1 Pita 2:16 - Tataroha Diana

¹⁶ A God e luhesiꞌomu oto mwaanie haꞌaletehinge haahie mo oorahaꞌaa iꞌomu, taꞌe mwaanie omu loꞌongaꞌinie uri omu ko iiꞌo luhetaꞌi urine, nge omu sai deu taꞌewau mola mala saemiu huni lae i sulie tataꞌalanga. !Haꞌike! Taꞌe aana omu iiꞌo luhetaꞌi mwaanie nanamanga aana oorahaꞌaa, nge omu ke iiꞌo oto mala mo tohungei koni-konihe a God.

1 Pita 2:16 Referans Kwoze

Kalesia 5:13

Iꞌomu, maeni eesiku maaꞌi, a God e soiꞌomu uri hunie omu ke iiꞌo luhetaꞌi mwaanie mo Haꞌatolanga a Mosis. Taꞌe mwaanie omu loꞌongaꞌinie uri omu iiꞌo luhetaꞌi huni oorahaꞌaa mola mala saemiu. !Haꞌike! Omu ke peꞌiꞌomu aani manata-diananga huniꞌomu heiliu.

Uusu-uusu A Pol Hurula'aa Hunie Mo Rom 6:22

Taꞌe ienini, a God e haꞌa-uuriꞌomu oto mwaanie nanamanga aana oorahaꞌaa, na e da oto omu ke neꞌi iinoni euꞌesu nana. Na hue-huana leune oto maurihaꞌamiu ko neꞌi ola maaꞌi oto, na omu ko helesie oto maurihe huu.

1 Korinit 7:22

Aena aana nga iini nge Aalaha ko soie, maꞌalana ingeie koni-konihe nga iinoni, taꞌe e iiꞌo luhetaꞌi mola i lalo aana Kraes. E urine loꞌu aana iini nge Aalaha ko soie na e iiꞌo luhetaꞌi mola, taꞌe e neꞌi koni-konihe oto nana Kraes.

Uusu-uusu A Pol Hurula'aa Hunie Mo Rom 6:18

A God e haꞌa-uuriꞌomu oto mwaanie nanamanga aana oorahaꞌaa, na e da oto omu ke neꞌi iinoni euꞌesu ingeie huni esuie nga taa e oodotaꞌi.

Kalesia 5:1

A Kraes e luhesikie oto uri hunie kie ke suꞌuri iiꞌo loꞌu i mamalutana mo Haꞌatolanga a Mosis. Oto omu ke uure maꞌutaꞌa na mwaanie omu toliꞌaasie nga iini e da omu heꞌi neꞌi koni-konihe loꞌu nana mo Haꞌatolanga.

Jemes 1:25

Taꞌe a God e sai haꞌadianaꞌaa mo iini nge ko lio hahuroto i laona haꞌatolanga ingeie. Haꞌatolanga ngeena e tohungei diana, na e sai luhesie mo iinoni hunie kire ke iiꞌo luhetaꞌi mwaanie oorahaꞌaa. Oto iinoni nge ko rongo hunie mo haꞌananaunge a God, na ko loꞌongaꞌi i suliꞌi taraureꞌi, na e saꞌa pulongosie nga taa e rongoa, taꞌe ko hele i sulie nga taa a God e unue, nge a God e sai haꞌadianaꞌaa aana nga taa nge ko esuie.

Jemes 2:12

Oto o ke loꞌo-loꞌongaꞌi i sulie ahutana mo ola nge o ko unu-unuꞌi na o ko euꞌesuiꞌi, hunie kire ke sada peꞌie haꞌatolanga a Inemauri. Aena aana haꞌatolanga ngeena haꞌalaa e sai luhesie mo iinoni mwaanie oorahaꞌaanga ikire, na leilemiu kei lae aana haꞌatolanga ngeena.

Epesas 6:6

Mwaanie omu totola i sulire mola aana maholo kire ko lio-lio uri hunie omu ke haꞌa-olara mola. Taꞌe omu ke dau aahonga oto tarau huni esuie nga taa a God e saetoꞌo aana, aena aana iꞌomu mo koni-konihe a Kraes.

2 Pita 2:19

Mo haꞌa-uusuli eero-eero ngeena, kire ko heiholotaꞌinie hunie mwala uri kire kei iiꞌo luhetaꞌi mola mwaanie iiꞌonga i mamalutana nga iini. Taꞌe eeronga paine mola ni ngeena, aena aana ikire maraada na kire iiꞌo mola i mamalutana oorahaꞌaa. Na e toꞌohuu oto aana mala uri nga mei ola ko aꞌailaꞌasie nga iini, nge iinoni ngeena e neꞌi koni-konihe oto nana mei olana.

Kolosi 3:24

Omu ke aamasitoꞌo aana uri a Aalaha kei niie taane huniꞌomu waaite nge e haiholotaꞌinie hunie mwala ingeie. Aana a Kraes oto tohungana Aalaha nge omu ko esu nana.

Matiu 23:13

Oto a Jisas ko heꞌi unue loꞌu uuri, “Aama-aamasilemiu mo Parise na mo haꞌa-uusuli aana mo Haꞌatolanga a Mosis. !Iꞌomu oto mwala eero-eero! Aana omu ko lupweꞌi deu-deu mola mala uri omu ko lulu i sulie a God. !Taꞌe haꞌike! Iꞌomu maraamiu omu kaꞌa sare sili ike i laona Aalahanga a God, na omu kaꞌa toliꞌaasie ike nga mo iini ke sili loꞌu.

Jiud 1:4

No ko ere urine, aena aana ngaeta mwala aaela kire ko sili mumuni mola mai i matolamiu. Mwala ngeena kire sereꞌi deu i sulie walana a God, oto kire oolisie mei wala i sulie manata-diananga ingeie hunikie. Kire ko unue uri aena aana a God e tohungei manata diana hunikie, nge e saꞌa haꞌaloikie ike na kie sai deu taꞌewau mola mala saeka. Oto urine kire ko heitohea taꞌa-taꞌa Poro Paine na Aalaha ikie, a Jisas Kraes. Mo propet kire uusu-uusu i sulie mwala ngeena oto mai waite, na kire unue uri leilada kei lae.

1 Tesalonaeka 2:5

Na oto mala omu saie, melu kaꞌa lupweꞌi laheꞌomu ike mola aani wala diana huni haꞌa-olaꞌomu. !Haꞌike! A God e saie taane oto noꞌone uri melu kaꞌa saehanalie ike mo ola diana iꞌomu,

Tataroha Diana I Sulie A Jisas Kraes Nge A Jon E Uusue 15:22

Mala uri ne ke suꞌuri lae mai laona walumalau huni ere-ere nada, haꞌalaa mo oorahaꞌaanga ikire saꞌa iiꞌo haadaꞌi ike urine. Taꞌe maholo ienini, e aasa oto hunie nga iini kei mumunie nga mo oorahaꞌaanga ingeie.