1 Pita 1:7 - Tataroha Diana

⁷ Walu ola urine, mo ola mola huni leesie uri hiiwalaimolinge iꞌomu e toꞌohuu taane. Hiiwalaimolinge iꞌomu ngeena e kele urihana kol nge holitana e paine. Aana kire sai esu oto hiitoꞌo aana kol lae hule aana kire sai neꞌie i laona dunge paine hunie ke aahe, hunie kire ke toolea tohungei kol nge e manola, na nga mei mada haꞌike loꞌu peꞌie. Mo aasanga ko deu urine noꞌone aana hiiwalaimolinge iꞌomu ngeena, taꞌe hiiwalaimolinge iꞌomu e tohungei hiꞌe loꞌu liutaa aana kol ngeena nge hule aana kei eiꞌaa mola. Oto mala uri hiiwalaimolinge iꞌomu ke susu maꞌalana mo aasanga uri taa ko hite aamiu, nge mwala kei tohungei haꞌapainaꞌaꞌomu na kire kei soi haꞌamanikuluꞌaꞌomu na kire kei laheꞌomu oto hiitoꞌo aana maholo a Jisas Kraes kei ooli loꞌu mei.

1 Pita 1:7 Referans Kwoze

Jemes 1:12

Mala uri nga iini nge oohongilana ko lae na ko uure maꞌutaꞌa mola, nge ke ilenimwaꞌe mola. Aena aana i purine oohongilana hiiwalaimolinge ingeie ko lae urine, nge a God kei waaie aana rorodara ni meurihe huu, nge e haiholotaꞌinie hunie mo iini nge kire manata diana hunie.

1 Pita 4:12

Maeni iinoni maaꞌi ineu, maholo ienini omu ko tohungei sapesalu oto hiitoꞌo aana mo ola ko lae peꞌi hite aamiu. Mwaanie omu pangataꞌinie walu ola urine na omu loꞌongaꞌinie uri walu ola ngeena ke suꞌuri hite aamiu. !Haꞌike!

Uusu-uusu A Pol Hurula'aa Hunie Mo Rom 2:7

Mwala nge ko lae peꞌi deu esunge diana, aana kire tohungei saetoꞌo aana uri kire ke iiꞌo huu peꞌie a God, na uri a God ke lae-lahera, na ke haꞌapainaꞌara, mwala ngeena nge a God kei niie maurihe huu nada.

1 Korinit 3:13

Taꞌe aana hai dinge ooreta, dunge kei haataꞌinie mo taungei esunge hai aaopaꞌi nge mwala e asuiꞌi, ohe kire diana taane wa haꞌike.

Jiud 1:24

Oto kie ke haꞌamanikuluꞌaa iini e nanama na e sai kakalikie mwaanie kie domu i laona oorahaꞌaa. E sai kinetaꞌinikie mwaanie kie dau aaelasie nga mei ola, na kei toolekie aani ilenimwaꞌenga oto paine i laona manikuluhaꞌana.

2 Pita 1:4

Oto aena urine, e niie oto mo tohungei niinge paine e lae oto i diana nge e haiholotaꞌiniꞌi hunikie. Na aena aana mo olana mone, kie ko si toꞌo aana nanamanga huni tehisie taꞌena nga tolahai ola aaela aana walumalau, na kie sai lado oto peꞌie a God hunie kie ke toꞌo aana maurihe diana peꞌie.

1 Pita 2:4

Oto omu ke lae mai saana a Aalaha ikie aana ingeie oto aahuꞌine ahutana maurihe. Ingeie e urihana hau diana hunie poo-pootana nume. Mwala tou-tohu nume kire sereꞌinie hau ngeena, taꞌe a God oto e lio hilisie hunie ke neꞌie poo-pootana nume ingeie, na e tohungei lio diana oto i maana. Oto iꞌomu nge omu ko lae mai i saana Aalaha ikie hunie omu ke toꞌo aana oto tohungei meurihe mala ingeie, nge omu ke toliꞌaasiꞌomu oto taꞌingelu hunie a God.

Matiu 25:21

“Oto aalaha ingeie ko aalamie uuri, ‘O tohungei deu diana, na iꞌoe oto mwane auꞌesu diana, iini ni nou-norue. O lio i suli diana aana mo ola kaꞌa hunge, oto ne kei neꞌiꞌo o ke lio i sulie loꞌu mo ola hunge. Lae mai na o ke ilenimwaꞌe peꞌieu.’

Haataꞌinge 3:10

Oto aena aana omu hele susuleꞌi i sulie haꞌatolanga ineu, nge ineu noꞌone ne kei kinetaꞌiniꞌomu mwaanie maholo ni siꞌohaꞌanga nge ko lae mai huni oohongie ahutana mwala i laona walumalau.

