1 Pita 2:18 - Tataroha Diana

¹⁸ Iꞌomu mo koni-konihe, omu ke tola i sulie mo poro paine iꞌomu peꞌi haꞌamaꞌunge aada oto toꞌohuu. Mwaanie omu haꞌa-haꞌamaꞌu mola aana mo poro paine nge kire diana huniꞌomu, taꞌe omu ke haꞌamaꞌu noꞌone aana mo iini nge kire aaela huniꞌomu na kire ko deu rarahiꞌomu.

1 Pita 2:18 Referans Kwoze

Jemes 3:17

Taꞌe saenanaunge nge e lae mai mwaanie a God e uuri. E rereꞌa, na e honu aana hanuelamanga, na e mamae, na e sai tola i suli, na e sai hei-aamasi, na ko peꞌi. Saenanaunge urine e kaꞌa sai lupweꞌi deu-deu na e kaꞌa sai rara ike haahie nga iini.

Kalesia 5:22

Taꞌe hue-huei ola aana Liꞌoa Maaꞌi nge manata-diananga, na ilenimwaꞌenga, na hanuelamanga, na saemamae, na aamasinge, na diananga. A Liꞌoa Maaꞌi ko da kie ke neꞌi iinoni nou-norue,

Taetas 3:2

Mwaanie kire ere aaelasie nga iini wa kire ke haꞌa-erea nga iini, taꞌe kire ke iiꞌo maneko na kire ke manata diana mola hunire hailiu.

2 Korinit 10:1

Oto ineu a Pol maraaku no ko eitanaiꞌomu hunie uri omu ke rongo hunieu. Nou rongoa uri ngaeta mo iini eemiu kire ko unue uri nou sai ere hiitoꞌo huniꞌomu mola aani uusu-uusu maholo nou iiꞌo haꞌatauliꞌomu, taꞌe no ko meꞌu ni ere urine maholo nou iiꞌo peꞌiꞌomu. !Haꞌike! Taꞌe no ko heimaanie tolahana a Kraes aana ingeie e saemamae na e lai maneko