1 Pita 1:11 - Tataroha Diana

¹¹ Liꞌoa a Kraes e iiꞌo i lalo aada, na e lae peꞌi unu tahangaꞌinie oto oodoire uri a Kraes kei holaꞌi sapesalu keꞌu hiitoꞌo, na oto loꞌu i puri, ke si hele aana manikuluꞌanga ingeie. Taꞌe mo propet kire kaꞌa tohungei saie ike walu ola ngeena kei reu uri taa, na kire dau-deu aahonga ni heitale i sulie uri maholo uri taa ni mei olana kei reu, na hunie a tei.

1 Pita 1:11 Referans Kwoze

2 Pita 1:21

Aana mo propet ngeena, kire kaꞌa unue ike nga taꞌa-taꞌa mei wala tohude, taꞌe a Liꞌoa Maaꞌi nge ko da kire ko unu tahangaꞌinie neꞌisaenga a God.

Uusu-uusu A Pol Hurula'aa Hunie Mo Rom 8:9

Taꞌe iꞌomu, omu kaꞌa iiꞌo ike loꞌu aana mo tolahai iinoni aaela urine. !Haꞌike oto! Omu iiꞌo oto i sulie tolahana a Liꞌoa Maaꞌi, aana Liꞌoa Maaꞌi a God e iiꞌo oto i lalo aamiu. Na mala uri nga iinoni e kaꞌa toꞌo aana ike Liꞌoa a Kraes i lalo aana, ingeie nga iinoni a Kraes haꞌike oto eena.

Haataꞌinge 19:10

Oto nou si pouruuru hai sulie aeꞌaena ensel, na no ko haꞌapainaꞌaa oto. Taꞌe e teꞌuri mola hunieu, “O ke suꞌuri haꞌapainaꞌaau, taꞌe o ke haꞌapainaꞌaa mola a God. Aena aana ineu ngaeta koni-konihe mola mala iꞌoe na mo eesimu nge kire helesie oto walaimolinge i sulie a Jisas. Aana walu ola nou haataꞌiniꞌi ie na ahutana walana mo propet ko lae hunie mwala ke saie walaimolinge i sulie a Jisas.”

Kalesia 4:6

Oto huni haataꞌinie uri kie neꞌie oto mo kalena a God toꞌohuu, a God e uusungeꞌinie mai Liꞌoa Maaꞌi aana a Kalena hunie ke iiꞌo i laona maurihaꞌaka. Na Liꞌoa ngeena ko si haataꞌinie uri kie sai soie a God Aamaka aana “Mamaꞌa.”

Tataroha Diana I Sulie A Jisas Kraes Nge A Jon E Uusue 12:41

A Aesaea e unue walu olana, aana e leesie manikuluhaꞌana a Jisas na e ere oto i sulie.

Tataroha Diana I Sulie A Jisas Kraes Nge A Luk E Uusue 24:44

Oto ko teꞌuri hunire, “Mei ola nge e rau eeku ngeena, nou unu mangoa oto oodoiꞌomu maholo nge nou oꞌoꞌo ue peꞌiꞌomu. Aana nou unue uri ahutana walu ola uusuleni e lae i sulieu i laona Haꞌatolanga a Mosis na aana mo Uusu-uusu Maaꞌi mo propet na aana Puke ni Kana, kire kei saronai oa mango.”

Matiu 26:24

Ineu a Kale Ni Iinoni ne kei mae taane oto mala mo Uusu-uusu Maaꞌi e unue. Taꞌe aama-aamasilana a mwane ngeena nge kei pweloau a Kale Ni Iinoni, aana kei lae otoi diana hunie iinoni ngeena mala uri ke suꞌuri hute.”

Palonga 16:7

Oto maholo kire hule aana taitelihana poꞌo ni henue i Misia, kire ko deu aahonga huni eeliꞌu oto loꞌu takoie poꞌo ni henue i Bitinia, taꞌe Liꞌoa Maaꞌi a Jisas e uure honosire loꞌu.