Haataꞌinge 2:10

Mwaanie omu meꞌu-meꞌuteꞌinie nga mei ola aana walu ola nge karaꞌinie oto kire kei reu eemiu ngeena. !Omu ke rongo kaꞌu! A Pwelu Eero-eero kei malaahongamiu na kei aasie ngaeta mo iini eemiu i laona nume ni hoꞌo, na taungeꞌinilemiu kei lae mola i sulie aawalai hei dinge haahuu. Omu ke hele susuleꞌi mola aaku lai hule aana maenga, oto ne kei niie huniꞌomu rorodara ni meurihe.

Haataꞌinge 1:7

!Lio kaꞌu! Ko lae oto mai taꞌaune peꞌie mei uuru, na taꞌena nga maa kei leesie, hule aana oto noꞌone mo iini nge kire otomie. Na ahutana mwala mai aano kei ngara maholo kire kei leesie. Iau, ke urine oto.

1 Korinit 4:5

Oto omu ke suꞌuri leie mwala, aena aana e kaꞌa hule ue aana maholo a God kei lae mai huni leie mwala. Oto omu ke maaꞌoohie kaꞌu Aalaha ikie kei lae mai, aana ingeie nge ke si haataꞌinie mo ola kire oꞌoꞌo mumuni rorodoꞌa hunie kire ke iiꞌo haadaꞌi. Ingeie oto kei haataꞌinie saehaahinge mo iinoni, na kei lahera i sulie nga taa nga iini e asuie.

Palonga 8:20

Taꞌe a Pita ko ere aana mola, na ko teꞌuri, “!Tahi mola peꞌie mo toꞌoha iꞌoe i laona dunge ni haꞌamotaahinge! ?Haꞌalaa o loꞌongaꞌinie uri o kei holie nanamanga a God aani toꞌoha uri taa eena? Nga mei toꞌoha e kaꞌa malisine ike holitana nanamanga a God, taꞌe ola ingeie maraana ko niie mola hunie mo iini e saetoꞌo aada.

Tataroha Diana I Sulie A Jisas Kraes Nge A Jon E Uusue 12:26

Taꞌena nga iini ko sare asu nekue, nge ke lulu i sulieu oto, uri hunie iini euꞌesu ineu ke iiꞌo oto peꞌieu aana leu no ko iiꞌo aana. Na nga iini ko esu nekue, nge a Aamaku ke si haꞌapainaꞌaa i maana mwala.

Tataroha Diana I Sulie A Jisas Kraes Nge A Jon E Uusue 5:44

Omu saetoꞌo aana mola uri mwala ke laheꞌomu, taꞌe omu kaꞌa sare iiꞌo oodotaꞌi ike uri hunie taꞌa-taꞌa tohungei God ke laheꞌomu. ?Nge ko urine, omu ke si hiiwalaimoli eeku uri taa eena?

Tataroha Diana I Sulie A Jisas Kraes Nge A Luk E Uusue 12:33

Oto omu ke haꞌaholingeꞌinie mola toꞌo-toꞌolamiu, na omu ke niie mei toꞌoha aani hunie kira maitale. Omu ke mwaꞌie mo toꞌoha iꞌomu i laona mwaꞌi e saꞌa moka ike. Na omu ke loohaꞌinie toꞌolamiu i Lengi, aana leu kire saꞌa peliꞌi ike aana, wa mo kokorosi ke waeliꞌi.

Matiu 25:23

“Oto aalaha ingeie ko aalamie uuri, ‘O tohungei deu diana, na iꞌoe oto mwane auꞌesu diana, iini ni nou-norue. O lio i suli diana aana mo ola kaꞌa hunge, ne kei neꞌiꞌo o ke lio i sulie loꞌu mo ola hunge. Lae mai na o ke ilenimwaꞌe peꞌieu.’

Matiu 19:28

Oto a Jisas ko si unue hunire uuri, “No ko unue oto huniꞌomu uri aana walumalau haalu, maholo ineu a Kale Ni Iinoni ne kei iiꞌo i lengine naunekume ni menikuluꞌanga ineu, iꞌomu mo iini nge omu ko lulu i sulieu, omu kei iiꞌo noꞌone i lengine aawalai neunekume mwana rue huni leie aawalai komu mwana rue mo Israel.

Haataꞌinge 3:18

Oto no ko unue nga taa e diana liutaa hunie omu kei esuie. Omu ke toliꞌaasie ne ke niie namiu mo ola e aasa hunie omu kei holiꞌi. Toliꞌaasie ne ke luhesiꞌomu mwaanie mo oorahaꞌaa iꞌomu. Urine omu ke si lio oodoie maurihe huu na omu ke si toꞌo-toꞌo toꞌohuu. Oto omu ke toolea loꞌu mwaanieu mo toꞌoni rereꞌa aana oodo-oodonga ineu, huni hoꞌosiꞌi haahie maurihaꞌamiu mwaanie omu masa aana omu iiꞌo oto mola mwaakule. Na loꞌu omu ke toolea noꞌone mwaanieu mo ei ni ulu huni huiꞌi i laona maamiu, hunie omu ke lio taataha aana a God.

