge ruana nga maenga ni ngeena. Taꞌe kire kei neꞌi pris a God na a Kraes, na kire kei aalaha peꞌie a Kraes sulie sinolai helisi.

Matiu 5:16

Oto iꞌomu, omu ke urine noꞌone. Raa-raa iꞌomu ke raangie ahutana mwala, hunie kire ke lio saie mo ola diana nge omu ko esuiꞌi na kire ke soi haꞌamanikuluꞌaa Aamamiu i Lengi i tehulaꞌani.”

Kolosi 1:13

Aana e haꞌa-uurikie mwaanie nanamanga aana rodohono, na e toolekie i laona Aalahanga a Kalena, iini e tohungei manata diana hunie.

1 Korinit 3:17

Mala uri nga iini kei waelie nume maaꞌi ngeena, a God kei tohungei waelie oto noꞌone. Aana nume maaꞌi a God ngeena e tohungei maaꞌi, na iꞌomu oto nume maaꞌi a God.

Palonga 20:28

“Oto omu ke kinetaꞌiniꞌomu, na omu ke kinetaꞌinie noꞌone amaa ni sipu nge a Liꞌoa Maaꞌi e niie huniꞌomu hunie omu ke lio i sulie. Na omu ke iiꞌo mala kira kakakali sipu, aana amaa ni sipu ngeena oto soihaadaꞌinge a God, ahutana mwala nge Kalena e holi mangora aana apune maholo e mae mala nga uunu-olanga.

Pilipae 3:14

Oto no ko huru aꞌailaꞌa hunie uri ne ke hele aana waaite taꞌau i Lengi, nge a God e soieu hunie ne ke hele aana i tehulaꞌana a Jisas Kraes.

1 Pita 1:2

A God Aamaka e lio hilisiꞌomu oto uure mai naꞌo i sulie oalaꞌinge ingeie. Na Liꞌoa Maaꞌi e lae peꞌi haꞌamaaꞌiꞌomu oto mai hunie omu ke iiꞌo maaꞌi, hunie omu ke lulu i sulie a Jisas Kraes. Lotohilemiu e lae aana apune, aena aana maenga ingeie oto uuraaꞌinge nge ko da omu iiꞌo rereꞌa mwaanie oorahaꞌaa. No ko eitanaie a God uri hahuꞌana manata-diananga na hanuelamanga ingeie ke iiꞌo peꞌiꞌomu taraureꞌi.

Tataroha Diana I Sulie A Jisas Kraes Nge A Luk E Uusue 1:79

huni raangie mo iini kire iiꞌo i laona rodohono na i mamalutana maenga, na huni haꞌa-oodohie aeꞌaeka i sulie tala ni henuelama.”

Uusu-uusu A Pol Hurula'aa Hunie Mo Rom 9:24

!Na ikie oto mwalana! A God e soikie mai i saana uure mwaanie taꞌena nga komu ni welumalau, na e kaꞌa ike mola mwaanie mo Jiu, taꞌe mwaanie noꞌone mwala nge ikire nga mo Jiu haꞌike.

Palonga 26:28

Oto a Akripa Inemauri ko teꞌuri, “?Uri o ko loꞌongaꞌi o sai huꞌisie manataku hunie ne ke hiiwalaimoli oto mola aana kele maholoi sato oꞌoruꞌe urini?”

1 Pita 4:11

Taꞌena nga iini eemiu nge a God e niie oto nanamanga nana huni laeliwala, nge ke laeliwala oto mola i sulie mo wala nge a God e niiꞌi mei hunie. Na taꞌena nga iini eemiu nge a God e niie nanamanga huni peꞌie mwala, nge ke peꞌie mwala oto toꞌohuu aana nanamanga nge a God e niie hunie. Oto i tehulaꞌana mo esunge diana urine, mwala e sai paalahea God aana satana Jisas Kraes. Na ingeie oto e toꞌo aana ahutana manikuluꞌanga na sakanga oto di, oto di. Iau, ke urine oto.

Epesas 1:6

Oto kie ke lahea God haahie niinge ingeie e manikuluꞌe nge e nii mwaakule aana hunikie i tehulaꞌana a Kalena, iini e tohungei manata diana hunie.

Epesas 1:14

Aana kie toꞌo aana oto Liꞌoa Maaꞌi, kie sai diana aana uri kie kei toꞌo aana oto walu ola nge a God e haiholotaꞌiniꞌi oto mai naꞌo huni niiꞌi naka. Aana e urine kaꞌu a God kei da noꞌone hunie kie ke tohungei iiꞌo luhetaꞌi oto toꞌohuu peꞌie, na ahutana mwala ke lahea God, iini e hahuꞌei diana liutaa.

Tataroha Diana I Sulie A Jisas Kraes Nge A Jon E Uusue 17:19

Na i tehulaꞌada, nou oopaau oto huni esunge mola namue, hunie ikire noꞌone, kire ke oopara maraada mwaanie taꞌena nga oorahaꞌaa huni esunge noꞌone namue.”

Epesas 3:21

Oto no ko eitanai uri mwala ke haꞌamanikuluꞌaa God haahie soihaadaꞌinge ingeie na aena aana a Jisas Kraes oto di, oto di. Ke urine oto.