2 Pita 1:1

Saediananga mwaanieu a Saemon Pita, koni-konihe na hurulaꞌaa a Jisas Kraes, huniꞌomu mo iini nge omu hiiwalaimoli noꞌone aana a Jisas Kraes mala iꞌemeelu. Ingeie oto a God na a Haꞌa-uuritaka, na aena aana e tohungei oodotaꞌi na ko sare dau diana mola hunie ahutaka, nge hiiwalaimolinge e niie mai huniꞌomu ngeena e sada mola peꞌie hiiwalaimolinge iꞌemeelu mo hurulaꞌaa.

1 Pita 2:7

Na huniꞌomu mo iini omu hiiwalaimoli, hau ngeena tohungei ola diana oto liutaa, aena aana a Jisas oto ni ngeena. Taꞌe e kaꞌa neꞌie ike nga mei ola diana i maana mwala nge kire kaꞌa hiiwalaimoli aana. Na mo Uusu-uusu Maaꞌi e ere loꞌu i sulie hau ngeena aana e unue noꞌone uuri, Hau nge mwala tou-tohu nume kire leledie kaꞌu, e si lae mai neꞌie naꞌohai heu oto aana poo-pootana nume. Sam 118:22

1 Pita 1:5

Omu hiiwalaimoli oto aana God, na ingeie ni ko lio i suli diana aamiu oto aana nanamanga ingeie. Ke lio i suliꞌomu lai hule aana dinge ooreta, maholo nge a God kei haataꞌinie hunie walumalau uri ingeie ni ko haꞌa-uuriꞌomu.

Uusu-uusu A Pol Hurula'aa Hunie Mo Rom 2:29

Tohungei iinoni ni Jiu oto iini nge manatana e oodo oto peꞌie a God, na tohungei haꞌa-ara aana iinoni a God, mei hei-oolisinge takoie a God nge a Liꞌoa Maaꞌi ko esuie aana saena iinoni. Leu ngeena e kaꞌa lae ike mai mwaanie mo Haꞌatolanga nge uusuleni e sai lae i laona mo puke, taꞌe Liꞌoa Maaꞌi a God oto mola hahaiteli ni e sai esuie. Taungei iinoni urine e kaꞌa saetoꞌo aana ike mwala ke lahea, taꞌe saena mola hunie a God ke lahea.

Tataroha Diana I Sulie A Jisas Kraes Nge A Luk E Uusue 17:30

“Aitana kei urine noꞌone aana hai dinge nge ineu a Kale Ni Iinoni ne kei ooli mei.

Uusu-uusu A Pol Hurula'aa Hunie Mo Rom 2:10

Taꞌe ahutana mwala nge kire ko lae peꞌi esu diana, a God kei haꞌamanikuluꞌara, na kei haꞌapainaꞌara, na kei niie hanuelamanga hunire. Leune kei reu aana taꞌena nga iinoni diana, maꞌalana ikire mo Jiu wa ikire nga mo Jiu haꞌike.

Uusu-uusu A Pol Hurula'aa Hunie Mo Rom 8:19

Taꞌe-taꞌena nga ola a God e haꞌaholaa ko maa-maaꞌoohi peꞌi toꞌue luada huni leesie haataꞌinilana manikuluhaꞌana mo tohungei kalena God.

1 Pita 1:13

Oto i tehulaꞌana walu ola ngeena, nge omu ke dau aakau eemiu maraamiu huni esuie mo ola diana, na omu ke kinetaꞌinie tolahamiu mwaanie aaelanga. Na omu ke tohungei norutoꞌo mola aana God, na maaꞌoohi-susutoꞌonga iꞌomu ke maꞌutaꞌa i lengine niinge diana nge a God kei niie huniꞌomu aana maholo a Jisas Kraes kei ooli loꞌu mei.

1 Pita 4:13

E diana uri hunie omu ke ile-ilenimwaꞌe mola, aana omu ko sapesalu oto noꞌone mala a Kraes e sapesalu keꞌu. Aena leune omu kei ilenimwaꞌe noꞌone aana maholo a Kraes kei lae mai peꞌie manikuluhaꞌana God.

1 Pita 5:1

Oto no ko sare unue ngaeta mei wala ni haꞌananaunge huniꞌomu mo naꞌohai mwane aana soihaadaꞌinge. Ineu ngaeta naꞌohai mwane aana soihaadaꞌinge noꞌone mala iꞌomu, na hule aana nou sai ere haꞌawalaimoliꞌaa uri Tataroha Diana i sulie a Kraes e toꞌohuu aana ineu maraaku nou leesie kaꞌu sapesalunge a Kraes. Na nou saie uri ineu noꞌone ne kei toꞌo aana manikuluꞌanga a God aana maholo a Kraes kei ooli loꞌu mei.

2 Pita 3:14

Maeni eesiku maaꞌi, aena aana omu ko iiꞌo peꞌi maaꞌoohilana mone walu ola urine kei reu, nge omu ke tohungei esu waaꞌiniꞌini hunie omu ke toꞌo aana hanuelamanga toꞌohuu peꞌie a God. Mau-meuringe iꞌomu ke diana, na omu ke iiꞌo oodotaꞌi oto i maana.